வேதாகமம்
പഴയ നിയമം
ന്യായാധിപന്മാര്
അദ്ധ്യായം 9
-
അബിമെലക്ക്
- Verse 1: ജറുബ്ബാലിന്റെ പുത്രനായ അബിമെലക്ക് ഷെക്കെമില്ച്ചെന്ന് തന്റെ അമ്മയുടെ ബന്ധുക്കളോടും വംശക്കാരോടും പറഞ്ഞു:
- Verse 2: നിങ്ങള് ഷെക്കെം പൗരന്മാരോട് രഹസ്യമായി ചോദിക്കുവിന്: ജറൂബ്ബാലിന്റെ എഴുപത് പുത്രന്മാരും കൂടി നിങ്ങളെ ഭരിക്കുന്നതോ ഒരാള് മാത്രം നിങ്ങളെ ഭരിക്കുന്നതോ ഏതാണ് നിങ്ങള്ക്ക് നല്ലത്? ഞാന് നിങ്ങളുടെ അസ്ഥിയും മാംസവും ആണെന്നും ഓര്ത്തുകൊള്ളുവിന്.
- Verse 3: അവന്റെ അമ്മയുടെ ബന്ധുക്കള് അബിമെലക്കിനുവേണ്ടി ഇക്കാര്യം ഷെക്കെം നിവാസികളോട് രഹസ്യമായി പറഞ്ഞു: അവരുടെ ഹൃദയം അബിമെലക്കിങ്കലേക്കു ചാഞ്ഞു. അവന് നമ്മുടെ സഹോദരനാണല്ലോ എന്ന് അവര് പറഞ്ഞു.
- Verse 4: ബാല്ബെറീത്തിന്റെ ക്ഷേത്രത്തില് നിന്ന് എഴുപതു വെള്ളിനാണയം എടുത്ത് അവര് അബിമെലക്കിന് കൊടുത്തു.
- Verse 5: അവന് കുറെ ചട്ടമ്പികളെ തന്റെ അനുയായികളാക്കി. അവന് ഓഫ്രായില് തന്റെ പിതൃഭവനത്തിലേക്കു പോയി. സ്വന്തം സഹോദരന്മാരും ജറുബ്ബാലിന്റെ മക്കളുമായ എഴുപതുപേരെയും ഒരേകല്ലില്വച്ച് കൊന്നു. എന്നാല്, ജറുബ്ബാലിന്റെ ഇളയപുത്രന് യോത്താം ഒളിച്ചിരുന്നതുകൊണ്ട് രക്ഷപെട്ടു.
- Verse 6: ഷെക്കെമിലെയും ബത്മില്ലോയിലെയും എല്ലാ പൗരന്മാരും ഒന്നിച്ചുകൂടി.ഷെക്കെമിലെ സ്തംഭത്തോടു ചേര്ന്നുള്ള ഓക്കുമരത്തിന്റെ സമീപം വച്ച് അബിമെലക്കിനെ രാജാവായി വാഴിച്ചു.
- Verse 7: യോത്താം ഇതറിഞ്ഞു ഗരിസിം മലയുടെ മുകളില് കയറിനിന്ന് ഉച്ചത്തില് വിളിച്ചുപറഞ്ഞു: ഷെക്കെം നിവാസികളേ, ദൈവം നിങ്ങളുടെ പ്രാര്ഥന കേള്ക്കേണ്ടതിന് ഞാന് പറയുന്നത് ശ്രദ്ധിക്കുവിന്.
- Verse 8: ഒരിക്കല് വൃക്ഷങ്ങള് തങ്ങള്ക്കൊരു രാജാവിനെ അഭിഷേകം ചെയ്യാന് തീരുമാനിച്ചു. ഞങ്ങളുടെമേല് വാഴുകയെന്ന് അവര് ഒലിവുമരത്തോടു പറഞ്ഞു.
- Verse 9: ഒലിവുമരം അവരോടു പറഞ്ഞു: ദേവന്മാരെയും മനുഷ്യരെയും ഒന്നുപോലെ ബഹുമാന്യരാക്കുന്ന എന്റെ എണ്ണ മറന്ന് വൃക്ഷങ്ങളുടെ മേല് വാഴുവാന് ഞാന് പോകണമെന്നോ?
