పరిశుద్ధ గ్రంథము
പുതിയ നിയമം
മര്ക്കോസ്
അദ്ധ്യായം 7
-
പാരമ്പര്യത്തെക്കുറിച്ചു തര്ക്കം (മത്തായി 15: 115 : 9 )
- Verse 1: ഫരിസേയരും ജറുസലെമില്നിന്നു വന്ന ചില നിയമജ്ഞരും യേശുവിനുചുറ്റും കൂടി.
- Verse 2: അവന്റെ ശിഷ്യന്മാരില് ചിലര് കൈ കഴുകി ശുദ്ധിവരുത്താതെ ഭക്ഷണം കഴിക്കുന്നത് അവര് കണ്ടു.
- Verse 3: പൂര്വികരുടെ പാരമ്പര്യമനുസരിച്ച് ഫരിസേയരും യഹൂദരും കൈ കഴുകാതെ ഭക്ഷണം കഴിക്കാറില്ല.
- Verse 4: പൊതുസ്ഥലത്തുനിന്നു വരുമ്പോഴും ദേഹശുദ്ധി വരുത്താതെ അവര് ഭക്ഷണം കഴിക്കുകയില്ല. കോപ്പകളുടെയും കലങ്ങളുടെയും ഓട്ടുപാത്രങ്ങളുടെയും ക്ഷാളനം തുടങ്ങി മറ്റുപല പാരമ്പര്യങ്ങളും അവര് അനുഷ്ഠിച്ചുപോന്നു.
- Verse 5: ഫരിസേയരും നിയമജ്ഞരും അവനോടു ചോദിച്ചു: നിന്റെ ശിഷ്യന്മാര് പൂര്വികരുടെ പാരമ്പര്യത്തിനു വിപരീതമായി അശുദ്ധമായ കൈകൊണ്ടു ഭക്ഷിക്കുന്നത് എന്ത്?
- Verse 6: അവന് പറഞ്ഞു: കപടനാട്യക്കാരായ നിങ്ങളെക്കുറിച്ച് ഏ ശയ്യാ ശരിയായിത്തന്നെ പ്രവചിച്ചു. അവന് എഴുതിയിരിക്കുന്നു: ഈ ജനം അധരങ്ങള്കൊണ്ട് എന്നെ ബഹുമാനിക്കുന്നു. എന്നാല്, അവരുടെ ഹൃദയം എന്നില്നിന്നു വളരെ ദൂരെയാണ്.
- Verse 7: വ്യര്ഥമായി അവര് എന്നെ ആരാധിക്കുന്നു; മനുഷ്യരുടെ കല്പനകള് പ്രമാണങ്ങളായി പഠിപ്പിക്കുകയും ചെയ്യുന്നു.
- Verse 8: ദൈവത്തിന്റെ കല്പന ഉപേക്ഷിച്ച്, മനുഷ്യരുടെ പാരമ്പര്യം നിങ്ങള് മുറുകെപ്പിടിക്കുന്നു.
- Verse 9: അവന് തുടര്ന്നു: നിങ്ങളുടെ പാരമ്പര്യം പാലിക്കാന് വേണ്ടി നിങ്ങള് കൗശലപൂര്വം ദൈവകല്പന അവഗണിക്കുന്നു.
- Verse 10: എന്തെന്നാല്, നിന്റെ പിതാവിനെയും മാതാവിനെയും ബ ഹുമാനിക്കുക. പിതാവിനെയോ മാതാവിനെയോ ദുഷിച്ചു പറയുന്നവന്മരിക്കട്ടെ എന്നു മോശ പറഞ്ഞിട്ടുണ്ട്.
- Verse 11: എന്നാല്, ഒരുവന് തന്റെ പിതാവിനോടോ മാതാവിനോടോ നിങ്ങള്ക്ക് എന്നില്നിന്നു ലഭിക്കേണ്ടത് കൊര്ബ്ബാന് - അതായത് വഴി പാട് - ആണ് എന്നു പറഞ്ഞാല് മതി എന്നു നിങ്ങള് പറയുന്നു.
- Verse 12: പിന്നെ പിതാവിനോ മാതാവിനോ വേണ്ടിയാതൊന്നും ചെയ്യാന് നിങ്ങള് അവനെ ഒരിക്കലും അ നുവദിക്കുന്നുമില്ല.
