6 : ഇപ്പോള് ഇവിടെ ഞങ്ങള് നിങ്ങള്ക്കു വേണ്ടി പ്രാര്ഥിച്ചുകൊണ്ടിരിക്കുന്നു.
7 : നൂറ്റിയറുപത്തൊന്പതാം വര്ഷം ദമെത്രിയൂസിന്റെ ഭരണകാലത്ത് യഹൂദരായ ഞങ്ങള്ക്കു കഠിനയാതനകള് നേരിട്ടപ്പോള് ഞങ്ങള് നിങ്ങള്ക്കെഴുതിയിരുന്നു. അക്കാലത്തു ജാസനും കൂട്ടരും വിശുദ്ധദേശത്തും രാജ്യം മുഴുവനിലും കലാപമുണ്ടാക്കുകയും
8 : ദേവാലയ കവാടങ്ങള് കത്തിച്ചുകളയുകയും നിഷ്കളങ്ക രക്തം ചിന്തുകയും ചെയ്തു. ഞങ്ങള് കര്ത്താവിനോടു പ്രാര്ഥിക്കുകയും അവിടുന്ന് അതു കേള്ക്കുകയും ചെയ്തു. ഞങ്ങള് ദഹനബലികളും ധാന്യബലികളും അര്പ്പിച്ചു. ദീപം തെളിക്കുകയും കാഴ്ചയപ്പം ഒരുക്കിവയ്ക്കുകയും ചെയ്തു.
10 : ജറുസലെമിലും യൂദയായിലുമുള്ള വരും, ആലോചനാസംഘവും യൂദാസും, അഭിഷിക്ത പുരോഹിതന്മാരുടെ ഭവനത്തില്പെട്ടവനും ടോളമി രാജാവിന്റെ ഗുരുവുമായ അരിസ്തോബുലൂസിനും ഈജിപ്തിലെ യഹൂദര്ക്കും അഭിവാദനങ്ങളര്പ്പിക്കുകയും ആയുരാരോഗ്യങ്ങള് നേരുകയും ചെയ്യുന്നു.
11 : കൊടിയവിപത്തുകളില് നിന്നു ഞങ്ങളെ രക്ഷിക്കുകയും രാജാവിനെതിരേ ഞങ്ങളെ തുണയ്ക്കുകയും ചെയ്ത ദൈവത്തിനു ഞങ്ങള് കൃതജ്ഞത സമര്പ്പിക്കുന്നു.
12 : വിശുദ്ധ നഗരത്തെ ആക്രമിച്ചവരെ അവിടുന്ന് തുരത്തി.
13 : പേര്ഷ്യായിലെത്തിയ സേനാധിപതിയും അപ്രതിരോധ്യമായ സേനയും നനെയാക്ഷേത്രത്തില് വച്ച് നനെയായുടെ പുരോഹിതന്മാരുടെ ചതിപ്രയോഗത്താല് വധിക്കപ്പെട്ടു.
15 : ക്ഷേത്രപുരോഹിതന്മാര് നിക്ഷേപങ്ങള് അവരുടെ മുന്പില് നിരത്തിവച്ചു. അന്തിയോക്കസ് ഏതാനും പേരോടുകൂടെ ക്ഷേത്രവളപ്പില് പ്രവേശിച്ചയുടനെ അവര് വാതില് അടച്ചു.
16 : മച്ചിലെ ഒളിവാതില് തുറന്ന് കല്ലെറിഞ്ഞ് അവര് സേനാധിപതിയെയും അനുയായികളെയും വീഴ്ത്തി; അംഗഭംഗപ്പെടുത്തുകയും തലവെട്ടി പുറത്തുള്ളവര്ക്ക് എറിഞ്ഞുകൊടുക്കുകയും ചെയ്തു.
17 : അധര്മികള്ക്കു തക്ക ശിക്ഷ നല്കിയ ദൈവം എല്ലാ വിധത്തിലും വാഴ്ത്തപ്പെടട്ടെ!
18 : കിസ്ലേവു മാസം ഇരുപത്തഞ്ചാം ദിവസം ഞങ്ങള് ദേവാലയ ശുദ്ധീകരണത്തിരുനാള് ആഘോഷിക്കുന്ന വിവരം നിങ്ങളും അറിയേണ്ടതാണ്. കാരണം, കൂടാരത്തിരുനാളും, ദേവാലയവും ബലിപീഠവും നിര്മിച്ച നെഹെമിയാ ബലികളര്പ്പിച്ചപ്പോള് നല്കപ്പെട്ട അഗ്നിയുടെ തിരുനാളും നിങ്ങളും ആഘോഷിക്കേണ്ടതാണല്ലോ.