- Verse 10: വൃക്ഷങ്ങള് അത്തിമരത്തോടു പറഞ്ഞു:
- Verse 11: നീ വന്ന് ഞങ്ങളെ ഭരിക്കുക. അത്തിമരം അവരോട് പറഞ്ഞു: രുചിയേറിയ എന്റെ പഴം ഉപേക്ഷിച്ച് ഞാന് വൃക്ഷങ്ങളുടെമേല് വാഴുവാന് പോകണമെന്നോ?
- Verse 12: അപ്പോള് അവ മുന്തിരിയോടു പറഞ്ഞു: നീ വന്ന് ഞങ്ങളുടെമേല് വാഴുക.
- Verse 13: എന്നാല്, മുന്തിരി പറഞ്ഞു: ദേവന്മാരെയും മനുഷ്യരെയും സന്തോഷിപ്പിക്കുന്ന എന്റെ വീഞ്ഞ് ഉപേക്ഷിച്ച് വൃക്ഷങ്ങളുടെമേല് വാഴുവാന് ഞാന് വരണമെന്നോ?
- Verse 14: അപ്പോള്, വൃക്ഷങ്ങളെല്ലാം ഒന്നുചേര്ന്ന് മുള്പ്പടര്പ്പിനോടു പറഞ്ഞു: ഞങ്ങളുടെമേല് വാഴുക. മുള്പ്പടര്പ്പ് പറഞ്ഞു:
- Verse 15: നിങ്ങളെന്നെ നല്ല മനസ്സോടെയാണ് അഭിഷേകം ചെയ്യുന്നതെങ്കില് എന്റെ തണലില് അഭയംതേടുവിന്. അല്ലാത്തപക്ഷം മുള്പ്പടര്പ്പില്നിന്നു തീ ഇറങ്ങി ലെബനോനിലെ ദേവദാരുക്കളെ നശിപ്പിക്കട്ടെ!
- Verse 16: നിങ്ങള് പരമാര്ഥഹൃദയത്തോടെയാണോ അബിമെലക്കിനെ രാജാവാക്കുന്നത്? ജറുബ്ബാലിനോടും ഭവനത്തോടും അവന്റെ പ്രവൃത്തികള് അര്ഹിക്കുന്ന വിധമാണോ നിങ്ങള് പെരുമാറുന്നത്?
- Verse 17: എന്റെ പിതാവ് നിങ്ങള്ക്കു വേണ്ടി പോരാടി; ജീവനെ തൃണവദ്ഗണിച്ച് മിദിയാന്കാരുടെ കൈയില്നിന്നു നിങ്ങളെ വീണ്ടെടുത്തു.
- Verse 18: ഇപ്പോള് നിങ്ങള് എന്റെ പിതാവിന്റെ കുടുംബത്തിനെതിരേ കരമുയര്ത്തിയിരിക്കുന്നു; അവന്റെ എഴുപതു പുത്രന്മാരേ ഒരേകല്ലില് വച്ചു നിങ്ങള് വധിച്ചു. എന്നിട്ട്, എന്റെ പിതാവിന് ദാസിയില് ജനിച്ച അബിമെലക്കിനെ, നിങ്ങളുടെ ബന്ധുവായതുകൊണ്ട്, ഷെക്കെമില് രാജാവായി വാഴിക്കുകയും ചെയ്തിരിക്കുന്നു.
- Verse 19: നിങ്ങള് പരമാര്ഥഹൃദയത്തോടെയാണ് ജറുബ്ബാലിനോടും കുടുംബത്തോടും പ്രവര്ത്തിച്ചതെങ്കില്, അബിമെലക്കില് സന്തോഷിക്കുവിന്; അവന് നിങ്ങളിലും സന്തോഷിക്കട്ടെ.
- Verse 20: അല്ലാത്തപക്ഷം, അബിമെലക്കില് നിന്ന് തീ ഇറങ്ങി ഷെക്കെമിലെയും ബത്ത്മില്ലോയിലെയും ജനങ്ങളെ വിഴുങ്ങട്ടെ; ഷെക്കെമില്നിന്നും ബത്ത്മില്ലോയില്നിന്നും തീ ഇറങ്ങി അബിമെലക്കിനേയും വിഴുങ്ങട്ടെ.
