ಕನ್ನಡ ಸತ್ಯವೇದವು
പഴയ നിയമം
പുറപ്പാടിന്റെ പുസ്തകം
അദ്ധ്യായം 21
-
അടിമകളെ സംബന്ധിച്ച നിയമങ്ങള്
- Verse 1: നീ അവരെ അറിയിക്കേണ്ട നിയമങ്ങള് ഇവയാണ്:
- Verse 2: ഹെബ്രായനായ ഒരു അടിമയെ വിലയ്ക്കു വാങ്ങിയാല് അവന് നിന്നെ ആറുവര്ഷം സേവിച്ചു കൊള്ളട്ടെ. ഏഴാം വര്ഷം നീ അവനെ സൗജന്യമായി സ്വതന്ത്രനാക്കണം.
- Verse 3: അവന് തനിച്ചാണ് വന്നതെങ്കില് തനിച്ചു പൊയ്ക്കൊള്ളട്ടെ.
- Verse 4: ഭാര്യയോടുകൂടിയെങ്കില് അവളും കൂടെപ്പോകട്ടെ. യജമാനന് അവനു ഭാര്യയെ നല്കുകയും അവന് അവളില് പുത്രന്മാരോ പുത്രിമാരോ ജനിക്കുകയും ചെയ്താല് അവളും കുട്ടികളും യജമാനന്റെ വകയായിരിക്കും. ആകയാല്, അവന് തനിയെ പോകണം.
- Verse 5: എന്നാല് ഞാന് എന്റെ യജമാനനെയും എന്റെ ഭാര്യയെയും കുട്ടികളെയും സ്നേഹിക്കുന്നു; ഞാന് സ്വതന്ത്രനായി പോകുന്നില്ല എന്ന് ദാസന് തീര്ത്തു പറഞ്ഞാല്
- Verse 6: യജമാനന് അവനെ ദൈവസമക്ഷം കൊണ്ടു ചെന്ന് കതകിന്റെയോ കട്ടിളയുടെയോ അടുക്കല് നിര്ത്തി അവന്റെ കാത് തോലുളി കൊണ്ട് തുളയ്ക്കണം. അവന് എന്നേക്കും അവന്റെ അടിമയായിരിക്കും.
- Verse 7: ഒരുവന് തന്റെ പുത്രിയെ അടിമയായി വിറ്റാല് പുരുഷന്മാരായ അടിമകള് സ്വതന്ത്രരായി പോകുന്നതുപോലെ അവള് പോകാന് പാടില്ല.
- Verse 8: എന്നാല്, യജമാനന് അവള്ക്ക് വിവാഹ വാഗ്ദാനം നല്കിയശേഷം അവന് അവളില് അതൃപ്തി തോന്നിയാല് അവള് വീണ്ടെടുക്കപ്പെടാന് അനുവദിക്കണം. അവളെ വഞ്ചിച്ചതിനാല് അന്യര്ക്ക് അവളെ വില്ക്കാന് അവന് അവകാശമുണ്ടായിരിക്കുകയില്ല.
- Verse 9: അവന് അവളെ തന്റെ പുത്രനു ഭാര്യയായി നിശ്ചയിച്ചാല് പുത്രിമാരോടെന്നപോലെ അവളോടു പെരുമാറണം.
- Verse 10: അവന് മറ്റൊരുവളെ ഭാര്യയായി സ്വീകരിക്കുന്നുവെങ്കില് ഇവള്ക്കുള്ള ഭക്ഷണം, വസ്ത്രം, വൈവാഹികാവകാശം എന്നിവയില് കുറവുവരുത്തരുത്.
- Verse 11: ഇവ മൂന്നും അവന് അവള്ക്കു നല്കുന്നില്ലെങ്കില് വിലയൊടുക്കാതെ അവള്ക്കു സ്വതന്ത്രയായിപ്പോകാം.
-
ദേഹോപദ്രവത്തിനു ശിക്ഷ
- Verse 12: മനുഷ്യനെ അടിച്ചു കൊല്ലുന്നവന് വധിക്കപ്പെടണം.
