1 : സിറിയാരാജാവിന്റെ സൈന്യാധിപനായിരുന്നു നാമാന്. രാജാവിന് അവനോടു പ്രീതിയും ബഹുമാനവുമായിരുന്നു. കാരണം, അവന് മുഖാന്തരം കര്ത്താവ് സിറിയായ്ക്കു വിജയം നല്കി. ധീരനും പരാക്രമിയുമായിരുന്നെങ്കിലും അവന് കുഷ്ഠരോഗിയായിരുന്നു.
2 : ഇസ്രായേലിനെ ആക്രമിച്ചപ്പോള് സിറിയാക്കാര് ഒരു പെണ്കുട്ടിയെ തട്ടിക്കൊണ്ടുപോയിരുന്നു. അവള് നാമാന്റെ ഭാര്യയുടെ പരിചാരികയായി.
3 : അവള് തന്റെ യജമാനത്തിയോടു പറഞ്ഞു: എന്റെ യജമാനന് സമരിയായിലെ പ്രവാചകന്റെ അടുത്തായിരുന്നെങ്കില്! അവന് യജമാനന്റെ കുഷ്ഠം മാറ്റുമായിരുന്നു.
4 : ഇസ്രായേല്ക്കാരി പെണ്കുട്ടി പറഞ്ഞവിവരം നാമാന് രാജാവിനെ അറിയിച്ചു.
5 : സിറിയാരാജാവു പറഞ്ഞു: ഉടനെ പോവുക. ഞാന് ഇസ്രായേലില് രാജാവിന് ഒരു കത്തു തരാം. നാമാന് പത്തു താലന്ത് വെള്ളിയും ആറായിരം ഷെക്കല് സ്വര്ണവും പത്തു വിശിഷ്ടവസ്ത്രങ്ങളും എടുത്തു യാത്രയായി.
6 : അവന് കത്ത് ഇസ്രായേല് രാജാവിനെ ഏല്പിച്ചു. അതില് ഇങ്ങനെ എഴുതിയിരുന്നു: എന്റെ ദാസന് നാമാനെ കുഷ്ഠരോഗത്തില് നിന്നു സുഖപ്പെടുത്തണമെന്ന് അപേക്ഷിക്കാനാണ് ഈ എഴുത്ത്.
8 : ഇസ്രായേല്രാജാവു വസ്ത്രം കീറിയെന്നുകേട്ട് ദൈവപുരുഷനായ എലീഷാ രാജാവിനെ അറിയിച്ചു: നീ എന്തിനാണ് വസ്ത്രം കീറിയത്? അവന് എന്റെ അടുത്തുവരട്ടെ! ഇസ്രായേലില് ഒരു പ്രവാചകന് ഉണ്ടെന്ന് അറിയട്ടെ!
9 : നാമാന് രഥങ്ങളും കുതിരകളുമായി എലീഷായുടെ വീട്ടുപടിക്കല് എത്തി.
10 : എലീഷാ ദൂതനെ അയച്ച് അവനോടു പറഞ്ഞു: നീ ജോര്ദാനില് പോയി ഏഴു പ്രാവശ്യം കുളിക്കുക; നീ ശുദ്ധനായി, ശരീരം പൂര്വസ്ഥിതിയെ പ്രാപിക്കും.
11 : എന്നാല് നാമാന് കുപിതനായി മടങ്ങിപ്പോയി. അവന് പറഞ്ഞു: എലീഷാ എന്റെ അടുത്ത് ഇറങ്ങിവന്ന് തന്റെ ദൈവമായ കര്ത്താവിന്റെ നാമം വിളിച്ചപേക്ഷിക്കുമെന്നും കരം വീശി കുഷ്ഠം സുഖപ്പെടുത്തു മെന്നും ഞാന് വിചാരിച്ചു.
12 : ദമാസ്ക്കസിലെ അബാനായും ഫാര്പാറും ഇസ്രായേലിലെ നദികളെക്കാള് ശ്രേഷ്ഠമല്ലേ? അവയില് കുളിച്ച് എനിക്കു ശുദ്ധി പ്രാപിച്ചു കൂടേ? അങ്ങനെ, അവന് ക്രുദ്ധനായി അവിടെനിന്നു തിരിച്ചുപോയി.
13 : എന്നാല്, ഭൃത്യന്മാര് അടുത്തുചെന്നു പറഞ്ഞു: പിതാവേ, പ്രവാചകന് ഭാരിച്ച ഒരു കാര്യമാണു കല്പിച്ചിരുന്നതെങ്കില് അങ്ങ് ചെയ്യുമായിരുന്നില്ലേ? അപ്പോള്, കുളിച്ചു ശുദ്ധനാകുക എന്നു പറയുമ്പോള് എത്രയോ കൂടുതല് താത്പര്യത്തോടെ അങ്ങ് അതു ചെയ്യേണ്ടതാണ്.
15 : അവന് ഭൃത്യന്മാരോടൊത്ത് ദൈവപുരുഷന്റെ അടുത്തു തിരിച്ചുചെന്നു പറഞ്ഞു: ഭൂമിയില് ഇസ്രായേലിന്റേതല്ലാതെ മറ്റൊരു ദൈവമില്ലെന്ന് ഞാന് ഇപ്പോള് അറിയുന്നു. അങ്ങയുടെ ദാസനില്നിന്ന് ഒരു സമ്മാനം സ്വീകരിച്ചാലും.
