1 : സഹോദരരേ, നിങ്ങള് സ്വീകരിച്ചതും നിങ്ങളുടെ അടിസ്ഥാനമായി നിലകൊള്ളുന്നതും നിങ്ങള്ക്കു രക്ഷപ്രദാനം ചെയ്തതുമായ സുവിശേഷം ഞാന് എപ്രകാരമാണ് നിങ്ങളോടു പ്രസംഗിച്ചതെന്ന് ഇനി നിങ്ങളെ അനുസ്മരിപ്പിക്കാം.
2 : അതനുസരിച്ചു നിങ്ങള് അചഞ്ചലരായി അതില് നിലനിന്നാല് നിങ്ങളുടെ വിശ്വാസം വ്യര്ഥമാവുകയില്ല.
3 : എനിക്കു ലഭിച്ചതു സര്വപ്രധാനമായി കരുതി ഞാന് നിങ്ങള്ക്ക് ഏല്പിച്ചുതന്നു. വിശുദ്ധ ലിഖിതങ്ങളില് പറഞ്ഞിട്ടുളളതുപോലെ,
4 : ക്രിസ്തു നമ്മുടെ പാപങ്ങള്ക്കുവേണ്ടി മരിക്കുകയും സംസ്കരിക്കപ്പെടുകയും എഴുതപ്പെട്ടിരുന്നതുപോലെ മൂന്നാംനാള് ഉയിര്പ്പിക്കപ്പെടുകയും ചെയ്തു.
5 : അവന് കേപ്പായ്ക്കും പിന്നീടു പന്ത്രണ്ടുപേര്ക്കും പ്രത്യക്ഷനായി.
6 : അതിനുശേഷം ഒരുമിച്ച് അഞ്ഞൂറിലധികം സഹോദരര്ക്കു പ്രത്യക്ഷനായി. അവരില് ഏതാനുംപേര് മരിച്ചുപോയി. മിക്കവരും ഇന്നും ജീവിച്ചിരിപ്പുണ്ട്.
7 : പിന്നീട് അവന് യാക്കോബിനും, തുടര്ന്ന് മറ്റെല്ലാ അപ്പസ്തോലന്മാര്ക്കും കാണപ്പെട്ടു.
8 : ഏറ്റവും ഒടുവില് അകാലജാതന് എന്നതുപോലെ എനിക്കും അവിടുന്നു പ്രത്യക്ഷ നായി.
9 : ഞാന് അപ്പസ്തോലന്മാരില് ഏറ്റ വും നിസ്സാരനാണ്. ദൈവത്തിന്റെ സഭയെ പീഡിപ്പിച്ചതുനിമിത്തം അപ്പസ്തോലനെന്ന നാമത്തിനു ഞാന് അയോഗ്യനുമാണ്.
10 : ഞാന് എന്തായിരിക്കുന്നുവോ അതു ദൈവകൃപയാലാണ്. എന്റെ മേല് ദൈവം ചൊരിഞ്ഞകൃപ നിഷ്ഫലമായിപ്പോയിട്ടില്ല. നേരേമറിച്ച് മറ്റെല്ലാവരെയുംകാള് അധികം ഞാന് അധ്വാനിച്ചു. എന്നാല്, ഞാനല്ല എന്നിലുള്ള ദൈവകൃപയാണ് അധ്വാനിച്ചത്.
11 : അതുകൊണ്ട്, ഞാനോ അവരോ, ആരുതന്നെയായാലും ഇതാണ് ഞങ്ങള് പ്രസംഗിക്കുന്നതും നിങ്ങള് വിശ്വസിച്ചതും.
മരിച്ചവരുടെ ഉത്ഥാനം
12 : ക്രിസ്തു മരിച്ചവരില്നിന്ന് ഉയിര്പ്പിക്കപ്പെട്ടതായി പ്രഘോഷിക്കപ്പെടുന്നെങ്കില് മരിച്ചവര്ക്കു പുനരുത്ഥാനം ഇല്ല എന്നു നിങ്ങളില് ചിലര് പറയുന്നതെങ്ങനെ?
14 : ക്രിസ്തു ഉയിര്പ്പിക്കപ്പെട്ടില്ലെങ്കില് ഞങ്ങളുടെ പ്രസംഗം വ്യര്ഥമാണ്. നിങ്ങളുടെ വിശ്വാസവും വ്യര്ഥം.
15 : മാത്രമല്ല, ