ಕನ್ನಡ ಸತ್ಯವೇದವು
പഴയ നിയമം
ഉല്പത്തി പുസ്തകം
അദ്ധ്യായം 35
-
വീണ്ടും ബേഥേലില്
- Verse 1: ദൈവം യാക്കോബിനോട് അരുളിച്ചെയ്തു: ബേഥേലിലേക്കു പോയി അവിടെ പാര്ക്കുക. നിന്റെ സഹോദരനായ ഏസാവില്നിന്നു നീ ഓടി രക്ഷപെട്ടപ്പോള് നിനക്കു പ്രത്യക്ഷപ്പെട്ട ദൈവത്തിന് അവിടെ ഒരു ബലിപീഠം പണിയുക.
- Verse 2: അതുകൊണ്ട്, യാക്കോബ് തന്റെ കുടുംബാംഗങ്ങളോടും കൂടെയുണ്ടായിരുന്ന എല്ലാവരോടുമായി പറഞ്ഞു: നിങ്ങളുടെ പക്കലുള്ള അന്യദേവന്മാരെ ദൂരെക്കളയുക; എല്ലാവരും ശുദ്ധിവരുത്തി വസ്ത്രങ്ങള് മാറുക. നമുക്ക് ബേഥേലിലേക്കു പോകാം.
- Verse 3: എന്റെ കഷ്ടപ്പാടില് എന്റെ പ്രാര്ഥന ചെവിക്കൊണ്ടവനും ഞാന് പോയിടത്തെല്ലാം എന്റെ കൂടെ ഉണ്ടായിരുന്നവനുമായ ദൈവത്തിനു ഞാന് അവിടെ ഒരു ബലിപീഠം പണിയും.
- Verse 4: തങ്ങളുടെ കൈവശമുണ്ടായിരുന്ന അന്യദേവവിഗ്രഹങ്ങളും തങ്ങളുടെ കര്ണാഭരണങ്ങളും അവര് യാക്കോബിനെ ഏല്പിച്ചു. അവന് ഷെക്കെമിന് അടുത്തുള്ള ഓക്കുമരത്തിന്റെ ചുവട്ടില് അവ കുഴിച്ചു മൂടി.
- Verse 5: അവര്ക്കു ചുറ്റുമുള്ള നഗരങ്ങളിലെല്ലാം ദൈവഭീതിയുണ്ടായി. അതുകൊണ്ട് അവര്യാത്രചെയ്തപ്പോള് ആരും യാക്കോബിന്റെ മക്കളെ പീഡിപ്പിച്ചില്ല.
- Verse 6: യാക്കോബും കൂടെയുണ്ടായിരുന്നവരും കാനാന് ദേശത്ത് ബേഥേല്, അതായത് ലൂസ് എന്ന സ്ഥലത്ത് എത്തിച്ചേര്ന്നു.
- Verse 7: അവിടെ അവന് ഒരു ബലിപീഠം പണിയുകയും ആ സ്ഥലത്തിന് ഏല്ബേഥേല് എന്നു പേരിടുകയും ചെയ്തു. കാരണം, സ്വന്തം സഹോദരനില് നിന്ന് ഒളിച്ചോടിയപ്പോള് അവിടെ വച്ചാണ് ദൈവം അവനു പ്രത്യക്ഷപ്പെട്ടത്.
- Verse 8: റബേക്കായുടെ പരിചാരികയായ ദബോറമരണമടഞ്ഞു. ബേഥേലിന്റെ താഴ്വരയില് ഒരു ഓക്കുമരത്തിന്റെ കീഴെ അവളെ അടക്കി. അതിന് അലോണ് ബാക്കുത്ത് എന്നു പേരുണ്ടായി.
- Verse 9: പാദാന്ആരാമില്നിന്നു പോന്നപ്പോള്ദൈവം യാക്കോബിനു വീണ്ടും പ്രത്യക്ഷപ്പെട്ട്, അവനെ അനുഗ്രഹിച്ചു.
- Verse 10: ദൈവം അവനോട് അരുളിച്ചെയ്തു: യാക്കോബ് എന്നാണ് നിന്റെ പേര്. എന്നാല്, ഇനിമേലില് യാക്കോബ് എന്നല്ല, ഇസ്രായേല് എന്നായിരിക്കും നീ വിളിക്കപ്പെടുക. അതിനാല് അവന് ഇസ്രായേല് എന്നു വിളിക്കപ്പെട്ടു.
- Verse 11: ദൈവം അവനോടു വീണ്ടും അരുളിച്ചെയ്തു: ഞാന് സര്വശക്തനായ ദൈവമാണ്. നീ സന്താനപുഷ്ടിയുണ്ടായി പെരുകുക. ജനതയും ജനതയുടെ ഗണങ്ങളും നിന്നില്നിന്ന് ഉദ്ഭവിക്കും. രാജാക്കന്മാരും നിന്നില്നിന്നു ജന്മമെടുക്കും.
