14 : ബലിപീഠത്തിലെ ശുശ്രൂഷയ്ക്ക് ഉപയോഗിക്കുന്ന ഉപകരണങ്ങളെല്ലാം - അഗ്നികലശങ്ങള്, മുള്ക്കരണ്ടികള്, കോരികകള്, തട്ടങ്ങള് എന്നിവ - അതിന്മേല് വയ്ക്കണം. അതിനുമുകളില് ആട്ടിന്തോല് വിരിച്ച് അതു വഹിക്കാനുള്ള തണ്ടുകള് ഉറപ്പിക്കണം.
15 : അഹറോനും പുത്രന്മാരുംകൂടി വിശുദ്ധസ്ഥലവും അതിലെ ഉപകരണങ്ങളും പൊതിഞ്ഞുകഴിഞ്ഞ് സമൂഹം പുറപ്പെടുമ്പോള് വാഹകരായി കൊഹാത്യര് വരണം. എന്നാല്, അവര് വിശുദ്ധ വസ്തുക്കളെ സ്പര്ശിക്കരുത്; സ്പര്ശിച്ചാല് മരിക്കും. ഇവയെല്ലാമാണ് കൊഹാത്യര് വഹിക്കേണ്ട സമാഗമകൂടാരത്തിലെ സാധനങ്ങള്.
16 : പുരോഹിതനായ അഹറോന്റെ മകന് എലെയാസര് ദീപത്തിനുവേണ്ടി എണ്ണ, സുഗന്ധധൂപം, അനുദിനധാന്യബലിക്കുള്ള സാധനങ്ങള്, അഭിഷേകതൈലം എന്നിവയുടെ മേല്നോട്ടം വഹിക്കണം. കൂടാരത്തിന്റെയും അതിലുള്ള സകല സാധനങ്ങളുടെയും വിശുദ്ധ സ്ഥലത്തിന്റെയും അതിലെ ഉപകരണങ്ങളുടെയും ചുമതലയും അവന് തന്നെ വഹിക്കണം.
23 : മുപ്പതു മുതല് അമ്പതുവരെ വയസ്സും സമാഗമകൂടാരത്തില് സേവനം ചെയ്യാന് ശേഷിയുമുള്ളവരുടെ എണ്ണമെടുക്കുക.
24 : ഗര്ഷോന്യകുടുംബങ്ങള്ക്ക് ശുശ്രൂഷ ചെയ്യുന്നതിലും ഭാരം വഹിക്കുന്നതിലുമുള്ള പങ്ക് ഇതാണ്:
25 : കൂടാരവിരികള്, സമാഗമകൂടാരം, അതിന്റെ ആവരണം, കൂടാരവാതിലിന്റെ തിരശ്ശീല,
26 : കൂടാരത്തിനും ബലിപീഠത്തിനും ചുറ്റുമുള്ള അങ്കണത്തിന്റെ വിരികള്, അങ്കണകവാടത്തിലെ യവനിക, അവയുടെ ചരടുകള്, അവിടെ ശുശ്രൂഷചെയ്യാനുള്ള ഉപകരണങ്ങള് എന്നിവ അവര് വഹിക്കണം. ഇതു സംബന്ധിച്ചുള്ള എല്ലാക്കാര്യങ്ങളും അവര് ചെയ്യണം.
27 : ഭാരം വഹിക്കലും ഇതര സേവനങ്ങളുമടക്കം തങ്ങള് ചെയ്യേണ്ട എല്ലാ ജോലികളിലും ഗര്ഷോന്യര് അഹറോന്റെയും പുത്രന്മാരുടെയും നിര്ദേശങ്ങള് അനുസരിക്കണം. അവരുടെ കര്ത്തവ്യങ്ങള് നീ ഏല്പിച്ചുകൊടുക്കണം.
28 : ഇതാണ് സമാഗമകൂടാരത്തില് ഗര്ഷോന്യര് ചെയ്യേണ്ട ജോലികള്. പുരോഹിതനായ അഹറോന്റെ പുത്രന് ഇത്താമറിന്റെ മേല്നോട്ടത്തിലായിരിക്കണം അവരുടെ ജോലി.
32 : ചുറ്റുമുള്ള അങ്കണത്തിലെ തൂണുകള്, അവയുടെ പാദകുടങ്ങള്, കൊളുത്തുകള്, ചരടുകള്, ഇവയോടനുബന്ധിച്ചുള്ള മറ്റു സാമഗ്രികള്. അവര് വഹിക്കേണ്ട സാധനങ്ങള് ഇനംതിരിച്ച് അവരെ ഏല്പിക്കണം.
36 : കുടുംബമനുസരിച്ച് അവരുടെ എണ്ണം രണ്ടായിരത്തിയെഴുനൂറ്റമ്പത് ആയിരുന്നു.
37 : മോശയോട് കര്ത്താവ് കല്പിച്ചതനുസരിച്ച് മോശയും അഹറോനും കൂടി കൊഹാത്യ കുടുംബങ്ങളില് നിന്ന് സമാഗമ കൂടാരത്തില് സേവനം ചെയ്യാനുള്ളവരുടെ കണക്കെടുത്തപ്പോള് ലഭിച്ച സംഖ്യയാണിത്.
38 : മുപ്പതുമുതല് അമ്പതുവരെ വയസ്സും
39 : സമാഗമകൂടാരത്തില് സേവനംചെയ്യാന് ശേഷിയുമുള്ള
40 : ഗര്ഷോന്യരുടെ എണ്ണം അവരുടെ കുലവും കുടുംബവുമനുസരിച്ച് രണ്ടായിരത്തിയറുനൂറ്റിമുപ്പതായിരുന്നു.
41 : കര്ത്താവിന്റെ കല്പനയനുസരിച്ച് മോശയും അഹറോനുംകൂടി ഗര്ഷോന്കുടുംബങ്ങളില് നിന്ന് സമാഗമകൂടാരത്തില് സേവനം ചെയ്യാനുള്ളവരുടെ കണക്കെടുത്തപ്പോള് ലഭിച്ച സംഖ്യയാണിത്.
42 : മുപ്പതുമുതല് അമ്പതുവരെ വയസ്സും
43 : സമാഗമകൂടാരത്തില് സേവനംചെയ്യാന് ശേഷിയുമുള്ള മെറാര്യരുടെ എണ്ണം
44 : അവരുടെ കുടുംബമനുസരിച്ച് മൂവായിരത്തിയിരുനൂറായിരുന്നു.
49 : കര്ത്താവിന്റെ കല്പനപ്രകാരം മോശ ഓരോരുത്തര്ക്കും അവരവരുടെ ജോലികള് ഏല്പിച്ചുകൊടുത്തു. അങ്ങനെ അവിടുന്നു കല്പിച്ചതനുസരിച്ച് മോശ അവരുടെ കണക്കെടുത്തു.