1 : ജറോബോവാം ധൂപാര്പ്പണത്തിനു ബലിപീഠത്തിനരികെ നില്ക്കുമ്പോള്, കര്ത്താവിന്റെ കല്പനയനുസരിച്ച് ഒരു ദൈവപുരുഷന് യൂദായില്നിന്നു ബഥേലില് വന്നു.
2 : കര്ത്താവ് കല്പിച്ചതുപോലെ അവന് ബലിപീഠത്തെനോക്കി വിളിച്ചുപറഞ്ഞു: അല്ലയോ ബലിപീഠമേ, കര്ത്താവ് അരുളിച്ചെയ്യുന്നു; ദാവീദിന്റെ ഭവനത്തില് ജോസിയാ എന്ന ഒരു പുത്രന് ജനിക്കും. നിന്റെ മേല് ധൂപാര്പ്പണം നടത്തുന്ന പൂജാഗിരിയിലെ പുരോഹിതന്മാരെ അവന് നിന്റെ മേല്വച്ചു ബലിയര്പ്പിക്കും. മനുഷ്യാസ്ഥികള് നിന്റെ മേല് ഹോമിക്കും.
3 : അന്നു തന്നെ ഒരടയാളം കാണിച്ചുകൊണ്ട് അവന് തുടര്ന്നു: കര്ത്താവാണു സംസാരിച്ചത് എന്നതിന്റെ അടയാളം ഇതാണ്; ഇതാ ഈ ബലിപീഠം പിളര്ന്ന് അതിന്മേലുള്ള ചാരം ഊര്ന്നു വീഴും.
4 : ദൈവപുരുഷന് ബഥേലിലെ ബലിപീഠത്തിനെതിരേ പ്രഖ്യാപിച്ചതു കേട്ട് ജറോബോവാം പീഠത്തിനരികേ നിന്ന് കൈനീട്ടിക്കൊണ്ട് അവനെ പിടിക്കാന് കല്പിച്ചു. അപ്പോള് അവന്റെ കരം മരവിച്ച് മടക്കാന് കഴിയാതെയായി.
6 : രാജാവ് അവനോടു പറഞ്ഞു: നിന്റെ ദൈവമായ കര്ത്താവിനോട് എനിക്കുവേണ്ടി ദയവായി പ്രാര്ഥിക്കുക; അവിടുന്ന് എന്റെ കരം സുഖപ്പെടുത്തട്ടെ. അവന് കര്ത്താവിനോടു പ്രാര്ഥിച്ചു; രാജാവിന്റെ കരം പഴയപടിയായി.
7 : രാജാവ് അവനോടു പറഞ്ഞു: നീ എന്നോടുകൂടെ കൊട്ടാരത്തില് വന്ന് സത്കാരം സ്വീകരിക്കുക. ഞാന് നിനക്ക് ഒരു സമ്മാനം തരാം.
8 : അവന് പ്രതിവചിച്ചു: നിന്റെ കൊട്ടാരത്തിന്റെ പകുതി തന്നാലും ഞാന് വരുകയില്ല. ഇവിടെവച്ചു ഞാന് ഭക്ഷണപാനീയങ്ങള് കഴിക്കുകയില്ല.
10 : അവന് ബഥേലില്നിന്നു വന്നവഴിയല്ലാതെ മറ്റൊരു വഴിക്ക് മടങ്ങിപ്പോയി.
11 : അക്കാലത്ത് ബഥേലില് ഒരു വൃദ്ധപ്രവാചകന് ഉണ്ടായിരുന്നു. അവന്റെ പുത്രന്മാര് വന്ന് ദൈവപുരുഷന് ചെയ്ത കാര്യങ്ങളും രാജാവിനോടു പറഞ്ഞവിവരങ്ങളും പിതാവിനെ അറിയിച്ചു.
18 : വൃദ്ധന് പറഞ്ഞു: ഞാനും നിന്നെപ്പോലെ ഒരു പ്രവാചകനാണ്; ദൂതന്വഴി കര്ത്താവ് എന്നോടു കല്പിച്ചിരിക്കുന്നു; ഭക്ഷണം കഴിക്കാന് അവനെ നീ വീട്ടില് കൊണ്ടുവരുക; അവന് പറഞ്ഞതു വ്യാജമായിരുന്നു.
19 : ദൈവപുരുഷന് അവനോടൊപ്പം വീട്ടില്ച്ചെന്ന് ഭക്ഷണപാനീയങ്ങള് കഴിച്ചു.
