ಕನ್ನಡ ಸತ್ಯವೇದವು
പുതിയ നിയമം
2 തെസലോനിക്കാ
അദ്ധ്യായം 2
-
തിന്മയുടെ അജ്ഞാതശക്തി
- Verse 1: നമ്മുടെ കര്ത്താവായ യേശുക്രിസ്തുവിന്റെ പ്രത്യാഗമനത്തെയും അവന്റെ സന്നിധിയില് നാം സമ്മേളിക്കുന്നതിനെയുംപറ്റി സഹോദരരേ, ഞങ്ങള് നിങ്ങളോടപേക്ഷിക്കുന്നു:
- Verse 2: കര്ത്താവിന്റെ ദിവസം വന്നുകഴിഞ്ഞുവെന്നു സൂചിപ്പിക്കുന്ന പ്രവചനത്താലോ പ്രസംഗത്താലോ ഞങ്ങളുടേതെന്ന് അവകാശപ്പെടുന്ന ലേഖനത്താലോ നിങ്ങള് പെട്ടെന്നു ചഞ്ചലചിത്തരും അസ്വസ്ഥരുമാകരുത്.
- Verse 3: ആരും നിങ്ങളെ ഒരുവിധത്തിലും വഞ്ചിക്കാതിരിക്കട്ടെ. എന്തെന്നാല്, ആദിവസത്തിനുമുമ്പു വിശ്വാസത്യാഗമുണ്ടാവുകയും നാശത്തിന്റെ സന്താനമായ അരാജ കത്വത്തിന്റെ മനുഷ്യന് പ്രത്യക്ഷപ്പെടുകയും ചെയ്യേണ്ടിയിരിക്കുന്നു.
- Verse 4: ദൈവമെന്നു വിളിക്കപ്പെടുന്നതോ ആരാധനാവിഷയമായിരിക്കുന്നതോ ആയ എല്ലാറ്റിനെയും അവന് എതിര്ക്കുകയും അവയ്ക്കുപരി തന്നെത്തന്നെ പ്രതിഷ്ഠിക്കുകയും ചെയ്യും. അതുവഴി, താന് ദൈവമാണെന്നു പ്രഖ്യാപിച്ചുകൊണ്ട് അവന് ദൈവത്തിന്റെ ആലയത്തില് സ്ഥാനം പിടിക്കും.
- Verse 5: ഞാന് നിങ്ങളുടെകൂടെയായിരുന്നപ്പോള് ഇക്കാര്യം പറഞ്ഞത് ഓര്ക്കുന്നില്ലേ?
- Verse 6: സമയമാകുമ്പോള്മാത്രം വെളിപ്പെടേണ്ടതിന് ഇപ്പോള് അവനെ തടഞ്ഞുനിര്ത്തുന്നതെന്താണെന്നു നിങ്ങള്ക്കറിയാമല്ലോ.
- Verse 7: അരാജകത്വത്തിന്റെ അജ്ഞാത ശക്തി ഇപ്പോഴേ പ്രവര്ത്തിച്ചുകൊണ്ടാണിരിക്കുന്നത്. അവനെ തടഞ്ഞുനിര്ത്തിയിരിക്കുന്നവന് വഴിമാറിയാല് മാത്രം മതി, അവന് പ്രത്യക്ഷപ്പെടും.
- Verse 8: കര്ത്താവായ യേശു തന്റെ വായില്നിന്നുള്ള നിശ്വാസംകൊണ്ട് അവനെ സംഹരിക്കുകയും തന്റെ പ്രത്യാഗ മനത്തിന്റെ പ്രഭാപൂരത്താല് അവനെ നാമാവശേഷമാക്കുകയും ചെയ്യും.
- Verse 9: സാത്താന്റെ പ്രവര്ത്തനത്താല് നിയമനിഷേധിയുടെ ആഗമനം,
- Verse 10: എല്ലാ ശക്തികളോടും വ്യാജമായ അടയാളങ്ങളോടും അദ്ഭുതങ്ങളോടും, സത്യത്തെ സ്നേഹിക്കാനും അങ്ങനെ രക്ഷപ്രാപിക്കാനും വിമുഖത കാണിക്കുകയാല് നശിച്ചുപോകുന്നവരെ വഞ്ചിക്കുന്ന അനീതികളോടുംകൂടെ ആയിരിക്കും.
- Verse 11: അതിനാല്, വ്യാജമായതിനെ വിശ്വസിക്കാന്പ്രേരിപ്പിക്കുന്ന ഒരു മിഥ്യാബോധം ദൈവം അവരില് ഉണര്ത്തും.
- Verse 12: തത്ഫലമായി സത്യത്തില് വിശ്വസിക്കാതെ അനീതിയില് ആഹ്ലാദിച്ചവരെല്ലാം ശിക്ഷയ്ക്കു വിധിക്കപ്പെടും.
-
സ്ഥിരതയോടെ നില്ക്കുക
- Verse 13: എന്നാല്, കര്ത്താവിന്റെ വാത്സല്യഭാജനങ്ങളായ സഹോദരരേ, ആത്മാവുമുഖേനയുള്ള വിശുദ്ധീകരണത്താലും സത്യത്തിലുള്ള വിശ്വാസത്താലും രക്ഷയ്ക്കുള്ള ആദ്യഫലമായി നിങ്ങളെ ദൈവം തെരഞ്ഞെടുത്തിരിക്കുന്നു. ആകയാല്, നിങ്ങള്ക്കുവേണ്ടി എപ്പോഴും ദൈവത്തിനു കൃതജ്ഞതയര്പ്പിക്കാന് ഞങ്ങള് കടപ്പെട്ടിരിക്കുന്നു.
- Verse 14: നമ്മുടെ കര്ത്താവായ യേശുക്രിസ്തുവിന്റെ മഹത്വം നിങ്ങള്ക്കു ലഭിക്കുന്നതിനുവേണ്ടി ഞങ്ങളുടെ സുവിശേഷത്തിലൂടെ അവിടുന്നു നിങ്ങളെ വിളിച്ചു.
- Verse 15: അതിനാല്, സഹോദരരേ, ഞങ്ങള് വചനം മുഖേനയോ കത്തുമുഖേനയോ നിങ്ങളെ പഠിപ്പിച്ചിട്ടുള്ള പാരമ്പര്യങ്ങളെ മുറുകെപ്പിടിക്കുകയും അവയില് ഉറച്ചുനില്ക്കുകയും ചെയ്യുവിന്.
- Verse 16: നമ്മുടെ കര്ത്താവായ യേശുക്രിസ്തുവും, നമ്മെ സ്നേഹിക്കുകയും നമുക്കു തന്റെ കൃപയിലൂടെ നിത്യമായ ആശ്വാസവും നല്ല പ്രത്യാശയും നല്കുകയും ചെയ്ത നമ്മുടെ പിതാവായ ദൈവവും നിങ്ങളുടെ ഹൃദയങ്ങളെ ആശ്വസിപ്പിക്കുകയും
- Verse 17: എല്ലാ സത്പ്രവൃത്തികളിലും സദ്വചനങ്ങളിലും നിങ്ങളെ ശക്തിപ്പെടുത്തുകയും ചെയ്യട്ടെ.
