4 : തങ്ങളുടെ ദൈവത്തിന്റെ അടുത്തേക്കു തിരികെപ്പോകാന് അവരുടെ പ്രവൃത്തികള് അവരെ അനുവദിക്കുന്നില്ല. കാരണം, വ്യഭിചാരദുര്ഭൂതം അവരില് കുടികൊള്ളുന്നു; അവര് കര്ത്താവിനെ അറിയുന്നുമില്ല.
5 : ഇസ്രായേലിന്റെ അഹങ്കാരം അവനെതിരേ സാക്ഷ്യംനല്കുന്നു. എഫ്രായിം തന്റെ തിന്മയില് തട്ടി വീഴും. യൂദായും അവരോടൊപ്പം കാലിടറി വീഴും.
6 : തങ്ങളുടെ ആട്ടിന്പറ്റങ്ങളും കാലിക്കൂട്ടങ്ങളുമായി അവര് കര്ത്താവിനെ അന്വേഷിച്ചു പോകും; എന്നാല്, അവര് അവിടുത്തെ കണ്ടെണ്ടത്തുകയില്ല; അവിടുന്ന് അവരെ വിട്ടകന്നിരിക്കുന്നു.
7 : അവര് കര്ത്താവിനോട് അവിശ്വസ്തത കാണിച്ചു. അവര് ജാരസന്തതികള്ക്കാണ് ജന്മം നല്കിയത്. അമാവാസി അവരെ അവരുടെ വയലുകളോടൊപ്പം വിഴുങ്ങും.
13 : എഫ്രായിം തന്റെ രോഗവും യൂദാ തന്റെ മുറിവും കണ്ടപ്പോള്, എഫ്രായിം അസ്സീറിയായിലേക്കു തിരിഞ്ഞ്, മഹാരാജാവിന്റെ അടുത്തേക്ക് ആളയച്ചു. എന്നാല്, നിങ്ങളെ സുഖപ്പെടുത്താനോ നിങ്ങളുടെ മുറിവ് ഉണക്കാനോ അവനു സാധിക്കുകയില്ല.
14 : ഞാന് എഫ്രായിമിന് ഒരു സിംഹത്തെപ്പോലെയുംയൂദാഭവനത്തിന് ഒരുയുവസിംഹത്തെപ്പോലെയുമായിരിക്കും. ഞാന്, അതേ, ഞാന് തന്നെ, അവരെ ചീന്തിക്കളയും. ഞാന് അവരെ ഉപേക്ഷിച്ചു പോകും. ഞാന് അവരെ വലിച്ചിഴച്ചു കൊണ്ടുപോകും; ആര്ക്കും അവരെ രക്ഷിക്കാന് കഴിയുകയില്ല.
15 : അവര് തങ്ങളുടെ തെറ്റുകള് ഏറ്റുപറഞ്ഞ് എന്റെ സാന്നിധ്യം തേടുകയും തങ്ങളുടെ വ്യഥയില് എന്നെ അന്വേഷിക്കുകയും ചെയ്യുന്നതുവരെ ഞാന് എന്റെ വാസസ്ഥലത്തേക്കു മടങ്ങും.