ಕನ್ನಡ ಸತ್ಯವೇದವು
പഴയ നിയമം
സുഭാഷിതങ്ങള്
അദ്ധ്യായം 9
-
ജ്ഞാനവും മൗഢ്യവും
- Verse 1: ജ്ഞാനം തന്റെ ഭവനം പണിയുകയുംഏഴു തൂണുകള് നാട്ടുകയുംചെയ്തിരിക്കുന്നു.
- Verse 2: അവള് മൃഗങ്ങളെ കൊന്ന്, വീഞ്ഞു കലര്ത്തി, വിരുന്നൊരുക്കിയിരിക്കുന്നു.
- Verse 3: നഗരത്തിലെ ഏറ്റവും ഉയര്ന്ന ഇടങ്ങളില്നിന്ന് ഇങ്ങനെ വിളിച്ചറിയിക്കാന് അവള് പരിചാരികമാരെ അയച്ചിരിക്കുന്നു.
- Verse 4: അല്പബുദ്ധികളേ, ഇങ്ങോട്ടു വരുവിന്. ബുദ്ധിശൂന്യനോട് അവള് പറയുന്നു:
- Verse 5: വന്ന് എന്റെ അപ്പം ഭക്ഷിക്കുകയുംഞാന് കലര്ത്തിയ വീഞ്ഞ്കുടിക്കുകയും ചെയ്യുവിന്.
- Verse 6: ഭോഷത്തം വെടിഞ്ഞു ജീവിക്കുവിന്; അറിവിന്റെ പാതയില് സഞ്ചരിക്കുവിന്.
- Verse 7: പരിഹാസകനെ തിരുത്തുന്നവന്ശകാരം കിട്ടും; ദുഷ്ടനെ കുറ്റപ്പെടുത്തുന്നവന്ക്ഷതമേല്ക്കേണ്ടിവരും.
- Verse 8: പരിഹാസകനെ കുറ്റപ്പെടുത്തരുത്,അവന് നിന്നെ വെറുക്കും; വിവേകിയെ കുറ്റപ്പെടുത്തുക,അവന് നിന്നെ സ്നേഹിക്കും.
- Verse 9: വിവേകിയെ പ്രബോധിപ്പിക്കുക, അവന് കൂടുതല് വിവേകിയായിത്തീരും. നീതിമാനെ പഠിപ്പിക്കുക,അവന് കൂടുതല് ജ്ഞാനിയാകും.
- Verse 10: ദൈവഭക്തിയാണ് ജ്ഞാനത്തിന്റെ ഉറവിടം; പരിശുദ്ധനായവനെ അറിയുന്നതാണ്അറിവ്.
- Verse 11: ഞാന് നിമിത്തം നിന്റെ ദിനങ്ങള് പെരുകും; നിന്റെ ആയുസ്സിനോടു കൂടുതല്സംവത്സരങ്ങള് ചേരും.
- Verse 12: നീ വിവേകിയെങ്കില് പ്രയോജനംനിനക്കുതന്നെ; നീ പരിഹസിച്ചാല് അതു നീതന്നെഏല്ക്കേണ്ടിവരും.
- Verse 13: ഭോഷത്തം വായാടിയാണ്; അവള്ദുര്വൃത്തയും നിര്ലജ്ജയുമത്രേ.
- Verse 14: അവള് വാതില്ക്കല് ഇരുപ്പുറപ്പിക്കുന്നു, നഗരത്തിലെ ഉയര്ന്ന സ്ഥലങ്ങള് തന്റെ ഇരിപ്പിടമാക്കുന്നു.
- Verse 15: വഴിയെ നേരേ പോകുന്നവരോട്അവള് വിളിച്ചു പറയുന്നു:
- Verse 16: അല്പബുദ്ധികളെ, ഇങ്ങോട്ടുകയറി വരുവിന്. ബുദ്ധിശൂന്യനോട് അവള് പറയുന്നു:
- Verse 17: മോഷ്ടിച്ച ജലം മധുരവും രഹസ്യത്തില് തിന്ന അപ്പം രുചികരവുമാണ്.
- Verse 18: എന്നാല്, അവിടെ മരണംപതിയിരിക്കുന്നുവെന്നും അവളുടെഅതിഥികള് പാതാളഗര്ത്തങ്ങളിലാണെന്നും അവനുണ്ടോ അറിയുന്നു!
