ಕನ್ನಡ ಸತ್ಯವೇದವು
പുതിയ നിയമം
മര്ക്കോസ്
അദ്ധ്യായം 9
- Verse 1: അവന് അവരോടു പറഞ്ഞു: ദൈവരാജ്യം ശക്തിയോടെ സമാഗതമാകുന്നതു കാണുന്നതുവരെ മരിക്കുകയില്ലാത്ത ചിലര് ഇവിടെ നില്ക്കുന്നവരിലുണ്ടെന്ന് സത്യമായി ഞാന് നിങ്ങളോടു പറയുന്നു.
-
യേശു രൂപാന്തരപ്പെടുന്നു (മത്തായി 17: 117 : 31 ) (ലൂക്കാ 9 : 289 : 36 ) ( 2 പത്രോസ് 1 : 171 : 18 )
- Verse 2: ആറു ദിവസം കഴിഞ്ഞ്, പത്രോസ്, യാക്കോബ്, യോഹന്നാന് എന്നിവരെ മാത്രം കൂട്ടിക്കൊണ്ട് യേശു ഒരു ഉയര്ന്ന മലയിലേക്കു പോയി. അവന് അവരുടെ മുമ്പില്വച്ചു രൂപാന്തരപ്പെട്ടു.
- Verse 3: അവന്റെ വസ്ത്രങ്ങള് ഭൂമിയിലെ ഏതൊരു അലക്കുകാര നും വെളുപ്പിക്കാന് കഴിയുന്നതിനെക്കാള്വെണ്മയും തിളക്കവുമുള്ളവയായി.
- Verse 4: ഏലിയായും മോശയും പ്രത്യക്ഷപ്പെട്ട് യേശുവിനോടു സംസാരിച്ചുകൊണ്ടിരുന്നു.
- Verse 5: അപ്പോള്, പത്രോസ് യേശുവിനോടു പറഞ്ഞു: ഗുരോ, നാം ഇവിടെയായിരിക്കുന്നതു നല്ലതാണ്. ഞങ്ങള് മൂന്നു കൂടാരങ്ങള് ഉണ്ടാക്കാം: ഒന്ന് നിനക്ക്, ഒന്ന് മോശയ്ക്ക്, ഒന്ന് ഏലിയായ്ക്ക്.
- Verse 6: എന്താണ് പറയേണ്ടതെന്ന് അവന് അറിഞ്ഞുകൂടായിരുന്നു. അവര് അത്രയ്ക്ക് ഭയപ്പെട്ടിരുന്നു.
- Verse 7: അപ്പോള് ഒരു മേഘം വന്ന് അവരെ ആവരണം ചെയ്തു. മേഘത്തില്നിന്ന് ഒരു സ്വരം പുറപ്പെട്ടു: ഇവന് എന്റെ പ്രിയപുത്രന്; ഇവന്റെ വാക്കു ശ്രവിക്കുവിന്.
- Verse 8: അവര് ചുറ്റുംനോക്കി യേശുവിനെയല്ലാതെ മറ്റാരെയും തങ്ങളോടുകൂടെ അവര് കണ്ടില്ല.
- Verse 9: അവര് കണ്ട കാര്യങ്ങള് മനുഷ്യപുത്രന്മരിച്ചവരില്നിന്ന് ഉയിര്ക്കുന്നതുവരെ ആരോടും പറയരുതെന്ന്, മലയില്നിന്നിറങ്ങിപ്പോരുമ്പോള് അവന് അവരോടു കല്പിച്ചു.
- Verse 10: മരിച്ചവരില്നിന്ന് ഉയിര്ക്കുകയെന്നത് എന്താണെന്നു ചിന്തിച്ചുകൊണ്ട് അവര് ഈ വചനം രഹ സ്യമായി സൂക്ഷിച്ചു.
- Verse 11: അവര് അവനോടു ചോദിച്ചു: ഏലിയാ ആദ്യം വരണമെന്ന് നിയമജ്ഞര് പറയുന്നത് എന്തുകൊണ്ടാണ്?
- Verse 12: അവന് പറഞ്ഞു: ഏലിയാ ആദ്യമേ വന്ന് എല്ലാം പുനഃസ്ഥാപിക്കും. മനുഷ്യപുത്രന് വളരെ പീഡകള് സഹിക്കുകയും നിന്ദനങ്ങള് ഏല്ക്കുകയുംചെയ്യണമെന്ന് എഴുതപ്പെട്ടിരിക്കുന്നത് എന്തുകൊണ്ട്?