- Verse 13: എന്നാല്, കരുതിക്കൂട്ടിയല്ലാതെ അവന്റെ കൈയാല് അങ്ങനെ സംഭവിക്കാന് ദൈവം ഇടവരുത്തിയാല് അവന് ഓടിയൊളിക്കാന് ഞാന് ഒരു സ്ഥലം നിശ്ചയിക്കും.
- Verse 14: ഒരുവന് തന്റെ അയല്ക്കാരനെ ചതിയില് കൊല്ലാന് ധൈര്യപ്പെടുന്നുവെങ്കില് അവനെ എന്റെ ബലിപീഠത്തിങ്കല് നിന്നുപോലും പിടിച്ചുകൊണ്ടുപോയി വധിക്കണം.
- Verse 15: പിതാവിനെയോ മാതാവിനെയോ അടിക്കുന്നവന് വധിക്കപ്പെടണം.
- Verse 16: മനുഷ്യനെ മോഷ്ടിച്ചു വില്്ക്കുകയോ തന്റെയടുക്കല് സൂക്ഷിക്കുകയോ ചെയ്യുന്നവന് വധിക്കപ്പെടണം.
- Verse 17: പിതാവിനെയോ മാതാവിനെയോ ശപിക്കുന്നവന് വധിക്കപ്പെടണം.
- Verse 18: ആളുകള് തമ്മിലുള്ള കലഹത്തിനിടയില് ഒരുവന് മറ്റൊരുവനെ കല്ലുകൊണ്ടോ മുഷ്ടികൊണ്ടോ ഇടിക്കുകയും, ഇടികൊണ്ടവന് മരിച്ചില്ലെങ്കിലും കിടപ്പിലാവുകയും ചെയ്തെന്നിരിക്കട്ടെ;
- Verse 19: പിന്നീട് അവന് എഴുന്നേറ്റ് വടിയുടെ സഹായത്തോടെയെങ്കിലും നടക്കാന് സാധിച്ചാല് ഇടിച്ചവന് ശിക്ഷാര്ഹനല്ല; എങ്കിലും അവനു സമയ നഷ്ടത്തിനു പരിഹാരം നല്കുകയും പൂര്ണസുഖമാകുന്നതു വരെ അവന്റെ കാര്യം ശ്രദ്ധിക്കുകയും വേണം.
- Verse 20: ഒരുവന് തന്റെ ദാസനെയോ ദാസിയെയോ വടികൊണ്ടടിക്കുകയും അടി കൊണ്ടയാള് അവന്റെയടുക്കല്തന്നെ വീണു മരിക്കുകയും ചെയ്താല് അവന് ശിക്ഷിക്കപ്പെടണം.
- Verse 21: എന്നാല്, അടികൊണ്ട ആള് ഒന്നോ രണ്ടോ ദിവസംകൂടി ജീവിക്കുന്നെങ്കില് അടിച്ചവന് ശിക്ഷിക്കപ്പെടരുത്. കാരണം, അടിമ അവന്റെ സ്വത്താണ്.
- Verse 22: ആളുകള് കലഹിക്കുന്നതിനിടയില് ഒരു ഗര്ഭിണിക്കു ദേഹോപദ്രവമേല്ക്കുകയാല് ഗര്ഭച്ഛിദ്രത്തിനിടയാവുകയും, എന്നാല് മറ്റപകടമൊന്നും സംഭവിക്കാതിരിക്കുകയും ചെയ്യുന്നപക്ഷം അവളുടെ ഭര്ത്താവ് ആവശ്യപ്പെടുകയും ന്യായാധിപന്മാര് നിശ്ചയിക്കുകയും ചെയ്യുന്ന തുക അവളെ ഉപദ്രവിച്ച ആള് പിഴയായി നല്കണം.
- Verse 23: എന്നാല് മറ്റെന്തെങ്കിലും അപകടം സംഭവിക്കുന്നെങ്കില് ജീവനു പകരം ജീവന് കൊടുക്കണം.
- Verse 24: കണ്ണിനു പകരം കണ്ണ്, പല്ലിനു പകരം പല്ല്, കൈക്കു പകരം കൈ; കാലിനു പകരം കാല്.
- Verse 25: പൊള്ളലിനു പകരം പൊള്ളല്. മുറിവിനു പകരം മുറിവ്, പ്രഹരത്തിനു പകരം പ്രഹരം.