21 : അവന് യൂദായില്നിന്നു വന്ന ദൈപുരുഷനോട് ഉച്ചത്തില് പറഞ്ഞു: നീ കര്ത്താവിന്റെ വചനം ശ്രവിച്ചില്ല; കര്ത്താവായ ദൈവം നിന്നോടു കല്പിച്ചതുപോലെ നീ പ്രവര്ത്തിച്ചതുമില്ല.
22 : നീ തിരിച്ചുവരുകയും ഭക്ഷണപാനീയങ്ങള് കഴിക്കരുതെന്ന് അവിടുന്ന് കല്പിച്ചിരുന്ന സ്ഥലത്തുവച്ചു നീ ഭക്ഷിക്കുകയും ചെയ്തു. അതുകൊണ്ട് നിന്റെ ജഡം നിന്റെ പിതാക്കന്മാരോടുകൂടെ സംസ്കരിക്കപ്പെടുകയില്ലെന്ന് കര്ത്താവ് അരുളിച്ചെയ്യുന്നു.
24 : മാര്ഗമധ്യേ ഒരു സിംഹം എതിരേ വന്ന് അവനെ കൊന്നു; ജഡത്തിനരികേ സിംഹവും കഴുതയും നിന്നു.
25 : വഴിപോക്കര് നിരത്തില് കിടക്കുന്ന ജഡവും അരികില് നില്ക്കുന്ന സിംഹത്തെയും കണ്ടു. അവര് വൃദ്ധപ്രവാചകന് വസിക്കുന്ന പട്ടണത്തില് ചെന്ന് വിവരമറിയിച്ചു.
26 : അവനെ കൂട്ടിക്കൊണ്ടുവന്ന പ്രവാചകന് ഇതുകേട്ടു പറഞ്ഞു: കര്ത്താവിന്റെ കല്പന ലംഘിച്ച ദൈവപുരുഷന് തന്നെ അവന് ! കര്ത്താവ് അരുളിച്ചെയ്തതു പോലെ അവനെ സിംഹത്തിന് വിട്ടുകൊടുക്കുകയും അത് അവനെ ചീന്തിക്കളയുകയും ചെയ്തു.
27 : അവന് മക്കളോടു പറഞ്ഞു: കഴുതയ്ക്കു ജീനിയിടുവിന്. അവര് അങ്ങനെ ചെയ്തു.
28 : അവന് ചെന്ന് ദൈവപുരുഷന്റെ ജഡം വഴിയില് കിടക്കുന്നതും അതിനരികെ കഴുതയും സിംഹവും നില്ക്കുന്നതും കണ്ടു. സിംഹം ജഡം ഭക്ഷിക്കുകയോ കഴുതയെ ആക്രമിക്കുകയോ ചെയ്തില്ല.
29 : ദുഃഖാചരണത്തിനും സംസ്കാരത്തിനുമായി വൃദ്ധപ്രവാചകന് ജഡം കഴുതപ്പുറത്തുവച്ച് പട്ടണത്തില് കൊണ്ടുവന്നു.
30 : അവന് തന്റെ സ്വന്തം കല്ലറയില് അവനെ സംസ്കരിച്ചു; അയ്യോ, സഹോദരാ എന്നുവിളിച്ച് അവര് വിലപിച്ചു.
31 : അനന്തരം, അവന് പുത്രന്മാരോടു പറഞ്ഞു: ഞാന് മരിക്കുമ്പോള് ദൈവപുരുഷനെ അടക്കിയ കല്ലറയില്ത്തന്നെ എന്നെയും സംസ്കരിക്കണം. എന്റെ അസ്ഥികള് അവന്റെ അസ്ഥികള്ക്കരികേ നിക്ഷേപിക്കുക.
33 : ജറോബോവാം അധര്മത്തില്നിന്നു പിന്തിരിഞ്ഞില്ല. എല്ലാ ജനവിഭാഗങ്ങളിലും നിന്നു പൂജാഗിരികളില് പുരോഹിതന്മാരെ നിയമിച്ചു. ആഗ്രഹിച്ചവരെയൊക്കെ അവന് പുരോഹിതന്മാരാക്കി.
34 : ഭൂമുഖത്തുനിന്നു നിര്മാര്ജനം ചെയ്യപ്പെടത്തക്ക വിധം ജറോബോവാമിന്റെ ഭവനത്തിന് ഇതു പാപമായിത്തീര്ന്നു.