- Verse 13: ഞാന് നിങ്ങളോടു പറയുന്നു: ഏലിയാ വന്നുകഴിഞ്ഞു. അവനെക്കുറിച്ച് എഴുതപ്പെട്ടിരിക്കുന്നതുപോലെതന്നെ, തങ്ങള്ക്കിഷ്ടമുള്ളതെല്ലാം അവര് അവനോടു ചെയ്തു.
-
പിശാചു ബാധിച്ച ബാലനെ സുഖപ്പെടുത്തുന്നു (മത്തായി 17: 1417 : 21 ) (ലൂക്കാ 9 : 379 : 43 )
- Verse 14: അവര് ശിഷ്യന്മാരുടെ അടുത്ത് എത്തിയപ്പോള് വലിയ ഒരു ജനക്കൂട്ടം അവരുടെ ചുറ്റും കൂടിയിരിക്കുന്നതും നിയമജ്ഞര് അവരോടു തര്ക്കിച്ചുകൊണ്ടിരിക്കുന്നതും കണ്ടു.
- Verse 15: അവനെ കണ്ടയുടനെ ജനക്കൂട്ടം മുഴുവന് വിസ്മയഭരിതരായി ഓടിക്കൂടി അവനെ അഭിവാദനംചെയ്തു.
- Verse 16: അവന് അവരോടു ചോദിച്ചു: നിങ്ങള് എന്താണ് അവരുമായി തര്ക്കിക്കുന്നത്?
- Verse 17: ജനക്കൂട്ടത്തില് ഒരാള് മറുപടി പറഞ്ഞു: ഗുരോ, ഞാന് എന്റെ മകനെ അങ്ങയുടെ അടുത്തു കൊണ്ടുവന്നിട്ടുണ്ട്. മൂകനായ ഒരു ആത്മാവ് അവനെ ആവേശിച്ചിരിക്കുന്നു.
- Verse 18: അത് എവിടെവച്ച് അവനെ പിടികൂടിയാലും അവനെ നിലംപതിപ്പിക്കുന്നു. അപ്പോള് അവന് പല്ലുകടിക്കുകയും നുരയും പതയും പുറപ്പെടുവിക്കുകയും മരവിച്ചുപോവുകയും ചെയ്യുന്നു. അതിനെ ബഹിഷ്കരിക്കാന് അങ്ങയുടെ ശിഷ്യന്മാരോട് ഞാന് അപേക്ഷിച്ചു; അവര്ക്കു കഴിഞ്ഞില്ല.
- Verse 19: അവന് അവരോടു പ്രതിവചിച്ചു: വിശ്വാസമില്ലാത്ത തലമുറയേ, എത്രനാള് ഞാന് നിങ്ങളോടുകൂടെയുണ്ടായിരിക്കും? എത്രനാള് ഞാന് നിങ്ങളോടു ക്ഷമിച്ചിരിക്കും? അവനെ എന്റെ അടുക്കല് കൊണ്ടുവരൂ.
- Verse 20: അവര് അവനെ അവന്റെ അടുക്കല് കൊണ്ടുവന്നു. അവനെ കണ്ടയുടനെ ആത്മാവ് കുട്ടിയെ തള്ളിയിട്ടു. അവന് നിലത്തു വീണ് ഉരുളുകയും അവന്റെ വായിലൂടെ നുരയും പതയും പുറപ്പെടുകയും ചെയ്തു.
- Verse 21: യേശു അവന്റെ പിതാവിനോടു ചോദിച്ചു: ഇതു തുടങ്ങിയിട്ട് എത്ര കാലമായി? അവന് പറഞ്ഞു: ശൈശവം മുതല്.
- Verse 22: പലപ്പോഴും അത് അവനെ നശിപ്പിക്കാന്വേണ്ടി തീയിലും വെള്ളത്തിലും വീഴ്ത്തിയിട്ടുണ്ട്. എന്തെങ്കിലും ചെയ്യാന് നിനക്കു കഴിയുമെങ്കില് ഞങ്ങളുടെമേല് കരുണതോന്നി ഞങ്ങളെ സഹായിക്കണമേ!
- Verse 23: യേശു പറഞ്ഞു: കഴിയുമെങ്കിലെ ന്നോ! വിശ്വസിക്കുന്നവന് എല്ലാക്കാര്യങ്ങളും സാധിക്കും.
- Verse 24: ഉടനെ കുട്ടിയുടെ പിതാവു വിളിച്ചുപറഞ്ഞു: ഞാന് വിശ്വസിക്കുന്നു. എന്റെ അവിശ്വാസം പരിഹരിച്ച് എന്നെ സഹായിക്കണമേ!
