10 : ഇതാ, അവിടുന്ന് എന്നെ തന്റെ ശത്രുവായി പരിഗണിക്കുകയും എനിക്കെതിരേ കാരണം കണ്ടുപിടിക്കുകയും ചെയ്യുന്നു;
11 : അവിടുന്ന് എന്റെ മാര്ഗങ്ങളെ നിരീക്ഷിക്കുകയും എന്റെ കാലുകള് ആമത്തിലിടുകയും ചെയ്യുന്നു.
12 : നീ പറഞ്ഞതു ശരിയല്ല. ഞാന് മറുപടി പറയാം: ദൈവം മനുഷ്യനെക്കാള് ഉന്നതനാണ്.
13 : അവിടുന്ന് എന്റെ വാക്കുകള്ക്കൊന്നും മറുപടി പറയുകയില്ല എന്നു പറഞ്ഞ് നീ അവിടുത്തേക്കെതിരേ സംസാരിക്കുന്നതെന്ത്?
14 : ദൈവം ഒരിക്കല് ഒരു രീതിയില് പറയുന്നു; പിന്നെ വേറൊരു രീതിയില്; എന്നാല്, മനുഷ്യന് ഗ്രഹിക്കുന്നില്ല.
15 : മനുഷ്യന് കിടക്കയില് മയങ്ങുമ്പോള്, ഗാഢനിദ്രയില് അമരുമ്പോള്, ഒരു സ്വപ്നത്തില്, ഒരു നിശാദര്ശനത്തില്,
16 : അവിടുന്ന് അവന്റെ ചെവികള് തുറന്ന് മുന്നറിയിപ്പുകള്കൊണ്ട് അവനെ ഭയപ്പെടുത്തുന്നു.
17 : മനുഷ്യന്റെ അഹങ്കാരം അവസാനിപ്പിക്കാനും ദുഷ്പ്രവൃത്തികളില് നിന്ന് അവനെ പിന്തിരിപ്പിക്കാനും ആണ് ഇത്.
18 : അവിടുന്ന് അവന്റെ ആത്മാവിനെ പാതാളത്തില് നിന്നും, അവന്റെ ജീവനെ വാളില് നിന്നും രക്ഷിക്കുന്നു.
19 : മനുഷ്യനു കിടക്കയില് വേദനകൊണ്ട്, അസ്ഥിയുടെ തുടര്ച്ചയായ കഴപ്പു കൊണ്ട്, ശിക്ഷണം ലഭിക്കുന്നു.
20 : അവന്റെ ജീവന് അപ്പവും, വിശപ്പ് സ്വാദുള്ള ഭക്ഷണവും വെറുക്കുന്നു.
21 : അവന്റെ മാംസം ക്ഷയിച്ച് ഇല്ലാതായിരിക്കുന്നു; മറഞ്ഞിരുന്ന അസ്ഥികള് എഴുന്നു നില്ക്കുന്നു.
22 : അവന്റെ ആത്മാവ് പാതാളത്തെയും ജീവന് മൃത്യുവിന്റെ ദൂതന്മാരെയും സമീപിച്ചിരിക്കുന്നു.
23 : മനുഷ്യനു ധര്മം ഉപദേശിക്കാന് ഒരു ദൈവദൂതന്, ആയിരങ്ങളിലൊരുവനായ മധ്യസ്ഥന്, ഉണ്ടായിരുന്നെങ്കില്;
24 : ദൂതന് അവനോടു കരുണ തോന്നി പറയുന്നു: ഞാനൊരു മോചനദ്രവ്യം കണ്ടെണ്ടത്തിയിരിക്കുന്നു. പാതാളത്തില് പതിക്കുന്നതില് നിന്ന് അവനെ രക്ഷിക്കുക.
25 : അവന് മാംസം വച്ചു യുവത്വം വീണ്ടെടുക്കട്ടെ. യൗവനോന്മേഷത്തിന്റെ നാളുകളിലേക്ക് അവന് മടങ്ങിവരട്ടെ.
26 : അപ്പോള് മനുഷ്യന് ദൈവത്തോടു പ്രാര്ഥിക്കുകയും അവിടുന്ന് അവനെ സ്വീകരിക്കുകയും ചെയ്യും, അവിടുത്തെ സന്നിധിയില് അവന് സന്തോഷത്തോടെ പ്രവേശിക്കും. അവന് തന്റെ രക്ഷയെക്കുറിച്ച് മനുഷ്യരോട് ആവര്ത്തിച്ചു പറയും.
27 : അവന് മനുഷ്യരുടെ മുന്പില് പാടിപ്രഘോഷിക്കും: ഞാന് പാപം ചെയ്തു; നീതി വിട്ടകന്നു; എങ്കിലും, എനിക്ക് അതിനു ശിക്ഷ ലഭിച്ചില്ല.
28 : പാതാളത്തില് പതിക്കാതെ അവിടുന്ന് എന്നെ രക്ഷിച്ചു. എന്റെ ജീവന് പ്രകാശം കാണും.
29 : ദൈവം മനുഷ്യനോട് ഇപ്രകാരം രണ്ടോ മൂന്നോ തവണ പ്രവര്ത്തിക്കുന്നു.
30 : അവന്റെ ആത്മാവിനെ പാതാളത്തില് നിന്നു തിരിച്ചെടുക്കുകയും അവന് ജീവന്റെ പ്രകാശം കാണുകയും ചെയ്യേണ്ടതിനു തന്നെ.