ಕನ್ನಡ ಸತ್ಯವೇದವು
പഴയ നിയമം
വിലാപങ്ങള്
അദ്ധ്യായം 5
- Verse 1: കര്ത്താവേ, ഞങ്ങള്ക്കു സംഭവിച്ചതെന്തെന്ന് ഓര്ക്കണമേ! ഞങ്ങള്ക്കു നേരിട്ട അപമാനംഅവിടുന്ന് കാണണമേ!
- Verse 2: ഞങ്ങളുടെ അവകാശം അന്യര്ക്ക്, ഞങ്ങളുടെ വീടുകള് വിദേശികള്ക്ക്,നല്കപ്പെട്ടു.
- Verse 3: ഞങ്ങള് അനാഥരും അഗതികളുമായി.ഞങ്ങളുടെ അമ്മമാര്വിധവകളെപ്പോലെയായി.
- Verse 4: കുടിനീരും വിറകും ഞങ്ങള്ക്കുവിലയ്ക്കുവാങ്ങേണ്ടിവരുന്നു.
- Verse 5: കഴുത്തില് നുകവുമായി ഞങ്ങള്ക്ക് കഠിനാദ്ധ്വാനം ചെയ്യേണ്ടിവരുന്നു. ഞങ്ങള് ക്ഷീണിച്ചു തളര്ന്നു,ഞങ്ങള്ക്കു വിശ്രമമില്ല.
- Verse 6: ആവശ്യത്തിന് ആഹാരം ലഭിക്കാന് ഞങ്ങള്ക്ക് ഈജിപ്തിന്റെയുംഅസ്സീറിയായുടെയും നേരേ കൈനീട്ടേണ്ടി വന്നു.
- Verse 7: ഞങ്ങളുടെ പിതാക്കന്മാര് പാപം ചെയ്തു; അവര് മരിക്കുകയും ചെയ്തു. ഞങ്ങള് അവരുടെ അകൃത്യങ്ങള് വഹിക്കുന്നു.
- Verse 8: അടിമകള് ഞങ്ങളെ ഭരിക്കുന്നു. അവരുടെ കൈയില്നിന്നു ഞങ്ങളെമോചിപ്പിക്കാന് ആരുമില്ല.
- Verse 9: മരുഭൂമിയിലെ വാള്നിമിത്തം പ്രാണന്പണയംവച്ചാണ് ഞങ്ങള് അപ്പം നേടുന്നത്.
- Verse 10: ക്ഷാമത്തിന്റെ പൊള്ളുന്ന ചൂടുകൊണ്ട് ഞങ്ങളുടെ തൊലി ചൂളപോലെ തപിക്കുന്നു.
- Verse 11: സീയോനില് സ്ത്രീകളും യൂദാനഗരങ്ങളില് കന്യകമാരും അപമാനിതരായി.
- Verse 12: പ്രഭുക്കന്മാരെ അവര് തൂക്കിക്കൊന്നു. ശ്രേഷ്ഠന്മാരോട് ഒട്ടും ബഹുമാനംകാണിച്ചില്ല.
- Verse 13: യുവാക്കന്മാര് തിരികല്ലില് പൊടിക്കാന് നിര്ബന്ധിതരായി. ബാലന്മാര് വിറകുചുമടിന്റെഭാരംകൊണ്ടു തളര്ന്നുവീഴുന്നു.
- Verse 14: വൃദ്ധന്മാര് നഗര കവാടങ്ങള് ഉപേക്ഷിച്ചു. യുവാക്കന്മാര് സംഗീതമാലപിക്കുന്നില്ല.
- Verse 15: ഞങ്ങളുടെ ഹൃദയത്തിന്റെ സന്തോഷംഅവസാനിച്ചു. ഞങ്ങളുടെ നൃത്തം വിലാപമായി മാറി.
- Verse 16: ഞങ്ങളുടെ ശിരസ്സില്നിന്നു കിരീടം വീണു പോയി. ഞങ്ങള്ക്കു ദുരിതം! ഞങ്ങള് പാപം ചെയ്തു.
- Verse 17: ഞങ്ങളുടെ ഹൃദയം വിങ്ങുന്നു; ഞങ്ങളുടെ കണ്ണുകള് മങ്ങി.
- Verse 18: എന്തെന്നാല്, സീയോന്മല ശൂന്യമായിക്കിടക്കുന്നു. അവിടെ കുറുനരികള് പതുങ്ങി നടക്കുന്നു.
- Verse 19: എന്നാല്, കര്ത്താവേ, അങ്ങ് എന്നേക്കും വാഴുന്നു. അങ്ങയുടെ സിംഹാസനം തലമുറകളോളം നിലനില്ക്കുന്നു.
- Verse 20: എന്തുകൊണ്ടാണ് അവിടുന്ന് ഞങ്ങളെഎന്നേക്കുമായി മറന്നത്? എന്തുകൊണ്ടാണ് ഇത്രയേറെനാള് ഞങ്ങളെ പരിത്യജിച്ചത്?
- Verse 21: കര്ത്താവേ, ഞങ്ങള് മടങ്ങി വരേണ്ടതിന് ഞങ്ങളെ അങ്ങയിലേക്കു തിരിക്കണമേ! ഞങ്ങളുടെ ദിനങ്ങളെ പണ്ടത്തേതുപോലെ ആക്കണമേ!
- Verse 22: എന്തെന്നാല്, അവിടുന്ന് ഞങ്ങളെ നിശ്ശേഷം ഉപേക്ഷിച്ചു. അവിടുന്ന് ഞങ്ങളോട് അത്യധികം കോപിച്ചിരിക്കുന്നു.
