పరిశుద్ధ గ్రంథము
പഴയ നിയമം
മലാക്കി
അദ്ധ്യായം 4
-
കര്ത്താവിന്റെ ദിനം ആസന്നം
- Verse 1: സൈന്യങ്ങളുടെ കര്ത്താവ് അരുളിച്ചെയ്യുന്നു: ചൂളപോലെ കത്തുന്ന ദിനം ഇതാ, വരുന്നു. അന്ന് അഹങ്കാരികളും ദുഷ്ടന്മാരും വയ്ക്കോല് പോലെയാകും. ആദിനം അവരെ വേരും ശാഖയും അവശേഷിക്കാത്ത വിധം ദഹിപ്പിച്ചുകളയും.
- Verse 2: എന്നാല്, എന്റെ നാമത്തെ ഭയപ്പെടുന്ന നിങ്ങള്ക്കുവേണ്ടി നീതിസൂര്യന് ഉദിക്കും. അതിന്റെ ചിറകുകളില് സൗഖ്യമുണ്ട്. തൊഴുത്തില്നിന്നു വരുന്ന പശുക്കുട്ടിയെന്നപോലെ നിങ്ങള് തുള്ളിച്ചാടും.
- Verse 3: സൈന്യങ്ങളുടെ കര്ത്താവ് അരുളിച്ചെയ്യുന്നു: ഞാന് പ്രവര്ത്തിക്കുന്ന ദിവസം ദുഷ്ടന്മാരെ നിങ്ങള് ചവിട്ടിത്താഴ്ത്തും. അവര് നിങ്ങളുടെ കാല്ക്കീഴില് ചാരംപോലെ ആയിരിക്കും.
- Verse 4: എന്റെ ദാസനായ മോശയുടെ നിയമങ്ങള്, എല്ലാ ഇസ്രായേല്ക്കാര്ക്കുംവേണ്ടി ഹോറബില്വച്ച് ഞാന് അവനു നല്കിയ കല്പനകളും ചട്ടങ്ങളും, അനുസ്മരിക്കുവിന്.
- Verse 5: കര്ത്താവിന്റെ മഹത്തും ഭീതിജനകവുമായ ദിവസം വരുന്നതിനു മുന്പ് പ്രവാചകനായ ഏലിയായെ ഞാന് നിങ്ങളുടെ അടുത്തേക്ക് അയയ്ക്കും.
- Verse 6: ഞാന് വന്നു ദേശത്തെ ശാപം കൊണ്ടു നശിപ്പിക്കാതിരിക്കേണ്ടതിന് അവന് പിതാക്കന്മാരുടെ ഹൃദയം മക്കളിലേക്കും മക്കളുടെ ഹൃദയം പിതാക്കന്മാരിലേക്കും തിരിക്കും.