- Verse 21: യോത്താം സഹോദരനായ അബിമെലക്കിനെ ഭയന്ന് പലായനംചെയ്തു; ബേറില്ചെന്ന് താമസിച്ചു.
- Verse 22: അബിമെലക്ക് മൂന്നു വര്ഷം ഇസ്രായേല് ഭരിച്ചു.
- Verse 23: അബിമെലക്കിനും ഷെക്കെം നിവാസികള്ക്കും ഇടയ്ക്ക് ദൈവം ഒരു ദുരാത്മാവിനെ അയച്ചു; ഷെക്കെം നിവാസികള് അബിമെലക്കിനെ വഞ്ചിച്ചു.
- Verse 24: അങ്ങനെ ജറുബ്ബാലിന്റെ എഴുപതു മക്കളോടുചെയ്ത അക്രമത്തിന് പ്രതികാരം ഉണ്ടായി; അവരുടെ രക്തം ഘാതകനായ അബിമെലക്കിന്റെയും കൂട്ടുനിന്ന ഷെക്കെംകാരുടെയും മേല് പതിച്ചു.
- Verse 25: ഷെക്കെംകാര് മലമുകളില് അവനെതിരേ ആളുകളെ പതിയിരുത്തി; ആ വഴിയെ കടന്നുപോയ എല്ലാവരെയും അവര് കൊള്ളയടിച്ചു. ഇത് അബിമെലക്ക് അറിഞ്ഞു.
- Verse 26: ഏബദിന്റെ പുത്രനായ ഗാല് തന്റെ ബന്ധുക്കളുമായി ഷെക്കെമിലേക്കു നീങ്ങി; ഷെക്കെം നിവാസികള് അവനില് വിശ്വാസമര്പ്പിച്ചു.
- Verse 27: അവര് വയലില്നിന്നു മുന്തിരി ശേഖരിച്ച് ചവിട്ടിപ്പിഴിഞ്ഞ് ഉത്സവം ആഘോഷിച്ചു; തങ്ങളുടെ ദേവന്റെ ക്ഷേത്രത്തില്ച്ചെന്ന് തിന്നുകുടിച്ച് അബിമെലക്കിനെ ശപിച്ചു.
- Verse 28: ഏബദിന്റെ പുത്രന് ഗാല് ചോദിച്ചു: ആരാണ് ഈ അബിമെലക്ക്? അവനെ സേവിക്കേണ്ടതിന് ഷെക്കെംകാരായ നാം ആര്? ജറുബ്ബാലിന്റെ പുത്രനും അവന്റെ കിങ്കരനായ സെബൂളും ഷെക്കെമിന്റെ പിതാവായ ഹാമോറിന്റെ ആളുകളെ സേവിച്ചില്ലേ?
- Verse 29: ഈ ജനം എന്റെ കീഴിലായിരുന്നെങ്കില് ഞാന് അബിമെലക്കിനെ വക വരുത്തുമായിരുന്നു. ഞാന് അവനോട് നിന്റെ സൈന്യശക്തി വലുതാക്കി ഇറങ്ങിവരൂ എന്നു പറയുമായിരുന്നു.
- Verse 30: ഗാല് പറഞ്ഞതു കേട്ടപ്പോള് നഗരാധിപനായ സെബൂളിന് കോപം ജ്വലിച്ചു.
- Verse 31: അവന് അറുമായില് അബിമെലക്കിന്റെ അടുത്തേക്ക് ദൂതന്മാരെ അയച്ച് ഇങ്ങനെ അറിയിച്ചു: ഗാലും അവന്റെ ആളുകളും ഷെക്കെമില് വന്നിരിക്കുന്നു; നിനക്ക് എതിരേ അവര് നഗരവാസികളെ ഇളക്കുന്നു. അതുകൊണ്ട് നീസൈന്യത്തോടു കൂടെ പുറപ്പെട്ട്,
- Verse 32: രാത്രി വയലില് പതിയിരിക്കുക.
