1 : ദൈവവചനം ശ്രവിക്കാന് ജനങ്ങള് അവനു ചുറ്റും തിങ്ങിക്കൂടി. അവന് ഗനേ സറത്തു തടാകത്തിന്റെ തീരത്തു നില്ക്കുകയായിരുന്നു.
2 : രണ്ടു വള്ളങ്ങള് കരയോടടുത്ത് കിടക്കുന്നത് അവന് കണ്ടു. മീന് പിടിത്തക്കാര് അവയില് നിന്നിറങ്ങി വല കഴുകുകയായിരുന്നു.
3 : ശിമയോന്റെ തായിരുന്നു വള്ളങ്ങളില് ഒന്ന്. യേശു അതില് കയറി. കരയില് നിന്ന് അല്പം അകലേക്കു വള്ളം നീക്കാന് അവനോട് യേശു ആവശ്യപ്പെട്ടു. അതില് ഇരുന്ന് അവന് ജനങ്ങളെ പഠിപ്പിച്ചു.
5 : ശിമയോന് പറഞ്ഞു: ഗുരോ, രാത്രി മുഴുവന് അദ്ധ്വാനിച്ചിട്ടും ഞങ്ങള്ക്ക് ഒന്നും കിട്ടിയില്ല. എങ്കിലും നീ പറഞ്ഞതനുസരിച്ച് ഞാന് വലയിറക്കാം.
6 : വലയിറക്കിയപ്പോള് വളരെയേറെ മത്സ്യങ്ങള് അവര്ക്കു കിട്ടി. അവരുടെ വല കീറിത്തുടങ്ങി.
7 : അവര് മറ്റേ വള്ളത്തില് ഉണ്ടായിരുന്ന കൂട്ടുകാരെ ആംഗ്യം കാണിച്ച് സഹായത്തിനു വിളിച്ചു. അവര് വന്ന് രണ്ടു വള്ളങ്ങളും മുങ്ങാറാകുവോളം നിറ ച്ചു.
8 : ശിമയോന്പത്രോസ് ഇതു കണ്ടപ്പോള് യേശുവിന്റെ കാല്ക്കല് വീണ്, കര്ത്താവേ, എന്നില്നിന്ന് അകന്നുപോ കണമേ; ഞാന് പാപിയാണ് എന്നുപറഞ്ഞു.
9 : എന്തെന്നാല്, തങ്ങള്ക്കു കിട്ടിയ മീനിന്റെ പെരുപ്പത്തെപ്പറ്റി ശിമയോനും കൂടെയുണ്ടായിരുന്നവരും അദ്ഭുതപ്പെട്ടു.
10 : അതുപോലെതന്നെ, അവന്റെ പങ്കുകാരായ സെബദീപുത്രന്മാര് വ യാക്കോബും യോഹന്നാനുംവ വിസ്മയിച്ചു. യേശു ശിമയോനോടു പറഞ്ഞു: ഭയപ്പെടേണ്ടാ; നീ ഇപ്പോള് മുതല് മനുഷ്യരെപ്പിടിക്കുന്നവനാകും.
11 : വ ള്ളങ്ങള് കരയ്ക്കടുപ്പിച്ചതിനുശേഷം എല്ലാം ഉപേക്ഷിച്ച് അവര് അവനെ അനുഗ മിച്ചു.
കുഷ്ഠരോഗിയെ സുഖപ്പെടുത്തുന്നു
12 : പിന്നീടൊരിക്കല് യേശു ഒരു പട്ടണത്തില് ആയിരിക്കുമ്പോള് ഒരു കുഷ്ഠരോഗി വന്ന് അവനെക്കണ്ട് സാഷ്ടാംഗം വീണു പ്രാര്ഥിച്ചു: കര്ത്താവേ, അങ്ങേക്കു മനസ്സുണ്ടെങ്കില് എന്നെ ശുദ്ധനാക്കാന് കഴിയും.
13 : യേശു കൈ നീട്ടി അവനെ തൊട്ടുകൊണ്ടു പറഞ്ഞു: എനിക്കു മനസ്സുണ്ട്; നിനക്കു ശുദ്ധിയുണ്ടാകട്ടെ! തത്ക്ഷണം കുഷ്ഠം അവനെ വിട്ടുമാറി.
