ಕನ್ನಡ ಸತ್ಯವೇದವು
പഴയ നിയമം
പ്രഭാഷകന്
അദ്ധ്യായം 2
-
കര്ത്താവില് ആശ്രയിക്കുക
- Verse 1: എന്റെ മകനേ, നീ കര്ത്തൃശുശ്രൂഷയ്ക്ക് ഒരുമ്പെടുന്നെങ്കില് പ്രലോഭനങ്ങളെ നേരിടാന് ഒരുങ്ങിയിരിക്കുക.
- Verse 2: നിന്റെ ഹൃദയം അവക്രവും അചഞ്ചലവുമായിരിക്കട്ടെ; ആപത്തില് അടി പതറരുത്.
- Verse 3: അവിടുത്തോട് വിട്ടകലാതെ ചേര്ന്നു നില്ക്കുക; നിന്റെ അന്ത്യദിനങ്ങള് ധന്യമായിരിക്കും.
- Verse 4: വരുന്ന ദുരിതങ്ങളെല്ലാം സ്വീകരിക്കുക; ഞെരുക്കുന്ന ദൗര്ഭാഗ്യങ്ങളില്ശാന്തത വെടിയരുത്.
- Verse 5: എന്തെന്നാല്, സ്വര്ണം അഗ്നിയില്ശുദ്ധിചെയ്യപ്പെടുന്നു; സഹനത്തിന്റെ ചൂളയില് കര്ത്താവിനു സ്വീകാര്യരായ മനുഷ്യരും.
- Verse 6: കര്ത്താവില് ആശ്രയിക്കുക. അവിടുന്ന് നിന്നെ സഹായിക്കും. നേരായ മാര്ഗത്തില് ചരിക്കുക; കര്ത്താവില് പ്രത്യാശ അര്പ്പിക്കുക.
- Verse 7: കര്ത്താവിന്റെ ഭക്തരേ, അവിടുത്തെകരുണയ്ക്കുവേണ്ടി കാത്തിരിക്കുവിന്; വീഴാതിരിക്കാന് വഴി തെറ്റരുത്.
- Verse 8: കര്ത്താവിന്റെ ഭക്തരേ, അവിടുത്തെ ആശ്രയിക്കുവിന്; പ്രതിഫലം ലഭിക്കാതിരിക്കുകയില്ല.
- Verse 9: കര്ത്താവിന്റെ ഭക്തരേ, ഐശ്വര്യവും നിത്യാനന്ദവും അനുഗ്രഹവും പ്രതീക്ഷിക്കുവിന്.
- Verse 10: കഴിഞ്ഞതലമുറകളെപ്പറ്റി ചിന്തിക്കുവിന്; കര്ത്താവിനെ ആശ്രയിച്ചിട്ട് ആരാണ് ഭഗ്നാശനായത്? കര്ത്താവിന്റെ ഭക്തരില് ആരാണ്പരിത്യക്തനായത്? അവിടുത്തെ വിളിച്ചപേക്ഷിച്ചിട്ട്ആരാണ് അവഗണിക്കപ്പെട്ടത്?
- Verse 11: കര്ത്താവ് ആര്ദ്രഹൃദയനുംകരുണാമയനുമാണ്. അവിടുന്ന് പാപങ്ങള് ക്ഷമിക്കുകയുംകഷ്ടതയുടെ ദിനങ്ങളില്രക്ഷയ്ക്കെത്തുകയും ചെയ്യുന്നു.
- Verse 12: ഭീരുത്വം നിറഞ്ഞഹൃദയങ്ങള്ക്കുംഅലസകരങ്ങള്ക്കും കപടജീവിതംനയിക്കുന്ന പാപികള്ക്കും കഷ്ടം!
- Verse 13: ദുര്ബലഹൃദയര്ക്കും ദുരിതം! എന്തെന്നാല്, അവര്ക്കു വിശ്വാസമില്ല,അവര് അരക്ഷിതരായിരിക്കും.
- Verse 14: ക്ഷമകെട്ടവര്ക്കു ദുരിതം! കര്ത്താവ്ന്യായം വിധിക്കുമ്പോള്നിങ്ങള് എന്തുചെയ്യും?
- Verse 15: കര്ത്താവിനെ ഭയപ്പെടുന്നവര് അവിടുത്തെ വചനം ധിക്കരിക്കുകയില്ല; അവിടുത്തെ സ്നേഹിക്കുന്നവര്അവിടുത്തെ മാര്ഗത്തില് ചരിക്കുന്നു.
- Verse 16: കര്ത്താവിനെ ഭയപ്പെടുന്നവര്അവിടുത്തെ ഇഷ്ടം അന്വേഷിക്കും: അവിടുത്തെ സ്നേഹിക്കുന്നവര് അവിടുത്തെ പ്രമാണങ്ങളാല് പരിപുഷ്ടരാകും.
- Verse 17: കര്ത്താവിനെ ഭയപ്പെടുന്നവര്ഹൃദയം ഒരുക്കിവയ്ക്കും; അവിടുത്തെ മുമ്പില് വിനീതരായിരിക്കുകയും ചെയ്യും.
- Verse 18: നമുക്കു മനുഷ്യകരങ്ങളിലല്ല കര്ത്തൃകരങ്ങളില് നമ്മെത്തന്നെ അര്പ്പിക്കാം; എന്തെന്നാല് അവിടുത്തെ പ്രഭാവംപോലെ തന്നെയാണ് അവിടുത്തെ കാരുണ്യവും.
