1 : ദാവീദ് ചിന്തിച്ചു: ഞാന് ഒരു ദിവസം സാവൂളിന്റെ കൈകൊണ്ട് മരിക്കേണ്ടിവരും. ഫിലിസ്ത്യരുടെ നാട്ടിലേക്കു രക്ഷപെടുന്നതല്ലേ എനിക്കു നല്ലത്? അപ്പോള് സാവൂള് ഇസ്രായേല് അതിര്ത്തികളില് എന്നെ അന്വേഷിക്കുന്നതു മതിയാക്കും. ഞാന് അവന്റെ കൈയില്നിന്നു രക്ഷപെടുകയുംചെയ്യും.
3 : അവര് കുടുംബസമേതം ഗത്തില് അക്കീഷിനോടൊപ്പം വസിച്ചു. ദാവീദിനോടുകൂടെ അവന്റെ ഭാര്യമാരായ ജസ്രേല്ക്കാരി അഹിനോവാമും നാബാലിന്റെ വിധവ കാര്മലിലെ അബിഗായിലും ഉണ്ടായിരുന്നു.
4 : ദാവീദ് ഗത്തിലേക്ക് ഓടിപ്പോയെന്ന് സാവൂളിന് അറിവുകിട്ടി; പിന്നെ സാവൂള് അവനെ അന്വേഷിച്ചില്ല. ദാവീദ് അക്കീഷിനോടു പറഞ്ഞു:
5 : അങ്ങേക്ക് എന്നോടു പ്രീതിയുണ്ടെങ്കില് നാട്ടിന് പുറത്തെവിടെയെങ്കിലും ഒരു സ്ഥലം തരുക. ഞാനവിടെ താമസിച്ചുകൊള്ളാം. ഈ ദാസന് എന്തിന് ഈ രാജകീയ നഗരത്തില് അങ്ങയോടൊത്തു താമസിക്കുന്നു?
6 : അക്കീഷ് അന്നുതന്നെ സിക്ലാഗ് പ്രദേശം അവനു കൊടുത്തു. അതിനാല്, സിക്ലാഗ് ഇന്നും യൂദാരാജാക്കന്മാര്ക്കുള്ളതാണ്.
7 : ദാവീദ് ഒരു വര്ഷവും നാലു മാസവും ഫിലിസ്ത്യദേശത്ത് വസിച്ചു.
9 : ദാവീദ് ആ ദേശം ആക്രമിച്ചു നശിപ്പിച്ചു. സ്ത്രീപുരുഷഭേദമെന്നിയേ എല്ലാവരെയും വധിച്ചു. ആടുമാടുകള്, കഴുതകള്, ഒട്ടകങ്ങള്, വസ്ത്രങ്ങള് എന്നിവ അപഹരിച്ച് അക്കീഷിന്റെയടുക്കല് മടങ്ങിവന്നു.
10 : നീ ഇന്ന് ആരെയാണ് ആക്രമിച്ചത് എന്ന് അക്കീഷ് ചോദിക്കുമ്പേള്, യൂദായ്ക്കു തെക്ക് അല്ലെങ്കില് ജറാമെല്യര്ക്കു തെക്ക്, അതുമല്ലെങ്കില് കേന്യര്ക്കു തെക്ക് എന്നൊക്കെ ദാവീദ് മറുപടി പറയുമായിരുന്നു.
11 : ദാവീദിന്റെ പ്രവൃത്തി ആരെങ്കിലും ഗത്തില് അറിയിക്കുമെന്നു ഭയന്ന് അവന് സ്ത്രീകളെയോ പുരുഷന്മാരെയോ ജീവനോടെ വിട്ടില്ല. ഫിലിസ്ത്യരുടെ നാട്ടില് വസിച്ചിരുന്ന കാലമത്രയും അവന് ഇങ്ങനെ ചെയ്തുപോന്നു.
12 : അക്കീഷാകട്ടെ ദാവീദിനെ വിശ്വസിച്ചു. സ്വജനമായ ഇസ്രായേല്യരുടെ കഠിനമായ വെറുപ്പിനു സ്വയം പാത്രമായതിനാല് അവന് എന്നും തന്റെ ദാസനായിരിക്കുമെന്ന് അക്കീഷ് കരുതി.