- Verse 12: അബ്രാഹത്തിനും ഇസഹാക്കിനും ഞാന് നല്കിയ നാടു നിനക്കും നിന്റെ സന്താന പരമ്പരകള്ക്കും ഞാന് നല്കും.
- Verse 13: അനന്തരം, ദൈവം അവനെ വിട്ടുപോയി.
- Verse 14: അവിടുന്നു തന്നോടു സംസാരിച്ച സ്ഥലത്ത് യാക്കോബ് കല്ലുകൊണ്ട് ഒരു സ്തംഭം ഉയര്ത്തി.
- Verse 15: അതിന്മേല് ഒരു പാനീയബലിയര്പ്പിച്ച്, എണ്ണ പകര്ന്നു. ദൈവം തന്നോടു സംസാരിച്ച സ്ഥലത്തിന് യാക്കോബ് ബേഥേല് എന്നു പേരിട്ടു.
- Verse 16: ബേഥേലില്നിന്ന് അവര്യാത്ര തുടര്ന്നു. എഫ്രാത്തായില് എത്തുന്നതിനു കുറച്ചു മുന്പ് റാഹേലിനു പ്രസവവേദന തുടങ്ങി.
- Verse 17: പ്രസവക്ലേശം കഠിനമായപ്പോള് സൂതികര്മിണി അവളോടു പറഞ്ഞു: പേടിക്കേണ്ടാ, നിനക്ക് ഇപ്രാവശ്യവും ഒരു പുത്രനെ ലഭിക്കും.
- Verse 18: എന്നാല്, അവള് മരിക്കുകയായിരുന്നു. ജീവന് വേര്പെടുന്ന സമയത്ത്, അവള് അവനെ ബനോനി എന്നു പേര് വിളിച്ചു. പക്ഷേ, അവന്റെ പിതാവ് അവനു ബഞ്ചമിന് എന്നാണു പേരിട്ടത്.
- Verse 19: റാഹേല് മരിച്ചു. ബേത്ലെഹം എന്നറിയപ്പെടുന്ന എഫ്രാത്തായിലേക്കുള്ള വഴിയില് അവളെ അടക്കി.
- Verse 20: അവളുടെ കല്ലറയില് യാക്കോബ് ഒരു സ്തംഭം നാട്ടി. ഇന്നും അത് റാഹേലിന്റെ കല്ലറയിലെ സ്മാരകസ്തംഭമായി നില്ക്കുന്നു.
- Verse 21: ഇസ്രായേല്യാത്ര തുടര്ന്ന്, ഏദെര് ഗോപുരത്തിന് അപ്പുറം കൂടാരമടിച്ചു.
- Verse 22: ഇസ്രായേല് ആ നാട്ടില് പാര്ത്തിരുന്നപ്പോള് റൂബന് തന്റെ പിതാവിന്റെ ഉപനാരിയായ ബില്ഹായുമൊത്തു ശയിച്ചു. ഇസ്രായേല് അതറിയാനിടയായി.
-
യാക്കോബിന്റെ പുത്രന്മാര്
- Verse 23: യാക്കോബിനു പന്ത്രണ്ടു പുത്രന്മാരുണ്ടായിരുന്നു. ലെയായുടെ പുത്രന്മാര്: യാക്കോബിന്റെ കടിഞ്ഞൂല്പുത്രന് റൂബന്, ശിമയോന്, ലേവി, യൂദാ, ഇസ്സാക്കാര്, സെബുലൂണ്. റാഹേലിന്റെ പുത്രന്മാര്: ജോസഫ്, ബഞ്ചമിന്.
- Verse 24: ?
- Verse 25: റാഹേലിന്റെ പരിചാരികയായ ബില്ഹായുടെ പുത്രന്മാര്: ദാന്, നഫ്താലി.
- Verse 26: ലെയായുടെ പരിചാരികയായ സില്ഫായുടെ പുത്രന്മാര്: ഗാദ്, ആഷേര്. യാക്കോബിന് പാദാന്ആരാമില്വച്ചു ജനിച്ചമക്കളാണ് ഇവര്.
-
ഇസഹാക്കിന്റെ മരണം
- Verse 27: യാക്കോബ് ഹെബ്രോണ് എന്നറിയപ്പെടുന്ന കിരിയാത്ത്-അര്ബായിലെ മാമ്രേയില് തന്റെ പിതാവായ ഇസഹാക്കിന്റെ അടുത്തേക്കുപോയി. അബ്രാഹവും ഇസഹാക്കും പാര്ത്തിരുന്നത് അവിടെയാണ്.
- Verse 28: ഇസഹാക്കിന്റെ ആയുഷ്കാലം നൂറ്റെണ്പതു വര്ഷമായിരുന്നു.
- Verse 29: ഇസഹാക്ക് അന്ത്യശ്വാസം വലിച്ചു. വൃദ്ധനായ അവന് തന്റെ ദിവസങ്ങള് പൂര്ത്തിയായപ്പോള് മരിച്ച് സ്വന്തം ജനത്തോടു ചേര്ന്നു. മക്കളായ ഏസാവും യാക്കോബും അവനെ സംസ്കരിച്ചു.