- Verse 13: അങ്ങനെ, നിങ്ങള്ക്കു ലഭിച്ച പാരമ്പര്യംവഴി ദൈവവചനം നിങ്ങള് നിരര്ഥകമാക്കുന്നു. ഇതുപോലെ പലതും നിങ്ങള് ചെയ്യുന്നു.
-
ആന്തരികവും ബാഹ്യവുമായ ശുദ്ധി (മത്തായി 15: 1015 : 20 )
- Verse 14: ജനങ്ങളെ വീണ്ടും അടുത്തേക്കു വിളിച്ച് അവന് പറഞ്ഞു: നിങ്ങളെല്ലാവരും എന്റെ വാക്കു കേട്ടു മനസ്സിലാക്കുവിന്.
- Verse 15: പുറമേനിന്ന് ഉള്ളിലേക്കു കടന്ന്, ഒരുവനെ അശുദ്ധനാക്കാന് ഒന്നിനും കഴിയുകയില്ല. എന്നാല്, ഉള്ളില്നിന്നു പുറപ്പെടുന്നവയാണ് അവനെ അശുദ്ധനാക്കുന്നത്.
- Verse 16: കേള്ക്കാന് ചെവിയുള്ളവന് കേള്ക്കട്ടെ.
- Verse 17: അവന് ജനങ്ങളെ വിട്ട് ഭവനത്തിലെത്തിയപ്പോള് ഈ ഉപമയെക്കുറിച്ച് ശിഷ്യന്മാര് ചോദിച്ചു.
- Verse 18: അവന് പറഞ്ഞു: നിങ്ങളും വിവേചനാശക്തിയില്ലാത്തവരാണോ? പുറമേനിന്നു മനുഷ്യന്റെ ഉള്ളില് പ്രവേശിക്കുന്ന ഒന്നിനും അവനെ അശുദ്ധനാക്കാന് സാധിക്കയില്ലെന്നു നിങ്ങള് മന സ്സിലാക്കുന്നില്ലേ?
- Verse 19: കാരണം, അവ മനുഷ്യന്റെ ഹൃദയത്തില് പ്രവേശിക്കുന്നില്ല. പിന്നെയോ ഉദരത്തിലേക്കു കടക്കുകയും വിസര്ജിക്കപ്പെടുകയും ചെയ്യുന്നു. എല്ലാ ഭക്ഷണപദാര്ഥങ്ങളും ശുദ്ധമാണെന്ന് അങ്ങനെ അവന് പ്രഖ്യാപിച്ചു.
- Verse 20: അവന് തുടര്ന്നു: ഒരുവന്റെ ഉള്ളില്നിന്നു പുറപ്പെടുന്ന കാര്യങ്ങളാണ് അവനെ അശുദ്ധനാക്കുന്നത്.
- Verse 21: എന്തെന്നാല്, ഉള്ളില്നിന്നാണ്, മനുഷ്യന്റെ ഹൃദയത്തില്നിന്നാണ് ദുശ്ചിന്ത, പരസംഗം, മോഷണം, കൊലപാതകം,
- Verse 22: വ്യഭിചാരം, ദുരാഗ്രഹം, ദുഷ്ടത, വഞ്ചന, ഭോഗാസക്തി, അസൂയ, ദൂഷണം, അഹങ്കാരം, മൂഢത എന്നിവ പുറപ്പെടുന്നത്.
- Verse 23: ഈ തിന്മകളെല്ലാം ഉള്ളില്നിന്നുവരുന്നു. അവ മനുഷ്യനെ അശുദ്ധനാക്കുകയും ചെയ്യുന്നു.
-
സീറോ-ഫിനേഷ്യന് സ്ത്രീയുടെ വിശ്വാസം (മത്തായി 15: 2115 : 28 )
- Verse 24: അവന് അവിടെനിന്ന് എഴുന്നേറ്റ് ടയി റിലേക്കു പോയി. അവിടെ ഒരു വീട്ടില് പ്രവേശിച്ചു. തന്നെ ആരും തിരിച്ചറിയാതിരിക്കണമെന്ന് അവന് ആഗ്രഹിച്ചു. എങ്കിലും, അവനു മറഞ്ഞിരിക്കാന് കഴിഞ്ഞില്ല.
