வேதாகமம்
പഴയ നിയമം
ജോഷ്വാ
അദ്ധ്യായം 15
-
യൂദായുടെ ഓഹരി
- Verse 1: യൂദാഗോത്രത്തിന് കുടുംബക്രമമനുസരിച്ചു ലഭിച്ച ഓഹരി തെക്ക് സിന്മരുഭൂമിയുടെ തെക്കേ അറ്റമായ ഏദോം അതിര്ത്തിവരെ വ്യാപിച്ചുകിടക്കുന്നു.
- Verse 2: അവരുടെ തെക്കേ അതിര്ത്തി ഉപ്പുകടലിന്റെ തെക്കോട്ടു നീണ്ടുകിടക്കുന്ന ഉള്ക്കടലില് ആരംഭിക്കുന്നു.
- Verse 3: അത് അക്രാബിമിന്റെ കയറ്റത്തിലൂടെ തെക്കോട്ടു ചെന്ന് സിനിലേക്കു കടന്ന്, കാദെഷ്ബര്ണയായുടെ തെക്കുഭാഗത്തുകൂടി ഹെസ്റോണിലൂടെ അദാറില് എത്തി, കര്ക്കായിലേക്കു തിരിയുന്നു.
- Verse 4: അവിടെനിന്ന് അസ്മോണ് കടന്ന് ഈജിപ്തു തോടുവരെ ചെന്ന് കടലില് അവസാനിക്കുന്നു. ഇതായിരിക്കും നിങ്ങളുടെ തെക്കേ അതിര്ത്തി.
- Verse 5: ജോര്ദാന് നദീമുഖം വരെയുള്ള ഉപ്പുകടലായിരിക്കും നിങ്ങളുടെ കിഴക്കേ അതിര്ത്തി. വടക്കേ അതിര്ത്തി ജോര്ദാന് നദീമുഖത്തുള്ള ഉള്ക്കടലില് നിന്നാരംഭിക്കുന്നു.
- Verse 6: അതു ബേത്ഹോഗ്ലായിലൂടെ പോയി ബേത് അരാബായുടെ വടക്കുകൂടെ കടന്നു റൂബന്റെ മകന് ബോഹാന്റെ ശിലവരെ പോകുന്നു.
- Verse 7: തുടര്ന്ന് ആഖോര് താഴ്വരയില് നിന്നു ദബീര്വരെ പോയി വടക്കോട്ട് ഗില്ഗാലിലേക്കു തിരിയുന്നു. താഴ്വരയുടെ തെക്കുവശത്തുള്ള അദുമ്മിം കയറ്റത്തിന്റെ എതിര്വശത്താണു ഗില്ഗാല് അതിര്ത്തി. എന്ഷമേഷ് ജലാശയത്തിലൂടെ കടന്ന് എന്റോഗലില് എത്തുന്നു.
- Verse 8: അവിടെനിന്ന്, അത് ജബൂസ്യമലയുടെ - ജറുസലെമിന്റെ - തെക്കേ അറ്റത്തു ബന്ഹിന്നോം താഴ്വര വരെപോകുന്നു. പിന്നീട് ഹിന്നോം താഴ്വരയുടെ മുന്പില് പടിഞ്ഞാറോട്ടും റഫായിം താഴ്വരയുടെ അടുത്തു വടക്കോട്ടും ഉള്ള മലമുകളിലേക്കു കയറുന്നു.
- Verse 9: വീണ്ടും അത് മലമുകളില്നിന്ന് നെഫ്തോവാ അരുവികള്വരെയും അവിടെനിന്നു എഫ്രോണ് മലയിലെ പട്ടണങ്ങള്വരെയും, അവിടെനിന്ന് ബാലായിലേക്ക്, അതായത്, കിരിയാത്ത് യെയാറിമിലേക്ക് വളഞ്ഞുപോകുന്നു.
- Verse 10: ബാലായുടെ പശ്ചിമ ഭാഗത്തുകൂടി കടന്ന് സെയിര് മലയിലെത്തിയയാറിം മലയുടെ - കെസലോണിന്റെ - വടക്കു ഭാഗത്തുകൂടെ കടന്ന് ബത്ഷമേഷിലേക്കിറങ്ങി, തിമ്നായിലൂടെ നീങ്ങുന്നു.
- Verse 11: അത് എക്രോണിന്റെ വടക്കുള്ള കുന്നിന്പ്രദേശങ്ങളിലൂടെ ചെന്ന് ഷിക്കറോണ് ചുറ്റി ബാലാമലയിലൂടെ കടന്ന്, യാബ്നേലില് എത്തി, സമുദ്രത്തില് വന്ന് അവസാനിക്കുന്നു.
