2 : അതിനാല്, ദിബോന്റെ പുത്രി വിലപിക്കാന്വേണ്ടി പൂജാഗിരിയിലേക്കു പോയിരിക്കുന്നു. നെബോയെയും മെദേബായെയും കുറിച്ചു മൊവാബ് വിലപിക്കുന്നു. എല്ലാശിരസ്സും മുണ്ഡനം ചെയ്തിരിക്കുന്നു. എല്ലാവരുടെയും താടി ക്ഷൗരം ചെയ്തിരിക്കുന്നു.
3 : തെരുവീഥികളിലൂടെ അവര് ചാക്കുടുത്തു നടക്കുന്നു. പുരമുകളിലും പൊതുസ്ഥലങ്ങളിലും എല്ലാവരും കരയുകയും കണ്ണീരൊഴുക്കുകയും ചെയ്യുന്നു.
4 : ഹെഷ്ബോണും എലെയാലെയും ഉറക്കെക്കരയുന്നു. അവരുടെ സ്വരംയഹസ്വരെ കേള്ക്കാം. മൊവാബിലെ ആയുധധാരികളും ഉച്ചത്തില് നിലവിളിക്കുന്നു. അവന്റെ ഹൃദയം വിറകൊള്ളുന്നു.
5 : എന്റെ ഹൃദയം മൊവാബിനുവേണ്ടി നിലവിളിക്കുന്നു. അവിടത്തെ ജനം സോവാറിലേക്കും എഗ്ളാത്ത് ഷെലീഷിയായിലേക്കും പലായനം ചെയ്യുന്നു. ലുഹിത്തുകയറ്റം അവര് കരഞ്ഞുകൊണ്ടു കയറുന്നു. ഹോറോനയിമിലേക്കുള്ള വഴിയിലും അവര് നാശത്തിന്റെ നിലവിളി ഉയര്ത്തുന്നു.
6 : നിമ്റീമിലെ ജലാശയങ്ങള് വറ്റിവരണ്ടു. പുല്ലുകള് ഉണങ്ങി; ഇളം നാമ്പുകള് വാടിപ്പോയി. പച്ചയായതൊന്നും അവിടെ കാണാനില്ല.
8 : ഒരു നിലവിളി മൊവാബിലാകെ മുഴങ്ങുന്നു. അത് എഗ്ലായിമും ബേറെലിമുംവരെ എത്തുന്നു.
9 : ദിബോനിലെ ജലാശയങ്ങള് രക്തം കൊണ്ടു നിറഞ്ഞിരിക്കുന്നു. ദിബോന്റെ മേല് ഇതിലധികം ഞാന് വരുത്തും. മൊവാബില്നിന്നു രക്ഷപെടുന്നവരുടെയും ദേശത്ത് അവശേഷിക്കുന്നവരുടെയുംമേല് ഒരു സിംഹത്തെ ഞാന് അയയ്ക്കും.