14 : യേശു അവനോടു പറഞ്ഞു: ഇക്കാര്യം നീ ആരോടും പറയരുത്. ഠപായി, നിന്നെത്തന്നെ പുരോഹിതനു കാണിച്ചു കൊടുക്കുകയും മോശ കല്പിച്ചിട്ടുള്ളതനുസരിച്ച് ജനങ്ങള്ക്കു സാക്ഷ്യത്തിനായി ശുദ്ധീ കരണക്കാഴ്ചകള് സമര്പ്പിക്കുകയും ചെയ്യുക.
15 : എന്നാല്, യേശുവിന്റെ കീര്ത്തി പൂര്വാധികം വ്യാപിച്ചതേയുള്ളു. അവന്റെ വാക്കു കേള്ക്കുന്നതിനും രോഗശാന്തി നേ ടുന്നതിനും വേണ്ടി വളരെ ആളുകള് തിങ്ങിക്കൂടി.
16 : അവനാകട്ടെ വിജനപ്രദേശങ്ങളിലേക്കു പിന്വാങ്ങി അവിടെ പ്രാര്ഥിച്ചുകൊണ്ടിരുന്നു.
തളര്വാതരോഗിയെ സുഖപ്പെടുത്തുന്നു
17 : ഒരു ദിവസം യേശു പഠിപ്പിച്ചുകൊണ്ടിരിക്കുമ്പോള്, ഗലീലിയിലെ എല്ലാഗ്രാമങ്ങളില്നിന്നുംയൂദയായില്നിന്നും ജറൂസലെമില്നിന്നും ഫരിസേയരും നിയമാധ്യാപകരും അവിടെ വന്നുകൂടി. രോഗികളെ സുഖപ്പെടുത്താന് കര്ത്താവിന്റെ ശക്തി അവനില് ഉണ്ടായിരുന്നു.
18 : അപ്പോള്, ചിലര് ഒരു തളര്വാതരോഗിയെ കിടക്കയില് എടുത്തു കൊണ്ടുവന്നു. അവര് അവനെ അകത്ത് യേശുവിന്റെ മുമ്പില് കൊണ്ടുവരാന് പരിശ്രമിച്ചു.
19 : ജനക്കൂട്ടം നിമിത്തം അതു സാധിക്കാഞ്ഞതുകൊണ്ട്, അവര് പുരമുകളില് കയറി ഓടിളക്കി കിടക്കയോടെ അവനെ യേശുവിന്റെ മുമ്പിലേക്ക് ഇറക്കി.
20 : അവരുടെ വിശ്വാസം കണ്ട് അവന് പറഞ്ഞു: മനുഷ്യാ, നിന്റെ പാപങ്ങള് ക്ഷമിക്കപ്പെട്ടിരിക്കുന്നു.
22 : അവരുടെ വിചാരം മനസ്സിലാക്കി യേശു അവരോടു പറഞ്ഞു: എന്തുകൊണ്ടാണ് നിങ്ങള് ഇങ്ങനെ ഹൃദയത്തില് ചോദിക്കുന്നത്?
23 : ഏതാണ് എളുപ്പം, നിന്റെ പാപങ്ങള് ക്ഷമിക്കപ്പെട്ടിരിക്കുന്നു എന്നു പറയുന്നതോ എഴുന്നേറ്റു നടക്കുക എന്നു പറയുന്നതോ?
24 : ഭൂമിയില് പാപങ്ങള് ക്ഷമിക്കാന്മനുഷ്യപുത്രന് അധികാരമുണ്ട് എന്നു നിങ്ങള് അറിയേണ്ടതിന് യേശു തളര്വാതരോഗിയോടു പറഞ്ഞു: ഞാന് നിന്നോടു പറയുന്നു, എഴുന്നേറ്റ് കിടക്കയുമെടുത്ത് വീട്ടിലേക്കു പോവുക.
25 : ഉടനെ, എല്ലാവരും കാണ്കേ, അവന് എഴുന്നേറ്റ് കിടക്കയു മെടുത്തു ദൈവത്തെ സ്തുതിച്ചുകൊണ്ട് വീട്ടിലേക്കുപോയി.