- Verse 26: ഒരുവന് തന്റെ ദാസന്റെയോ ദാസിയുടെയോ കണ്ണ് അടിച്ചു പൊട്ടിച്ചാല് അതിനു പകരം ആ അടിമയ്ക്ക് സ്വാതന്ത്ര്യം നല്കണം.
- Verse 27: ഒരുവന് തന്റെ ദാസന്റെയോ ദാസിയുടെയോ പല്ല് അടിച്ചു പറിച്ചാല് അതിനു പകരം ആ അടിമയ്ക്കു സ്വാതന്ത്ര്യം നല്കണം.
-
ഉടമസ്ഥന്റെ ഉത്തരവാദിത്വം
- Verse 28: ഒരു കാള ഒരു പുരുഷനെയോ സ്ത്രീയെയോ കുത്തിക്കൊലപ്പെടുത്തിയാല്, അതിനെ കല്ലെറിഞ്ഞു കൊല്ലണം. ആരും അതിന്റെ മാംസം ഭക്ഷിക്കരുത്; കാളയുടെ ഉടമസ്ഥന് നിരപരാധനായിരിക്കും.
- Verse 29: എന്നാല്, കാള പതിവായി ആളുകളെ കുത്തി മുറിവേല്പിക്കുകയും അതിന്റെ ഉടമസ്ഥനെ വിവരമറിയിച്ചിട്ടും അവന് അതിനെ കെട്ടിയിടായ്കയാല് അത് ആരെയെങ്കിലും കുത്തിക്കൊല്ലുകയും ചെയ്താല് അതിനെ കല്ലെറിഞ്ഞു കൊല്ലണം; അതിന്റെ ഉടമസ്ഥനും വധിക്കപ്പെടണം.
- Verse 30: മോചനദ്രവ്യം നിശ്ചയിക്കപ്പെട്ടാല് നിശ്ചയിച്ച തുകകൊടുത്ത് അവന് ജീവന് വീണ്ടെടുക്കാം.
- Verse 31: കാള ഒരു ബാലനെയോ ബാലികയെയോ കുത്തിമുറിവേല്പിച്ചാലും ഇതേ നിയമം ബാധകമാണ്;
- Verse 32: ദാസനേയോ ദാസിയേയോ കുത്തി മുറിവേല്പിക്കുകയാണെങ്കില് അവരുടെ യജമാനന് കാളയുടെ ഉടമസ്ഥന് മുപ്പതു ഷെക്കല് വെള്ളി കൊടുക്കണം. കാളയെ കല്ലെറിഞ്ഞു കൊല്ലുകയും വേണം.
- Verse 33: ഒരുവന് കിണര് തുറന്നിടുകയോ അതു കുഴിച്ചതിനുശേഷം
- Verse 34: അടയ്ക്കാതിരിക്കുകയോ ചെയ്തതുകൊണ്ട് അതില് കാളയോ കഴുതയോ വീഴാനിടയായാല്, കിണറിന്റെ ഉടമസ്ഥന് മ്യഗത്തിന്റെ ഉടമസ്ഥനു നഷ്ട പരിഹാരം ചെയ്യണം. എന്നാല്, ചത്ത മൃഗം അവനുള്ളതായിരിക്കും.
- Verse 35: ഒരുവന്റെ കാള മറ്റൊരുവന്റെ കാളയെ കുത്തിമുറിവേല്പിക്കുകയും അതു ചാകുകയും ചെയ്താല്, അവര് ജീവനുള്ള കാളയെ വില്ക്കുകയും കിട്ടുന്ന പണം പങ്കിട്ടെടുക്കുകയും വേണം; ചത്ത കാളയെയും പങ്കിട്ടെടുക്കണം.
- Verse 36: എന്നാല്, തന്റെ കാള കുത്തുന്നതാണെന്നറിഞ്ഞിട്ടും അതിനെ കെട്ടിനിര്ത്തുന്നില്ലെങ്കില് അവന് കാളയ്ക്കു പകരം കാളയെ കൊടുക്കണം; ചത്ത കാള അവനുള്ളതായിരിക്കും.