- Verse 33: അതിരാവിലെ സൂര്യന് ഉദിച്ചുയരുമ്പോള് എഴുന്നേറ്റ് പട്ടണത്തില് പ്രവേശിച്ച് ആക്രമിക്കുക. ഗാലും സൈന്യവും എതിര്ക്കുമ്പോള് അവസരത്തിനൊത്തു പ്രവര്ത്തിക്കുക.
- Verse 34: അബിമെലക്കും സൈന്യവും രാത്രിയില് എഴുന്നേറ്റ് ഷെക്കെമിനെതിരായി നാലുഗണങ്ങളായി പതിയിരുന്നു.
- Verse 35: ഗാല് പുറത്തുവന്നു നഗരകവാടത്തിന്റെ മുന്പില് നിലയുറപ്പിച്ചു. അബിമെലക്കും സൈന്യവും ഒളിയിടങ്ങളില് നിന്നെഴുന്നേറ്റു.
- Verse 36: ഗാല് അവരെ കണ്ടപ്പോള് സെബൂളിനോടു പറഞ്ഞു: അതാ, മലമുകളില്നിന്ന് ആളുകള് ഇറങ്ങിവരുന്നു. സെബൂള് അവനോട് പറഞ്ഞു: മലയുടെ നിഴല്കണ്ട് മനുഷ്യരാണെന്ന് നിനക്ക് തോന്നുകയാണ്.
- Verse 37: ഗാല് വീണ്ടും അവനോടു പറഞ്ഞു: അതാ ദേശത്തിന്റെ മധ്യത്തില്നിന്ന് ആളുകള് ഇറങ്ങിവരുന്നു. ഒരു കൂട്ടം ആളുകള് ശകുനക്കാരുടെ ഓക്കുമരത്തിന്റെ ഭാഗത്തുനിന്നു വരുന്നു.
- Verse 38: സെബൂള് ചോദിച്ചു: നിന്റെ പൊങ്ങച്ചം ഇപ്പോള് എവിടെ? നാം സേവിക്കാന് അബിമെലക്ക് ആരെന്ന് നീയല്ലേ ചോദിച്ചത്? നീ അധിക്ഷേപിച്ച ജനമല്ലേ ഇത്? നീ തന്നെ പോയി അവരോട് പൊരുതുക.
- Verse 39: ഗാല്, ഷെക്കെം നിവാസികളുടെ നേതാവായി അബിമെലക്കിനോടു പോരാടി.
- Verse 40: അബിമെലക്ക് അവനെ പിന്തുടര്ന്നു; അവന് പലായനം ചെയ്തു;
- Verse 41: പട്ടണകവാടം വരെ അനേകര് മുറിവേറ്റു വീണു. അബിമെലക്ക് അറൂമായില് താമസമാക്കി. സെബൂള് ഗാലിനെയും അവന്റെ ബന്ധുക്കളെയും ഷെക്കെമില് താമസിക്കാന് സമ്മതിക്കാതെ അവിടെനിന്നു തുരത്തി.
- Verse 42: അടുത്തദിവസം ജനങ്ങള് വയലിലേക്കു പോയി; അബിമെലക്ക് അതറിഞ്ഞു.
- Verse 43: അവന് സേനയെ മൂന്നുഗണമായി തിരിച്ചു വയലില് പതിയിരുത്തി. പട്ടണങ്ങളില്നിന്ന് ആളുകള് നടന്നുവരുന്നത് അവന് കണ്ടു.
- Verse 44: അവന് അവരെ എതിര്ത്തുകൊന്നു. അബിമെലക്കും അവനോടു കൂടെ ഉണ്ടായിരുന്ന ഒരു ഗണവും ഓടി നഗരകവാടത്തില് ചെന്നുനിന്നു. മറ്റേ രണ്ടു ഗണങ്ങള് വയലില് നിന്നിരുന്നവരുടെ അടുത്തേക്ക് പാഞ്ഞുചെന്ന് അവരെ കൊന്നു.
- Verse 45: അബിമെലക്ക് ആദിവസം മുഴുവന് പട്ടണത്തിനെതിരേ യുദ്ധം ചെയ്ത് അതു കൈയടക്കി. അവിടെ പാര്ത്തിരുന്നവരെ കൊന്നു; പട്ടണം ഇടിച്ചുനിരത്തി, ഉപ്പു വിതറി.