- Verse 12: പടിഞ്ഞാറേ അതിര്ത്തി, മഹാസമുദ്രവും അതിന്റെ തീരപ്രദേശവുമാണ്. യൂദാഗോത്രത്തിന് കുടുംബക്രമമനുസരിച്ചു ലഭിച്ച അവകാശത്തിനുചുറ്റുമുള്ള അതിര്ത്തിയാണിത്.
- Verse 13: ജോഷ്വയോട് കര്ത്താവ് കല്പിച്ചതനുസരിച്ച് യഫുന്നയുടെ മകനായ കാലെബിന് യൂദാഗോത്രത്തിന്റെയിടയില് കിരിയാത്ത് അര്ബ്ബാ - ഹെബ്രോണ് - കൊടുത്തു. അനാക്കിന്റെ പിതാവായിരുന്നു അര്ബ്ബാ.
- Verse 14: അവിടെനിന്ന് കാലെബ് അനാക്കിന്റെ സന്തതികളായ ഷേഷായി, അഹിമാന്, തല്മായി എന്നിവരെ തുരത്തി.
- Verse 15: പിന്നീട് അവന് ദബീര്നിവാസികള്ക്കെതിരേ പുറപ്പെട്ടു. ദബീറിന്റെ പഴയപേര് കിരിയാത്സേഫര് എന്നായിരുന്നു.
- Verse 16: കാലെബ് പറഞ്ഞു: കിരിയാത്സേഫര് പിടിച്ചടക്കുന്നവന് എന്റെ മകള് അക്സായെ ഞാന് ഭാര്യയായി കൊടുക്കും.
- Verse 17: കാലെബിന്റെ സഹോദരന് കെനസിന്റെ മകനായ ഒത്നിയേല് അതു പിടിച്ചെടുത്തു. അവന് തന്റെ മകളായ അക്സായെ കാലെബ് ഭാര്യയായി നല്കി.
- Verse 18: അവള് അടുത്തുചെന്നപ്പോള് പിതാവിനോട് ഒരു വയല് ചോദിക്കണമെന്ന് അവന് നിര്ബന്ധിച്ചു; അവള് കഴുതപ്പുറത്തുനിന്നിറങ്ങിയപ്പോള് കാലെബ് അവളോടു ചോദിച്ചു:
- Verse 19: നിനക്ക് എന്താണു വേണ്ടത്? അവള് പറഞ്ഞു: എനിക്ക് ഒരു സമ്മാനം വേണം. നീ എന്നെ വരണ്ട നെഗെബിലേക്ക് അയയ്ക്കുന്നതിനാല് എനിക്കു നീരുറവകള് തരണം. കാലെബ് അവള്ക്ക് മലയിലും താഴ്വരയിലും നീരുറവകള് കൊടുത്തു.
- Verse 20: യൂദാഗോത്രത്തിന് കുടുംബക്രമമനുസരിച്ചു ലഭിച്ച അവകാശം:
- Verse 21: തെക്കേ അറ്റത്തു ഏദോം അതിര്ത്തിക്കരികേ യൂദാഗോത്രത്തിനുള്ള പട്ടണങ്ങള് ഇവയാണ്: കബ്സേല്, ഏദര്, യാഗുര്,
- Verse 22: കീന, ദിമോന, അദാദാ,
- Verse 23: കേദെഷ്, ഹാസോര്, ഇത്നാന്,
- Verse 24: സിഫ്, തേലെം, ബേയാലോത്,
- Verse 25: ഹാസോര്ഹദാത്താ, കെരിയോത്ത് ഹെസ്രോണ്-ഹാസോര്-
- Verse 26: അമാം, ഷേമ, മൊളാദ,
- Verse 27: ഹസാര്ഗാദ, ഹെഷ് മോണ്, ബത്പെലെത്,
- Verse 28: ഹസാര്ഷുവാല്, ബേര്ഷേബാ, ബിസിയോതിയ,
- Verse 29: ബാല, ഇയിം, ഏസെം,
- Verse 30: എല്ത്തോലാദ്, കെസില്, ഹോര്മ,
- Verse 31: സിക്ലാഗ്, മദ്മന്നാ, സാന്സന്ന,
- Verse 32: ലബാവോത്ത്, ഷില്ഹിം, അയിന്, റിമ്മോന് - അങ്ങനെ ആകെ ഇരുപത്തിയൊന്പതു പട്ടണങ്ങളും അവയുടെ ഗ്രാമങ്ങളും.
