पवित्र बाइबिल
പഴയ നിയമം
മലാക്കി
അദ്ധ്യായം 1
-
ദൈവവും ജനവും
- Verse 1: കര്ത്താവ് മലാക്കിയിലൂടെ ഇസ്രായേലിനു നല്കിയ അരുളപ്പാട്. കര്ത്താവ് അരുളിച്ചെയ്യുന്നു:
- Verse 2: ഞാന് നിങ്ങളെ സ്നേഹിച്ചു. എന്നാല്, നിങ്ങള് ചോദിക്കുന്നു: എങ്ങനെയാണ് അങ്ങ് ഞങ്ങളെ സ്നേഹിച്ചത്? കര്ത്താവ് അരുളിച്ചെയ്യുന്നു: ഏസാവ് യാക്കോബിന്റെ സഹോദരനല്ലേ? എന്നിട്ടും ഞാന് യാക്കോബിനെ സ്നേഹിക്കുകയും
- Verse 3: ഏസാവിനെ വെറുക്കുകയും ചെയ്തു. ഞാന് അവന്റെ മലമ്പ്രദേശം ശൂന്യമാക്കി; അവന്റെ അവകാശത്തെ മരുഭൂമിയിലെ കുറുനരികള്ക്കു വിട്ടുകൊടുത്തു.
- Verse 4: ഞങ്ങള് തകര്ക്കപ്പെട്ടു. എന്നാല്, ഞങ്ങളുടെ നഷ്ട ശിഷ്ടങ്ങള് ഞങ്ങള് പുനരുദ്ധരിക്കും എന്ന് ഏദോം പറഞ്ഞാല്, സൈന്യങ്ങളുടെ കര്ത്താവ് അരുളിച്ചെയ്യുന്നു: അവര് പണിയട്ടെ. ദുഷ്ടജനമെന്നും കര്ത്താവിന്റെ കോപം എന്നേക്കും വഹിക്കുന്ന ജനപദമെന്നും അവര് വിളിക്കപ്പെടുന്നതുവരെ ഞാന് അത് ഇടിച്ചുതകര്ക്കും.
- Verse 5: സ്വന്തം കണ്ണുകൊണ്ടുതന്നെ ഇതു കണ്ടിട്ട് നിങ്ങള് പറയും: ഇസ്രായേലിന്റെ അതിര്ത്തികള്ക്കപ്പുറത്ത് കര്ത്താവ് അത്യുന്നതനാണ്.
-
ആരാധനയിലെ അപാകതകള്
- Verse 6: പുത്രന് പിതാവിനെയും ദാസന്യജമാനനെയും ബഹുമാനിക്കുന്നു. എന്റെ നാമത്തെനിന്ദിക്കുന്ന പുരോഹിതന്മാരേ, സൈന്യങ്ങളുടെ കര്ത്താവായ ഞാന് നിങ്ങളോടു ചോദിക്കുന്നു: ഞാന് പിതാവാണെങ്കില് എനിക്കുള്ള ബഹുമാനം എവിടെ? ഞാന് യജമാനനാണെങ്കില് എന്നോടുള്ള ഭയം എവിടെ? എങ്ങനെയാണ് അങ്ങയുടെ നാമത്തെ ഞങ്ങള് നിന്ദിച്ചതെന്നു നിങ്ങള് ചോദിക്കുന്നു.
- Verse 7: മലിനമായ ഭക്ഷണം നിങ്ങള് എന്റെ ബലിപീഠത്തില് അര്പ്പിച്ചു. എങ്ങനെയാണ് ഞങ്ങള് അത് മലിനമാക്കിയത് എന്നു നിങ്ങള് ചോദിക്കുന്നു. കര്ത്താവിന്റെ ബലിപീഠത്തെനിസ്സാരമെന്നു നിങ്ങള് കരുതി.
