पवित्र बाइबिल
പഴയ നിയമം
ഹഗ്ഗായി
അദ്ധ്യായം 1
-
ദേവാലയ നിര്മാണത്തിന് ആഹ്വാനം
- Verse 1: ദാരിയൂസ് രാജാവിന്റെ രണ്ടാം ഭരണ വര്ഷം ആറാംമാസം ഒന്നാം ദിവസം, യൂദായുടെ ദേശാധിപതിയായ ഷെയാല്ത്തിയേ ലിന്റെ മകന് സെറുബാബേലിനും,യഹോസദാക്കിന്റെ മകനും പ്രധാനപുരോഹിത നുമായ ജോഷ്വയ്ക്കും ഹഗ്ഗായി പ്രവാചകന്വഴി ലഭിച്ച കര്ത്താവിന്റെ അരുളപ്പാട്.
- Verse 2: സൈന്യങ്ങളുടെ കര്ത്താവ് അരുളിച്ചെയ്യുന്നു: കര്ത്താവിന്റെ ആലയം പുനരുദ്ധരിക്കുന്നതിനു സമയമായിട്ടില്ല എന്ന് ഈ ജനം പറയുന്നു.
- Verse 3: അപ്പോള് ഹഗ്ഗായി പ്രവാചകന് വഴി കര്ത്താവ് അരുളിച്ചെയ്തു:
- Verse 4: ഈ ആലയം തകര്ന്നുകിടക്കുന്ന ഈ സമയം നിങ്ങള്ക്കു മച്ചിട്ട ഭവനങ്ങളില് വസിക്കാനുള്ളതാണോ?
- Verse 5: അതുകൊണ്ട് സൈന്യങ്ങളുടെ കര്ത്താവ് അരുളിച്ചെയ്യുന്നു: നിങ്ങളുടെ സ്ഥിതിയെപ്പറ്റി ചിന്തിക്കുവിന്.
- Verse 6: നിങ്ങള് ഏറെ വിതച്ചു, കുറച്ചുമാത്രം കൊയ്തു. നിങ്ങള് ഭക്ഷിക്കുന്നു, ഒരിക്കലും തൃപ്തരാകുന്നില്ല. നിങ്ങള് പാനം ചെയ്യുന്നു, തൃപ്തി വരുന്നില്ല. നിങ്ങള് വസ്ത്രം ധരിക്കുന്നു, ആര്ക്കും കുളിരു മാറുന്നില്ല. കൂലി ലഭിക്കുന്നവന് അതു ലഭിക്കുന്നത് ഓട്ടസഞ്ചിയില് ഇടാന്മാത്രം!
- Verse 7: സൈന്യങ്ങളുടെ കര്ത്താവ് അരുളിച്ചെയ്യുന്നു: നിങ്ങളുടെ ഈ സ്ഥിതിയെപ്പറ്റി ചിന്തിക്കുവിന്.
- Verse 8: നിങ്ങള് മലയില്ചെന്ന് തടി കൊണ്ടുവന്ന് ആലയം പണിയുവിന്; ഞാന് അതില് സംപ്രീതനാകും. മഹ ത്വത്തോടെ ഞാന് അതില് പ്രത്യക്ഷനാകും- കര്ത്താവ് അരുളിച്ചെയ്യുന്നു.
- Verse 9: നിങ്ങള് ഏറെ തേടി, ലഭിച്ചതോ അല്പം മാത്രം. നിങ്ങള് അതു വീട്ടിലേക്കു കൊണ്ടുവന്നു; ഞാന് അത് ഊതിപ്പറത്തി. എന്തുകൊണ്ട്? - സൈന്യങ്ങളുടെ കര്ത്താവ് ചോദിക്കുന്നു. നിങ്ങള് ഓരോരുത്തരും തന്റെ ഭവനത്തെപ്രതി വ്യഗ്രത കാട്ടുമ്പോള് എന്റെ ആലയം തകര്ന്നു കിടക്കുന്നതുകൊണ്ടുതന്നെ.
- Verse 10: അതുകൊണ്ട് ആകാശം നിങ്ങള്ക്കുവേണ്ടി മഞ്ഞുപെയ്യിക്കുന്നില്ല; ഭൂമി വിളവുനല്കുന്നുമില്ല.
- Verse 11: ദേശത്തിലും മലകളിലും ധാന്യത്തിലും പുതുവീഞ്ഞിലും എണ്ണയിലും ഭൂമിയില് മുളയ്ക്കുന്നവയിലും മനുഷ്യരിലും കന്നുകാലികളിലും അവരുടെ അധ്വാനത്തിലും ഞാന് വരള്ച്ചവരുത്തിയിരിക്കുന്നു.
- Verse 12: അപ്പോള് ഷെയാല്ത്തിയേലിന്റെ മകന് സെറുബാബേലുംയഹോസദാക്കിന്റെ പുത്രനും പ്രധാനപുരോഹിതനുമായജോഷ്വയും, ജനത്തില് അവശേഷിച്ചവരും തങ്ങളുടെ ദൈവമായ കര്ത്താവിന്റെ വാക്കുകള് അനുസരിക്കുകയും തങ്ങളുടെ ദൈവമായ കര്ത്താവ് അയച്ച പ്രവാചകനായ ഹഗ്ഗായിയുടെ വാക്കുകള് സ്വീകരിക്കുകയും ചെയ്തു.
- Verse 13: ജനം കര്ത്താവിനെ ഭയപ്പെട്ടു. അപ്പോള് കര്ത്താവിന്റെ ദൂതനായ ഹഗ്ഗായി കര്ത്താവിന്റെ സന്ദേശം ജനത്തെ അറിയിച്ചു.
- Verse 14: കര്ത്താവ് അരുളിച്ചെയ്യുന്നു: ഞാന് നിങ്ങളോടു കൂടെയുണ്ട്. അപ്പോള് യൂദായുടെ ദേശാധിപതിയായ ഷെയാല്ത്തിയേലിന്റെ പുത്രന് സെറുബാബേ ലിനെയുംയഹോസദാക്കിന്റെ പുത്രനും പ്രധാനപുരോഹിതനുമായ ജോഷ്വയെയും അവശേഷിച്ചിരുന്ന ജനത്തെയും കര്ത്താവ് ഉത്തേജിപ്പിച്ചു. അവര് തങ്ങളുടെ ദൈവമായ, സൈന്യങ്ങളുടെ കര്ത്താവിന് ആലയം പണിയാന് തുടങ്ങി.
- Verse 15: ഇത് ആറാംമാസം ഇരുപത്തിനാലാം ദിവസമാണ്.
