పరిశుద్ధ గ్రంథము
പഴയ നിയമം
റൂത്ത്
അദ്ധ്യായം 3
-
ബോവാസിന്റെ മെതിക്കളത്തില്
- Verse 1: നവോമി റൂത്തിനോടു പറഞ്ഞു: മകളേ, സന്തുഷ്ടമായ കുടുംബജീവിതത്തില് നിന്നെ പ്രവേശിപ്പിക്കുക എന്റെ കടമയല്ലേ?
- Verse 2: നീ ആരുടെ ദാസികളുമൊത്ത് ജോലിചെയ്യുന്നുവോ ആ ബോവാസ് നമ്മുടെ ബന്ധുവാണല്ലോ.
- Verse 3: മെതിക്കളത്തില് ബാര്ലി പാറ്റുന്നതിന് അവന് ഇന്നു രാത്രി വരുന്നുണ്ട്. നീ കുളിച്ചു തൈലം പൂശി ഏറ്റവും നല്ല വസ്ത്രവും ധരിച്ചു മെതിക്കളത്തിലേക്കു ചെല്ലുക. എന്നാല്, അവന്റെ അത്താഴം കഴിയുന്നതുവരെ അവന് നിന്നെതിരിച്ചറിയാന് ഇടയാകരുത്.
- Verse 4: അവന് ഉറങ്ങാന് കിടക്കുന്ന സ്ഥലം നോക്കിവയ്ക്കുക, പിന്നീടു നീ ചെന്ന് അവന്റെ കാലില് നിന്നു പുതപ്പുമാറ്റി അവിടെ കിടക്കുക. നീ ചെയ്യേണ്ടതെന്തെന്ന് അവന് പറഞ്ഞുതരും.
- Verse 5: അമ്മ പറഞ്ഞതുപോലെ ഞാന് ചെയ്യാം എന്ന് അവള് പറഞ്ഞു.
- Verse 6: അവള് മെതിക്കളത്തില് ചെന്ന് അമ്മായിയമ്മ പറഞ്ഞതുപോലെ പ്രവര്ത്തിച്ചു.
- Verse 7: ഭക്ഷിച്ചും പാനംചെയ്തും സന്തുഷ്ടനായപ്പോള് ബോവാസ് ധാന്യക്കൂമ്പാരത്തിന്റെ അരികില് കിടന്നുറങ്ങി. അപ്പോള് അവള് സാവധാനം ചെന്ന് അവന്റെ കാലില്നിന്നു പുതപ്പുമാറ്റി അവിടെ കിടന്നു.
- Verse 8: അര്ധരാത്രിയില് അവന് ഞെട്ടിയുണര്ന്നു. കാല്ക്കല് ഒരു സ്ത്രീ കിടക്കുന്നു!
- Verse 9: നീ ആരാണ്? അവന് ചോദിച്ചു; ഞാന് നിന്റെ ദാസിയായ റൂത്ത് ആണ് എന്ന് അവള് പറഞ്ഞു. അങ്ങ് എന്റെ അടുത്ത ബന്ധുവാകയാല് അങ്ങയുടെ വസ്ത്രം ഈ ദാസിയുടെമേല് വിരിച്ച് എന്നെ സ്വീകരിക്കുക.
- Verse 10: അവന് മറുപടിപറഞ്ഞു: മകളേ, കര്ത്താവ് നിന്നെ അനുഗ്രഹിക്കട്ടെ! നീ ഇപ്പോള് കാണിച്ചിരിക്കുന്ന ഔദാര്യം ആദ്യത്തേതിലും വലുതാണ്. യുവാക്കന്മാരെ - ധനികരോ ദരിദ്രരോ ആകട്ടെ - തേടാതെ നീ എന്റെ അടുക്കല് വന്നല്ലോ.
- Verse 11: മകളേ, ഭയപ്പെടേണ്ടാ. നീ ആവശ്യപ്പെടുന്നതെന്തും ഞാന് നിനക്കു ചെയ്തുതരാം. നീ ഒരു ഉത്തമസ്ത്രീയാണെന്നു നഗരത്തിലെ എന്റെ പരിചയക്കാര്ക്കെല്ലാം അറിയാം.
- Verse 12: ഞാന് നിന്റെ അടുത്ത ബന്ധുവാണെന്നതു വാസ്തവം തന്നെ. എന്നാല്, എന്നെക്കാള് അടുത്ത മറ്റൊരു ചാര്ച്ചക്കാരന് നിനക്കുണ്ട്.
- Verse 13: ഈ രാത്രി ഇവിടെ കഴിയുക. ഏറ്റവും അടുത്ത ബന്ധുവിന്റെ ചുമതല അവന് നിര്വഹിക്കുമോ എന്നു രാവിലെ അന്വേഷിക്കാം. അവന് അതു ചെയ്താല് നന്ന്. ഇല്ലെങ്കില് ഉറ്റ ബന്ധുവിന്റെ കടമ കര്ത്താവാണേ, ഞാന് നിര്വഹിക്കും. പ്രഭാതംവരെ നീ ഇവിടെ കിടന്നുകൊള്ളുക.
- Verse 14: അവള് അവന്റെ കാല്ക്കല് കിടന്നു. അതിരാവിലെ ആളറിയുന്നതിനു മുമ്പേ അവള് എഴുന്നേറ്റു. ബോവാസ് പറഞ്ഞു: മെതിക്കളത്തില് ഒരു സ്ത്രീ വന്നെന്ന് ആരും അറിയരുത്.
- Verse 15: നിന്റെ മേലങ്കി വിരിച്ചു പിടിക്കുക. അവന് ആറ് അളവ് ബാര്ലി അതിലിട്ട് അവളുടെ തലയില് വച്ചുകൊടുത്തു. അവള് നഗരത്തിലേക്കുപോയി.
- Verse 16: വീട്ടില് എത്തിയപ്പോള് അമ്മായിയമ്മ ചോദിച്ചു: മകളേ, എന്തുണ്ടായി? അവന് ചെയ്തതെല്ലാം അവള് വിവരിച്ചു പറഞ്ഞു.
- Verse 17: അമ്മായിയമ്മയുടെ അടുത്തേക്ക് വെറുംകയ്യോടെ പോകേണ്ടാ എന്നുപറഞ്ഞ് ഈ ആറളവ് ബാര്ലി അവന് എനിക്കു തന്നു.
- Verse 18: നവോമി പറഞ്ഞു: മകളേ, കാര്യങ്ങള് എങ്ങനെയാകും എന്നു കാത്തിരുന്നു കാണാം. കാര്യം തീരുമാനിക്കുന്നതു വരെ അവന് അടങ്ങിയിരിക്കുകയില്ല. ഇന്നു തന്നെ തീരുമാനമാകും.