19 : നമ്മുടെ പിതാക്കന്മാര് അടിമകളായി പേര്ഷ്യയിലേക്കു നയിക്കപ്പെട്ടപ്പോള് ഭക്തന്മാരായ പുരോഹിതന്മാര് ബലിപീഠത്തില് നിന്ന് അല്പം അഗ്നിയെടുത്ത് പൊട്ടക്കിണറ്റില് ഒളിച്ചു വച്ചു. അതു രഹസ്യമായിരിക്കാന് അവര് വേണ്ട മുന്കരുതലുകളും ചെയ്തു.
20 : വളരെക്കൊല്ലങ്ങള്ക്കു ശേഷം ദൈവകൃപയാല് പേര്ഷ്യാരാജാവ് നിയോഗിച്ച നെഹെമിയാ, പുരോഹിതന്മാര് ഒളിച്ചു സൂക്ഷിച്ച അഗ്നി എടുത്തുകൊണ്ടു വരാന് അവരുടെ പിന്ഗാമികളോടു നിര്ദേശിച്ചു. അവര് മടങ്ങിവന്ന് അഗ്നി കണ്ടെണ്ടത്തിയില്ലെന്നും എന്നാല്, ഒരു കൊഴുത്ത ദ്രാവകം കണ്ടെന്നും അറിയിച്ചു. അതു കോരിക്കൊണ്ടുവരാന് നെഹെമിയാ ആജ്ഞാപിച്ചു.
21 : ബലിവസ്തുക്കള് ഒരുക്കുമ്പോള് വിറകിന്മേലും ബലിവസ്തുവിന്മേലും ആ ദ്രാവകം തളിക്കാന് പുരോഹിതന്മാരോട് അവന് നിര്ദേശിച്ചു.
22 : അപ്രകാരം ചെയ്ത് അല്പനേരം കഴിഞ്ഞപ്പോള് മേഘാവൃതമായിരുന്ന സൂര്യന് തെളിയുകയും വലിയൊരഗ്നി ആളിക്കത്തുകയും ചെയ്തു. എല്ലാവരും അദ്ഭുതപ്പെട്ടു.
23 : ബലിവസ്തു ദഹിക്കുമ്പോള് പുരോഹിതന്മാരും ജനങ്ങളും പ്രാര്ഥിച്ചുകൊണ്ടിരുന്നു. ജോനാഥാന് പ്രാര്ഥന നയിക്കുകയും ജനം നെഹെമിയായോടൊത്ത് പ്രതിവചനം ചൊല്ലുകയും ചെയ്തു.
31 : ബലിവസ്തു ദഹിച്ചുകഴിഞ്ഞപ്പോള് ബാക്കിയുണ്ടായിരുന്ന ദ്രാവകം വലിയ കല്ലുകളുടെമേല് ഒഴിക്കുന്നതിനു നെഹെമിയാ കല്പിച്ചു.
32 : അങ്ങനെ ചെയ്തപ്പോള് ഒരു അഗ്നിജ്വാല ഉണ്ടായി. ബലിപീഠത്തില്നിന്നുള്ള പ്രകാശം തട്ടിയപ്പോള് ആ ജ്വാല കെട്ടടങ്ങി.
33 : ഈ വസ്തുത പ്രസിദ്ധമായി. പ്രവാസത്തിലേക്കു നയിക്കപ്പെട്ട പുരോഹിതന്മാര് അഗ്നി സൂക്ഷിച്ചിരുന്ന സ്ഥലത്ത് ഒരു ദ്രാവകം കണ്ടെന്നും അതുപയോഗിച്ച് നെഹെമിയായും അനുചരന്മാരും ബലിവസ്തുക്കള് ദഹിപ്പിച്ചെന്നും കേട്ട
34 : പേര്ഷ്യാ രാജാവ് വസ്തുതകളെപ്പറ്റി അന്വേഷിക്കുകയും ആ സ്ഥലം വിശുദ്ധമായി പ്രഖ്യാപിച്ചു ചുറ്റും മതിലുകെട്ടുകയും ചെയ്തു.
35 : തനിക്കു പ്രീതി തോന്നിയവര്ക്കെല്ലാം രാജാവ് നല്ല സമ്മാനം കൊടുത്തു.
36 : നെഹെമിയായും അനുചരന്മാരും ആ സ്ഥലത്തിനു ശുദ്ധീകരണം എന്നര്ഥമുള്ള നെഫ്ത്താര് എന്നു പേരിട്ടു. എന്നാല് അധികം പേരും നഫ്ത്താ എന്നു വിളിക്കുന്നു.