- Verse 46: ഷെക്കെമിലെ ഗോപുരവാസികള് ഇതു കേട്ടപ്പോള് എല്ബെറീത്ത് ക്ഷേത്രത്തിന്റെ കോട്ടയില് കടന്നു.
- Verse 47: ഷെക്കെം ഗോപുരവാസികള് മുഴുവന് തടിച്ചുകൂടിയിരിക്കുന്നു എന്ന് അബിമെലക്കിന് അറിവുകിട്ടി.
- Verse 48: സല്മോന് മലയിലേക്ക് അബിമെലക്ക് പടയാളികളുമായിപ്പോയി. അവന് കോടാലികൊണ്ട് ഒരുകെട്ട് വിറക് വെട്ടിയെടുത്തു. അത് തോളില് എടുത്ത്, കൂടെയുള്ളവരോട് ഞാന് ചെയ്തതു പോലെ വേഗം നിങ്ങളും ചെയ്യുവിന് എന്നുപറഞ്ഞു.
- Verse 49: അവര് ഓരോ കെട്ട് വിറകു വെട്ടി അബിമെലക്കിന്റെ പിന്നാലെ ചെന്ന് കോട്ടയോട് ചേര്ത്തിട്ടു തീവച്ചു. സ്ത്രീകളും പുരുഷന്മാരും ഉള്പ്പെടെ ആയിരത്തോളം വരുന്ന ഷെക്കെം ഗോപുരനിവാസികളെല്ലാം കൊല്ലപ്പെട്ടു.
- Verse 50: പിന്നീട്, അബിമെലക്ക് തെബെസിലേക്ക് ചെന്ന് പാളയമടിച്ച് അതു പിടിച്ചടക്കി.
- Verse 51: പട്ടണത്തിനുള്ളില് ഒരു ബലിഷ്ഠഗോപുരമുണ്ടായിരുന്നു. അവിടത്തെ സ്ത്രീപുരുഷന്മാരെല്ലാം ഓടിച്ചെന്ന് അതിനകത്തു കടന്നു വാതിലടച്ചിട്ട് ഗോപുരത്തിന്റെ മുകള്ത്തട്ടിലേക്കു കയറി.
- Verse 52: അബിമെലക്ക് ഗോപുരത്തിനടുത്തെത്തി അതിനെതിരേ യുദ്ധം ചെയ്തു. ഗോപുരം അഗ്നിക്കിരയാക്കാന് അതിന്റെ വാതില്ക്കല് എത്തി.
- Verse 53: അപ്പോള് ഒരുവള് തിരികല്ലിന്പിള്ള എറിഞ്ഞ് അബിമെലക്കിന്റെ തലയോട് ഉടച്ചു.
- Verse 54: ഉടനെ അവന് തന്റെ ആയുധവാഹകനായ യുവാവിനെ ബദ്ധപ്പെട്ടു വിളിച്ചു. ഒരു സ്ത്രീ എന്നെ കൊന്നു എന്ന് എന്നെക്കുറിച്ച് പറയാതിരിക്കാന് നിന്റെ വാള് ഊരി എന്നെ കൊല്ലുക എന്നു പറഞ്ഞു. അവന് വാള് ഊരി വെട്ടി; അബിമെലക്ക് മരിച്ചു.
- Verse 55: അവന് മരിച്ചെന്നു കണ്ടപ്പോള് ഇസ്രായേല്ജനം തങ്ങളുടെ വീടുകളിലേക്കു തിരിച്ചുപോയി, തന്റെ എഴുപതു സഹോദരന്മാരെ കൊന്നു
- Verse 56: പിതാവിനോടുചെയ്ത ദ്രോഹത്തിന് അബിമെലക്കിന് ദൈവം തക്ക ശിക്ഷ കൊടുത്തു. ഷെക്കെം നിവാസികളുടെ ദുഷ്ടതയ്ക്കുദൈവം അവരെ ശിക്ഷിച്ചു;
- Verse 57: ജറുബ്ബാലിന്റെ പുത്രനായ യോത്താമിന്റെ ശാപം അവരുടെമേല് പതിച്ചു.
