8 : സര്വോപരി നിങ്ങള്ക്ക്, ഗാഢമായ പരസ്പരസ്നേഹം ഉണ്ടായിരിക്കട്ടെ; കാരണം, സ്നേഹം നിരവധി പാപങ്ങളെ മറയ്ക്കുന്നു.
9 : പിറുപിറുപ്പുകൂടാതെ നിങ്ങള് പരസ്പരം ആതിഥ്യമര്യാദപാലിക്കുവിന്.
10 : ഓരോരുത്തനും തനിക്കു കിട്ടിയ ദാനത്തെ ദൈവത്തിന്റെ വിവിധ ദാനങ്ങളുടെ ഉത്തമനായ കാര്യസ്ഥനെന്ന നിലയില് മറ്റെല്ലാവര്ക്കും വേണ്ടി ഉപയോഗിക്കട്ടെ.
11 : പ്രസംഗിക്കുന്നവന് ദൈവത്തിന്റെ അരുളപ്പാടു നല്കുന്നവനെപ്പോലെ പ്രസംഗിക്കട്ടെ. ശുശ്രൂഷിക്കുന്നവന് ദൈവത്തില്നിന്നു ലഭിച്ച ശക്തികൊണ്ട് എന്നപോലെ ശുശ്രൂഷിക്കട്ടെ. അങ്ങനെ എല്ലാകാര്യങ്ങളിലും ദൈവം യേശുക്രിസ്തുവിലൂടെ മഹത്വപ്പെടട്ടെ. മഹ ത്വവും ആധിപത്യവും എന്നും എന്നേക്കും അവനുള്ളതാണ്. ആമേന്.
13 : ക്രിസ്തുവിന്റെ പീഡകളില് നിങ്ങള് പങ്കുകാരാകുന്നതില് ആഹ്ലാദിക്കുവിന്! അവന്റെ മഹത്വം വെളിപ്പെടുമ്പോള് നിങ്ങള് അത്യധികം ആഹ്ലാദിക്കും.
14 : ക്രിസ്തുവിന്റെ നാമം നിമിത്തം നിന്ദിക്കപ്പെട്ടാല് നിങ്ങള് ഭാഗ്യവാന്മാര്. എന്തെന്നാല്, മഹത്വത്തിന്റെ ആത്മാവ്, അതായത് ദൈവാത്മാവ് നിങ്ങളില് വസിക്കുന്നു.
15 : നിങ്ങളിലാരും തന്നെകൊലപാതകിയോ മോഷ്ടാവോ ദുഷ്കര്മിയോ പരദ്രോഹിയോ ആയി പീഡസഹിക്കാന് ഇടയാകരുത്.
16 : ക്രിസ്ത്യാനി എന്ന നിലയിലാണ് ഒരുവന് പീഡസഹിക്കുന്നതെങ്കില് അതില് അവന് ലജ്ജിക്കാതിരിക്കട്ടെ. പിന്നെയോ, ക്രിസ്ത്യാനി എന്ന നാമത്തില് അഭിമാനിച്ചുകൊണ്ട് അവന് ദൈവത്തെ മഹത്വപ്പെടുത്തട്ടെ.
17 : എന്തെന്നാല്, വിധിയുടെ സമയം സമാഗതമായിരിക്കുന്നു. ദൈവത്തിന്റെ ഭവനത്തിലായിരിക്കും അതാരംഭിക്കുക. അതു നമ്മിലാണ് ആരംഭിക്കുന്നതെങ്കില്, ദൈവത്തിന്റെ സുവിശേഷം അനുസരിക്കാത്തവരുടെ അവസാനം എന്തായിരിക്കും!
18 : നീതിമാന് കഷ്ടിച്ചുമാത്രം രക്ഷപെടുന്നുവെങ്കില്, ദുഷ്ടന്റെയും പാപിയുടെയും സ്ഥിതി എന്തായിരിക്കും!