- Verse 25: ജനങ്ങള് ഓടിക്കൂടുന്നതു കണ്ട് യേശു അശുദ്ധാത്മാ വിനെ ശകാരിച്ചു: മൂകനും ബധിരനുമായ ആത്മാവേ, നിന്നോടു ഞാന് ആജ്ഞാപിക്കുന്നു, അവനില്നിന്നു പുറത്തുപോവുക. ഇനിയൊരിക്കലും അവനില് പ്രവേശിക്ക രുത്.
- Verse 26: അപ്പോള് അവനെ ശക്തിയായി നിലത്തു തള്ളിയിടുകയും ഉച്ചത്തില് നിലവിളിക്കുകയും ചെയ്തുകൊണ്ട് അതു പുറത്തുപോയി. ബാലന്മരിച്ചവനെപ്പോലെയായി. അവന് മരിച്ചുപോയി എന്നു പലരും പറഞ്ഞു.
- Verse 27: യേശു അവനെ കൈയ്ക്കു പിടിച്ചുയര്ത്തി; അവന് എഴുന്നേറ്റിരുന്നു.
- Verse 28: യേശു വീട്ടിലെത്തിയപ്പോള് ശിഷ്യന്മാര് സ്വകാര്യമായി ചോദിച്ചു: എന്തുകൊണ്ടാണ് അതിനെ ബഹിഷ്കരിക്കാന് ഞങ്ങള്ക്കു കഴിയാതെപോയത്?
- Verse 29: അവന് പറഞ്ഞു: പ്രാര്ഥനകൊണ്ടല്ലാതെ മറ്റൊന്നുകൊണ്ടും ഈ വര്ഗം പുറത്തുപോവുകയില്ല.
-
പീഡാനുഭവവും ഉത്ഥാനവും-രണ്ടാം പ്രവചനം (മത്തായി 17: 2217 : 23 ) (ലൂക്കാ 9 : 439 : 45 )
- Verse 30: അവര് അവിടെനിന്നുയാത്രതിരിച്ചു ഗലീലിയിലൂടെ കടന്നുപോയി. ഇക്കാര്യം ആരും അറിയരുതെന്ന് അവന് ആഗ്രഹിച്ചു. കാരണം, അവന് ശിഷ്യന്മാരെ പഠിപ്പിക്കുകയായിരുന്നു.
- Verse 31: അവന് പറഞ്ഞു: മനുഷ്യപുത്രന്മനുഷ്യരുടെകൈകളില് ഏല്പിക്കപ്പെടുകയും അവര് അവനെ വധിക്കുകയുംചെയ്യും. അവന് വധിക്കപ്പെട്ടു മൂന്നു ദിവസം കഴിയുമ്പോള് ഉയിര്ത്തെഴുന്നേല്ക്കും.
- Verse 32: ഈ വചനം അവര്ക്കു മനസ്സിലായില്ല. എങ്കിലും, അവനോടു ചോദിക്കാന് അവര് ഭയപ്പെട്ടു.
-
സ്വര്ഗരാജ്യത്തിലെ വലിയവന് (മത്തായി 18: 118 : 5 ) (ലൂക്കാ 9 : 469 : 48 )
- Verse 33: അവര് പിന്നീട് കഫര്ണാമില് എത്തി, അവന് വീട്ടിലായിരിക്കുമ്പോള് അവരോടു ചോദിച്ചു: വഴിയില്വച്ച് എന്തിനെക്കുറിച്ചാണു നിങ്ങള് തമ്മില് തര്ക്കിച്ചിരുന്നത്?
- Verse 34: അവര് നിശ്ശബ്ദരായിരുന്നതേയുള്ളു. കാരണം, തങ്ങളില് ആരാണു വലിയവന് എന്നതിനെക്കുറിച്ചാണ് വഴിയില്വച്ച് അവര് തര്ക്കിച്ചത്.
- Verse 35: അവന് ഇരുന്നിട്ടു പന്ത്രണ്ടുപേരെയും വിളിച്ചു പറഞ്ഞു: ഒന്നാമനാകാന് ആഗ്രഹിക്കുന്നവന് അവസാനത്തവനും എല്ലാവരുടെയും ശുശ്രൂഷകനുമാകണം.
- Verse 36: അവന് ഒരു ശിശുവിനെ എടുത്ത് അവരുടെ മധ്യേ നിറുത്തി. അവനെ കരങ്ങളില് വഹിച്ചുകൊണ്ടു പറഞ്ഞു:
- Verse 37: ഇതുപോലുള്ള ഒരു ശിശുവിനെ എന്റെ നാമത്തില് സ്വീകരിക്കുന്നവന് എന്നെ സ്വീകരിക്കുന്നു. എന്നെ സ്വീകരിക്കുന്നവന് എന്നെയല്ല, എന്നെ അയച്ചവനെയാണ് സ്വീകരിക്കുന്നത്.
