1 : അരുളപ്പാട് - ഇസ്രായേലിനെക്കുറിച്ചുള്ള കര്ത്താവിന്റെ അരുളപ്പാട്: ആകാശത്തെ വിരിക്കുകയും ഭൂമിയെ സ്ഥാപിക്കുകയും മനുഷ്യന്റെ പ്രാണനെ അവന്റെ ഉള്ളില് നിവേശിപ്പിക്കുകയും ചെയ്ത കര്ത്താവ് അരുളിച്ചെയ്യുന്നു,
2 : ജറുസലെമിനെയും യൂദായെയും ആക്രമിക്കാന് വരുന്ന ചുറ്റുമുള്ള ജനതകള്ക്കു ജറുസലെമിനെ ഞാന് ഒരു പാനപാത്രമാക്കാന് പോകുന്നു. അവര് അതില്നിന്നു കുടിച്ച് വേച്ചുവീഴും.
3 : അന്ന് ഞാന് ജറുസലെമിനെ ഭാരമേറിയ കല്ലാക്കും. അതു പൊക്കുന്നവര്ക്കു കഠിന മായ മുറിവേല്ക്കും. ഭൂമിയിലെ എല്ലാ ജനങ്ങളും അതിനെതിരേ ഒത്തുചേരും.
5 : യൂദായുടെ കുലങ്ങള് പറയും; ജറുസലെം നിവാസികള്ക്കു തങ്ങളുടെ ദൈവമായ, സൈന്യങ്ങളുടെ കര്ത്താവില്നിന്നു ശക്തി ലഭിക്കുന്നു.
6 : അന്നു ഞാന് യൂദായുടെ കുലങ്ങളെ വിറകിനു നടുവില് ഇരിക്കുന്ന ജ്വലിക്കുന്ന കനല് നിറച്ച ചട്ടിപോലെയും കറ്റകള്ക്കു നടുവില് പന്തമെന്നപോലെയും ആക്കും. അവര് ചുറ്റുമുള്ള ജനതകളെ മുഴുവന് സംഹരിക്കും. ജറുസലെമില് അപ്പോഴും നിവാസികള് ഉണ്ടായിരിക്കും.
7 : ദാവീദ് ഭവനത്തിന്റെയും ജറുസലെം നിവാസികളുടെയും മഹത്വം യൂദായുടെമേല് ഉയരാതിരിക്കേണ്ടതിന് കര്ത്താവ് ആദ്യം യൂദായുടെ നഗരങ്ങള്ക്കു വിജയം നല്കും.
8 : അന്ന് ജറുസലെം നിവാസികളെ പരിചകൊണ്ടു മറയ്ക്കും. അവരുടെ ഇടയിലെ ഏറ്റവും ദുര്ബലനായ വന് അന്ന് ദാവീദിനെപ്പോലെയാകും. ദാവീദ് ഭവനം ദൈവത്തെപ്പോലെ, കര്ത്താവിന്റെ ദൂതനെപ്പോലെ അവരെ നയിക്കും.
9 : അന്നു ഞാന് ജറുസലെമിനെതിരേ വരുന്ന സകല ശത്രുക്കളെയും നശിപ്പിക്കും.