- Verse 33: സമതലത്തില് എഷ്താവോല്, സോറ, അഷ്ന,
- Verse 34: സനോവ, എന്ഗന്നിം, തപ്പുവാ, ഏനാം,
- Verse 35: യാര്മുത്; അദുല്ലാം, സൊക്കോ, അസേക്ക,
- Verse 36: ഷറായിം, അദിത്തായിം, ഗദേറ, ഗദറോത്തായിം എന്നീ പതിന്നാലു പട്ടണങ്ങളും അവയുടെ ഗ്രാമങ്ങളും.
- Verse 37: സെനാന്, ഹദാഷാ, മിഗ്ദല്ഗാദ്,
- Verse 38: ദിലെയാന്, മിസ്പേ, യോക്തേല്,
- Verse 39: ലാഖീഷ്, ബൊസ്ക്കത്ത്, എഗ്ലോന്,
- Verse 40: കബോന്, ലഹ്മാം, കിത്ത്ലിഷ്,
- Verse 41: ഗദെറോത്ത്, ബത് ദാഗോന്, നാമാ, മക്കേദഎന്നീ പതിനാറു പട്ടണങ്ങളും അവയുടെ ഗ്രാമങ്ങളും.
- Verse 42: ലിബ്നാ, എത്തോര്, ആഷാന്,
- Verse 43: ഇഫ്താ, അഷ്നാ, നെസിബ്,
- Verse 44: കെയില, അക്സീബ്, മറേഷ എന്നീ ഒന്പതു പട്ടണങ്ങളും അവയുടെ ഗ്രാമങ്ങളും.
- Verse 45: എക്രോണിലെ പട്ടങ്ങളും ഗ്രാമങ്ങളും.
- Verse 46: എക്രോണ് മുതല് സമുദ്രംവരെ അഷ്ദോദിന്റെ അരികിലുള്ള പട്ടണങ്ങളും അവയുടെ ഗ്രാമങ്ങളും.
- Verse 47: അഷ് ദോദിലെ പട്ടണങ്ങളും ഗ്രാമങ്ങളും, ഗാസയിലെ പട്ടണങ്ങളും ഗ്രാമങ്ങളും, ഈജിപ്തുതോടും മഹാസമുദ്രവും അതിന്റെ തീരവും വരെ
- Verse 48: മലമ്പ്രദേശങ്ങളില് ഷമീര്, യത്തീര്, സൊക്കോ,
- Verse 49: ദന്നാ, കിരിയാത്ത്സന്നാ - ദബീര് -
- Verse 50: അനാബ്, എഷ്തെമോ, അനീ,
- Verse 51: ഗോഷന്, ഹോലോന്, ഗിലോ എന്നീ പതിനൊന്നു പട്ടണങ്ങളും അവയുടെ ഗ്രാമങ്ങളും.
- Verse 52: അരാബ്, ദുമ, എഷാന്,
- Verse 53: യാനീം, ബത്തപ്പുവാ, അഫേക്കാ,
- Verse 54: ഹുംത, കിരിയാത്ത് അര്ബ്ബാ - ഹെബ്രോണ്-സിയൊര് എന്നീ ഒന്പതു പട്ടണങ്ങളും അവയുടെ ഗ്രാമങ്ങളും.
- Verse 55: മാവോന്, കാര്മല്, സിഫ്, യുത്താ,
- Verse 56: യസ്രേല്, യോക്ദെയാം, സനോവാ,
- Verse 57: കായിന്, ഗിബെയാ, തിംനാ എന്നീ പത്തു പട്ടണങ്ങളും അവയുടെ ഗ്രാമങ്ങളും.
- Verse 58: ഹാല്ഹുല്, ബത്സുര്, ഗദോര്,
- Verse 59: മാറാത്, ബത്അനോത്, എല്തെക്കോന് എന്നീ ആറുപട്ടണങ്ങളും അവയുടെ ഗ്രാമങ്ങളും.
- Verse 60: കിരിയാത് ബാല് - കിരിയാത്യയാറിം - റാബ്ബാ എന്നീ രണ്ടു പട്ടണങ്ങളും അവയുടെ ഗ്രാമങ്ങളും.
- Verse 61: മരുഭൂമിയില് ബത്അരാബാ, മിദ്ദീന്, സെക്കാക്ക,
- Verse 62: നിബ്ഷാന്ഉപ്പുനഗരം, എന്ഗേദി എന്നീ ആറുപട്ടണങ്ങളും അവയുടെ ഗ്രാമങ്ങളും.
- Verse 63: എന്നാല്, യൂദാ ഗോത്രത്തിന് ജറുസലെം നിവാസികളായ ജബൂസ്യരെ തുരത്താന് സാധിച്ചില്ല. അതുകൊണ്ട് ഇന്നും ജബൂസ്യര് അവരോടൊന്നിച്ചു ജറുസലെമില് വസിക്കുന്നു.