-
നമുക്ക് എതിരല്ലാത്തവന് നമ്മുടെ ഭാഗത്താണ് (ലൂക്കാ 9: 499 : 50 )
- Verse 38: യോഹന്നാന് അവനോടു പറഞ്ഞു: ഗുരോ, നിന്റെ നാമത്തില് പിശാചുക്കളെ പുറത്താക്കുന്ന ഒരാളെ ഞങ്ങള് കണ്ടു. ഞങ്ങള് അവനെ തടഞ്ഞു. കാരണം, അവന് നമ്മളെ അനുഗമിച്ചില്ല.
- Verse 39: യേശു പറഞ്ഞു: അവനെ തടയേണ്ടാ, ഒരുവന് എന്റെ നാമത്തില് അദ്ഭുതപ്രവൃത്തി ചെയ്യാനും ഉടനെ എന്നെക്കുറിച്ചു ദൂഷണം പറയാനും സാധിക്കുകയില്ല.
- Verse 40: നമുക്ക് എതിരല്ലാത്തവന് നമ്മുടെ പക്ഷത്താണ്.
- Verse 41: സത്യമായി ഞാന് നിങ്ങളോടു പറയുന്നു: നിങ്ങള് ക്രിസ്തുവിനുള്ളവരാകയാല് അവന്റെ നാമത്തില് ആരെങ്കിലും നിങ്ങള്ക്ക് ഒരു പാത്രം വെള്ളം കുടിക്കാന് തന്നാല് അവനു പ്രതിഫലം ലഭിക്കാതിരിക്കുകയില്ല.
-
ദുഷ്പ്രേരണകള്നല്കാതിരിക്കുക (മത്തായി 18: 618 : 9 ) (ലൂക്കാ 17 : 117 : 2 )
- Verse 42: വിശ്വസിക്കുന്ന ഈ ചെറിയവരില് ഒരുവന് ഇടര്ച്ചഹ്ന വരുത്തുന്നവന് ആരായാലും, അവനു കൂടുതല് നല്ലത്, ഒരു വലിയ തിരികല്ലു കഴുത്തില് കെട്ടി കടലില് എറിയപ്പെടുന്നതാണ്.
- Verse 43: നിന്റെ കൈ നിനക്കു ദുഷ്പ്രേരണയ്ക്കു കാരണമാകുന്നെങ്കില്, അതു വെട്ടിക്കളയുക.
- Verse 44: ഇരു കൈകളും ഉള്ളവനായി നരകത്തിലെ കെടാത്ത അ ഗ്നിയില് നിപതിക്കുന്നതിനെക്കാള് നല്ലത് അംഗഹീനനായി ജീവനിലേക്കു പ്രവേശിക്കുന്നതാണ്.
- Verse 45: നിന്റെ പാദം നിനക്കു ദുഷ്പ്രേരണയ്ക്കു കാരണമാകുന്നെങ്കില്, അതു മുറിച്ചുകളയുക.
- Verse 46: രണ്ടു പാദങ്ങളും ഉള്ളവനായി നരകത്തില് എറിയപ്പെടുന്നതിനെക്കാള് നല്ലത്, മുടന്തനായി ജീവനിലേക്കു പ്രവേശിക്കുന്നതാണ്.
- Verse 47: നിന്റെ കണ്ണുമൂലം നിനക്കു ദുഷ്പ്രേരണ ഉണ്ടാകുന്നെങ്കില് അതു ചൂഴ്ന്നെടുത്ത് എറിഞ്ഞുകളയുക. ഇരുകണ്ണുകളും ഉള്ളവനായി,
- Verse 48: പുഴു ചാകാത്തതും തീ കെടാത്തതുമായ നരകത്തിലേക്ക് എറിയപ്പെടുന്നതിനെക്കാള് നല്ലത്, ഒരു കണ്ണോടുകൂടെ ദൈവരാജ്യത്തിലേക്കു പ്രവേശിക്കുന്നതാണ്.
- Verse 49: കാരണം, എല്ലാവരും അഗ്നിയാല് ഉറകൂട്ടപ്പെടും.
- Verse 50: ഉപ്പ് നല്ലതാണ്. എന്നാല്, ഉറകെട്ടുപോയാല് പിന്നെ എന്തുകൊണ്ട് അതിന് ഉറകൂട്ടും? നിങ്ങളില് ഉപ്പ് ഉണ്ടായിരിക്കട്ടെ. പരസ്പരം സമാധാനത്തില് വര്ത്തിക്കുകയും ചെയ്യുവിന്.