26 : എല്ലാവരും വിസ്മയ ഭരിതരായി ദൈവത്തെ മഹത്വപ്പെടുത്തി. അവര് സംഭ്രമത്തോടെ പറഞ്ഞു: അസാധാ രണ സംഭവങ്ങള് ഇു നാം കണ്ടിരിക്കുന്നു.
ലേവിയെ വിളിക്കുന്നു
27 : ഇതിനുശേഷം, അവന് പോകുംവഴിലേവി എന്നൊരു ചുങ്കക്കാരന് ചുങ്കസ്ഥ ലത്ത് ഇരിക്കുന്നതു കണ്ടു. എന്നെ അനുഗമിക്കുക എന്ന് യേശു അവനോടു പറഞ്ഞു.
28 : അവന് എല്ലാം ഉപേക്ഷിച്ച്, എഴുന്നേറ്റ് അവനെ അനുഗമിച്ചു.
29 : ലേവി തന്റെ വീട്ടില് അവനുവേണ്ടി ഒരു വലിയ വിരുന്നു നടത്തി. ചുങ്കക്കാരുടെയും മറ്റു ള്ളവരുടെയും ഒരു വലിയഗണം അവരോടൊപ്പം ഭക്ഷണത്തിനിരുന്നു.
30 : ഫരിസേയരും നിയമജ്ഞരും പിറുപിറുപ്പോടെ അവന്റെ ശിഷ്യരോടു പറഞ്ഞു: നിങ്ങള് ചുങ്കക്കാരോടും പാപികളോടുമൊത്ത് തിന്നുകയും കുടിക്കുകയും ചെയ്യുന്നതെന്ത്? യേശു അവരോടു പറഞ്ഞു:
31 : ആരോഗ്യമുള്ള വര്ക്കല്ല, രോഗികള്ക്കാണു വൈദ്യനെ ആവശ്യം.
33 : അവര് അവനോടു പറഞ്ഞു: യോഹന്നാന്റെ ശിഷ്യര് പലപ്പോഴും ഉപവസിക്കുകയും പ്രാര്ഥിക്കുകയും ചെയ്യുന്നു. ഫരിസേയരുടെ ശിഷ്യരും അങ്ങനെതന്നെ. എന്നാല്, നിന്റെ ശിഷ്യര് തിന്നുകുടിച്ചു നടക്കുന്നു.
34 : ഭൂമിയില് പാപങ്ങള് ക്ഷമിക്കാന്മനുഷ്യപുത്രന് അധികാരമുണ്ട് എന്നു നിങ്ങള് അറിയേണ്ടതിന് യേശു തളര്വാതരോഗിയോടു പറഞ്ഞു: ഞാന് നിന്നോടു പറയുന്നു, എഴുന്നേറ്റ് കിടക്കയുമെടുത്ത് വീട്ടിലേക്കു പോവുക.
36 : അവന് അവരോട് ഒരു ഉപമയും പറഞ്ഞു: ആരും പുതിയ വസ്ത്രത്തില്നിു കഷണം കീറിയെടുത്ത് പഴയവസ്ത്രത്തോടു ചേര്ക്കാറില്ല. അങ്ങനെ ചെയ്താല് പുതിയ വസ്ത്രം കീറുന്നു എന്നു മാത്രമല്ല പുതിയ കഷണം പഴയതിനോട് ചേരാതെ വരുകയും ചെയ്യും.
37 : ആരും പുതിയ വീഞ്ഞ് പഴയ തോല്ക്കുടങ്ങളില് ഒഴിച്ചുവയ്ക്കാറില്ല. അങ്ങനെ ചെയ്താല്, പുതിയ വീഞ്ഞ് പഴയ തോല്ക്കുടങ്ങള് ഭേദിച്ച് ഒഴുകിപ്പോവുകയും തോല്ക്കുടങ്ങള് നശിക്കുകയും ചെയ്യും.
38 : പുതിയ വീഞ്ഞ് പുതിയ തോല്ക്കുടങ്ങളിലാണ് ഒഴിച്ചുവയ്ക്കേണ്ടത്.