17 : അപ്പോള് നാമാന് പറഞ്ഞു: സ്വീകരിക്കുകയില്ലെങ്കില് രണ്ടു കഴുതച്ചുമടു മണ്ണു തരണമെന്നു ഞാന് യാചിക്കുന്നു. ഇനിമേല് കര്ത്താവിനല്ലാതെ മറ്റൊരു ദൈവത്തിനും അങ്ങയുടെ ദാസന് ദഹനബലിയോ കാഴ്ചയോ അര്പ്പിക്കുകയില്ല.
18 : കര്ത്താവ് ഒരു കാര്യത്തില് ഈ ദാസനോടു ക്ഷമിക്കട്ടെ! എന്റെ യജമാനന് എന്റെ കൈയില് ചാരിക്കൊണ്ട് റിമ്മോന്ക്ഷേത്രത്തില് ആരാധനയ്ക്കു പോവുകയും ഞാന് അവിടെ വണങ്ങുകയും ചെയ്യുമ്പോള് കര്ത്താവ് അത് എന്നോടു ക്ഷമിക്കട്ടെ!
19 : എലീഷാ പറഞ്ഞു: സമാധാനമായി പോവുക. നാമാന് കുറച്ചുദൂരം പോയി.
20 : അപ്പോള് ദൈവപുരുഷനായ എലീഷായുടെ ഭൃത്യന് ഗഹസി ചിന്തിച്ചു: എന്റെ യജമാനന്, സിറിയാക്കാരനായ നാമാന്കൊണ്ടുവന്നതൊന്നും സ്വീകരിക്കാതെ വിട്ടയച്ചിരിക്കുന്നു. കര്ത്താവാണേ, ഞാന് അവന്റെ പുറകേ ചെന്ന് അവനോട് എന്തെങ്കിലും വാങ്ങും.
21 : ഗഹസി നാമാനെ പിന്തുടര്ന്നു. പിറകേ ഒരാള് ഓടിവരുന്നതു കണ്ട്, നാമാന് അവനെ സ്വീകരിക്കാന് രഥത്തില്നിന്നിറങ്ങി കാര്യം തിരക്കി.
22 : അവന് പറഞ്ഞു: എല്ലാം ശുഭംതന്നെ. എഫ്രായിം മലനാട്ടില് നിന്ന് പ്രവാചകഗണത്തില്പ്പെട്ട രണ്ടു ചെറുപ്പക്കാര് ഇപ്പോള് എന്റെ അടുക്കല് വന്നിരിക്കുന്നു. അവര്ക്ക് ഒരു താലന്ത് വെള്ളിയും രണ്ടു വിശേഷ വസ്ത്രങ്ങളും തന്നയയ്ക്കണമെന്ന് അപേക്ഷിക്കുന്നു എന്ന് യജമാനന് പറഞ്ഞയച്ചിരിക്കുന്നു.
23 : രണ്ടു താലന്ത് സ്വീകരിച്ചാലും എന്നു നാമാന് അവനെ നിര്ബന്ധിച്ചു: അവന് രണ്ടു താലന്ത് വെള്ളിയും രണ്ടു വിശേഷവസ്ത്രങ്ങളും സഞ്ചിയിലാക്കി രണ്ടു ഭൃത്യന്മാരുടെ തോളില് വച്ചുകൊടുത്തു. അവര് അതു ചുമന്നു കൊണ്ട് ഗഹസിയുടെ മുന്പേ നടന്നു.
24 : മലയില് എത്തിയപ്പോള് അവന് അതു വാങ്ങി വീട്ടിനുള്ളില് വച്ചതിനുശേഷം ഭൃത്യന്മാരെ തിരിച്ചയച്ചു.
25 : അവന് അകത്തു തന്റെ മുന്പില് വന്നപ്പോള് എലീഷാ ചോദിച്ചു: ഗഹസീ, നീ എവിടെയായിരുന്നു? അവന് പറഞ്ഞു: അങ്ങയുടെ ദാസന് എങ്ങും പോയില്ല.
26 : എന്നാല്, എലീഷാ പറഞ്ഞു: അവന് നിന്നെ സ്വീകരിക്കാന് രഥത്തില്നിന്ന് ഇറങ്ങിയപ്പോള് എന്റെ ആത്മാവ് അവിടെ ഉണ്ടായിരുന്നില്ലേ? പണം, വസ്ത്രം, ഒലിവുതോട്ടങ്ങള്, മുന്തിരിത്തോട്ടങ്ങള്, ആടുമാടുകള്, ദാസീദാസന്മാര് ഇവയൊക്കെ സ്വീകരിക്കാനുള്ള സമയമായിരുന്നോ അത്?
27 : നാമാന്റെ കുഷ്ഠം നിനക്കും നിന്റെ സന്തതികള്ക്കും എന്നേക്കുമായി വന്നുചേരും. അങ്ങനെ അവന് കുഷ്ഠരോഗിയായി മഞ്ഞുപോലെ വെളുത്ത് എലീഷായുടെ സന്നിധി വിട്ടുപോയി.