- Verse 8: കാഴ്ചയില്ലാത്ത മൃഗങ്ങളെ നിങ്ങള് ബലിയര്പ്പിച്ചാല് അതു തിന്മയല്ലേ? മുടന്തുള്ളതിനെയും രോഗം ബാധിച്ചതിനെയും അര്പ്പിച്ചാല് അത് തിന്മയല്ലേ? അത് നിങ്ങളുടെ ഭരണാധികാരിക്കു കാഴ്ചവച്ചാല് അവന് സന്തുഷ്ടനാവുകയോ നിങ്ങളോടു പ്രീതികാണിക്കുകയോ ചെയ്യുമോ? - സൈന്യങ്ങളുടെ കര്ത്താവ് അരുളിച്ചെയ്യുന്നു.
- Verse 9: കര്ത്താവിന്റെ പ്രീതി ലഭിക്കാന് നിങ്ങള് കാരുണ്യംയാചിക്കുന്നു. ഇത്തരം കാഴ്ച അര്പ്പിച്ചാല് നിങ്ങളില് ആരോടെങ്കിലും കര്ത്താവ് കൃപകാണിക്കുമോ? സൈന്യങ്ങളുടെ കര്ത്താവ് അരുളിച്ചെയ്യുന്നു.
- Verse 10: നിങ്ങള് എന്റെ ബലിപീഠത്തില് വ്യര്ഥമായി തീ കത്തിക്കാതിരിക്കാന് നിങ്ങളില് ആരെങ്കിലും വാതില് അടച്ചിരുന്നെങ്കില്! നിങ്ങളില് എനിക്കു പ്രീതിയില്ല. നിങ്ങളുടെ കരങ്ങളില്നിന്നു ഞാന് ഒരു കാഴ്ചയും സ്വീകരിക്കുകയില്ല - സൈന്യങ്ങളുടെ കര്ത്താവ് അരുളിച്ചെയ്യുന്നു.
- Verse 11: സൂര്യോദയംമുതല് അസ്തമയംവരെ എന്റെ നാമം ജനതകളുടെയിടയില് മഹത്ത്വപൂര്ണമാണ്. എല്ലായിടത്തും എന്റെ നാമത്തിനു ധൂപവും ശുദ്ധമായ കാഴ്ചയും അര്പ്പിക്കപ്പെടുന്നു. എന്തെന്നാല്, ജനതകളുടെ ഇടയില് എന്റെ നാമം ഉന്നതമാണ് - സൈന്യങ്ങളുടെ കര്ത്താവ് അരുളിച്ചെയ്യുന്നു.
- Verse 12: കര്ത്താവിന്റെ ബലിപീഠത്തെനിന്ദിക്കാം, നിന്ദ്യമായ ഭോജനം അതില് അര്പ്പിക്കാം എന്നു കരുതുമ്പോള് നിങ്ങള് അതിനെ മലിനമാക്കുന്നു.
- Verse 13: സൈന്യങ്ങളുടെ കര്ത്താവ് അരുളിച്ചെയ്യുന്നു: ഞങ്ങള് മടുത്തു എന്നു പറഞ്ഞ് നിങ്ങള് എനിക്കെതിരേ ചീറുന്നു. അക്രമംകൊണ്ടു പിടിച്ചെടുത്തതിനെയും, മുടന്തുള്ളതിനെയും, രോഗം ബാധിച്ചതിനെയും നിങ്ങള് കാഴ്ചയായി അര്പ്പിക്കുന്നു! നിങ്ങളുടെ കൈകളില്നിന്നു ഞാന് അതു സ്വീകരിക്കണമോ?- കര്ത്താവുചോദിക്കുന്നു.
- Verse 14: തന്റെ ആട്ടിന്കൂട്ടത്തില് മുട്ടാട് ഉണ്ടായിരിക്കുകയും അതിനെ നേരുകയും ചെയ്തിട്ട് ഊനമുള്ളതിനെ കര്ത്താവിനു ബലിയര്പ്പിക്കുന്ന വഞ്ചകനു ശാപം. സൈന്യങ്ങളുടെ കര്ത്താവ് അരുളിച്ചെയ്യുന്നു: ഞാന് ഉന്നതനായരാജാവാണ്. ജനതകള് എന്റെ നാമം ഭയപ്പെടുന്നു.