- Verse 25: ഒരു സ്ത്രീ അവനെക്കുറിച്ചു കേട്ട് അവിടെയെത്തി. അവള്ക്ക് അശുദ്ധാത്മാവു ബാധിച്ച ഒരു കൊച്ചുമകള് ഉണ്ടായിരുന്നു. ആ സ്ത്രീ വന്ന് അവന്റെ കാല്ക്കല് വീണു.
- Verse 26: അവള് സീറോ-ഫിനേഷ്യന് വംശത്തില്പ്പെട്ട ഒരു ഗ്രീക്കുകാരിയായിരുന്നു. തന്റെ മകളില്നിന്നു പിശാചിനെ ബഹിഷ്കരിക്കണമെന്ന് അവള് അവനോട് അപേക്ഷിച്ചു.
- Verse 27: അവന് പ്രതിവചിച്ചു. ആദ്യം മക്കള് ഭക്ഷിച്ചു തൃപ്തരാകട്ടെ. മക്കളുടെ അപ്പം എടുത്തു നായ്ക്കള്ക്ക് എറിഞ്ഞുകൊടുക്കുന്നതു നന്നല്ല.
- Verse 28: അവള് മറുപടി പറഞ്ഞു: കര്ത്താവേ, അതു ശരിയാണ്. എങ്കിലും, മേശയ്ക്കു കീഴെ നിന്ന് നായ്ക്കളും മക്കള്ക്കുള്ള അപ്പക്കഷണങ്ങളുടെ ബാക്കി തിന്നുന്നുണ്ടല്ലോ.
- Verse 29: അവന് അവളോടു പറഞ്ഞു: ഈ വാക്കുമൂലം, നീ പൊയ്ക്കൊള്ളുക; പിശാചു നിന്റെ മകളെ വിട്ടുപോയിരിക്കുന്നു.
- Verse 30: അവള് വീട്ടിലേക്കു പോയി. കുട്ടി കട്ടിലില് കിടക്കുന്നത് അവള് കണ്ടു. പിശാച് അവളെ വിട്ടുപോയിരുന്നു.
-
ബധിരനെ സുഖപ്പെടുത്തുന്നു
- Verse 31: അവന് ടയിര്പ്രദേശത്തുനിന്നു പുറപ്പെട്ട്, സീദോന് കടന്ന്, ദെക്കാപ്പോളീസ് പ്രദേശത്തുകൂടെ ഗലീലിക്കടല്ത്തീരത്തേക്കുപോയി.
- Verse 32: ബധിരനും സംസാരത്തിനു തടസ്സമുണ്ടായിരുന്നവനുമായ ഒരുവനെ അവര് അവന്റെ യടുത്തു കൊണ്ടുവന്നു. അവന്റെ മേല് കൈകള്വയ്ക്കണമെന്ന് അവര് അവനോട് അപേക്ഷിച്ചു.
- Verse 33: യേശു അവനെ ജനക്കൂട്ടത്തില്നിന്നു മാറ്റിനിര്ത്തി, അവന്റെ ചെവികളില് വിരലുകളിട്ടു; തുപ്പലുകൊണ്ട് അവന്റെ നാവില് സ്പര്ശിച്ചു.
- Verse 34: സ്വര്ഗത്തിലേക്കു നോക്കി നെടുവീര്പ്പിട്ടുകൊണ്ട് അവനോടു പറഞ്ഞു: എഫ്ഫാത്ത - തുറക്കപ്പെടട്ടെ എന്നര്ഥം.
- Verse 35: ഉടനെ അവന്റെ ചെവികള് തുറന്നു. നാവിന്റെ കെട്ടഴിഞ്ഞു. അവന് സ്ഫുടമായി സംസാരിച്ചു.
- Verse 36: ഇക്കാര്യം ആരോടും പറയരുതെന്ന് അവന് അവരെ വിലക്കി. എന്നാല്, എത്രയേറെ അവന് വിലക്കിയോ അത്രയേറെ ശുഷ്കാന്തിയോടെ അവര് അതു പ്രഘോഷിച്ചു.
- Verse 37: അവര് അളവറ്റ വിസ്മയത്തോടെ പറഞ്ഞു: അവന് എല്ലാക്കാര്യങ്ങളും നന്നായിച്ചെയ്യുന്നു; ബധിരര്ക്കു ശ്രവണശക്തിയും ഊമര്ക്കു സംസാര ശക്തിയും നല്കുന്നു.
