पवित्र बाइबिल
പഴയ നിയമം
സങ്കീര്ത്തനങ്ങള്
അദ്ധ്യായം 16
-
ദൈവം എന്റെ അവകാശം
- Verse 1: ദൈവമേ, എന്നെ കാത്തുകൊള്ളണമേ! ഞാന് അങ്ങയില് ശരണം വച്ചിരിക്കുന്നു.
- Verse 2: അവിടുന്നാണ് എന്റെ കര്ത്താവ്; അങ്ങില്നിന്നല്ലാതെ എനിക്കു നന്മയില്ല എന്നു ഞാന് കര്ത്താവിനോടു പറയും.
- Verse 3: ലോകം വിശുദ്ധരെന്നു കരുതുന്ന ദേവന്മാര് നിസ്സാരരാണ്; അവരില് ആനന്ദംകൊള്ളുന്നവര് അഭിശപ്തരാണ്.
- Verse 4: അന്യദേവന്മാരെ അനുഗമിക്കുന്നവര് തങ്ങളുടെ ദുരിതം വര്ധിപ്പിക്കുന്നു; ഞാന് അവര്ക്കു രക്തംകൊണ്ടു പാനീയബലി അര്പ്പിക്കുകയില്ല; ഞാന് അവരുടെ നാമം ഉച്ചരിക്കുകയില്ല.
- Verse 5: കര്ത്താവാണ് എന്റെ ഓഹരിയും പാനപാത്രവും; എന്റെ ഭാഗധേയം അവിടുത്തെ കരങ്ങളിലാണ്.
- Verse 6: അഭികാമ്യമായ ദാനമാണ് എനിക്ക് അളന്നു കിട്ടിയിരിക്കുന്നത്; വിശിഷ്ടമായ അവകാശം എനിക്കു ലഭിച്ചിരിക്കുന്നു.
- Verse 7: എനിക്ക് ഉപദേശം നല്കുന്ന കര്ത്താവിനെ ഞാന് വാഴ്ത്തുന്നു; രാത്രിയിലും എന്റെ അന്തരംഗത്തില് പ്രബോധനം നിറയുന്നു.
- Verse 8: കര്ത്താവ് എപ്പോഴും എന്റെ കണ്മുന്പിലുണ്ട്; അവിടുന്ന് എന്റെ വലത്തുഭാഗത്തുള്ളതു കൊണ്ടു ഞാന് കുലുങ്ങുകയില്ല.
- Verse 9: അതിനാല് , എന്റെ ഹൃദയം സന്തോഷിക്കുകയും അന്തരംഗം ആനന്ദം കൊള്ളുകയും ചെയ്യുന്നു. എന്റെ ശരീരം സുരക്ഷിതമായി വിശ്രമിക്കുന്നു.
- Verse 10: അവിടുന്ന് എന്നെ പാതാളത്തില് തള്ളുകയില്ല; അങ്ങയുടെ പരിശുദ്ധന് ജീര്ണിക്കാന് അനുവദിക്കുകയില്ല.
- Verse 11: അങ്ങ് എനിക്കു ജീവന്റെ മാര്ഗം കാണിച്ചു തരുന്നു; അങ്ങയുടെ സന്നിധിയില് ആനന്ദത്തിന്റെ പൂര്ണതയുണ്ട്; അങ്ങയുടെ വലത്തുകൈയില് ശാശ്വതമായ സന്തോഷമുണ്ട്.
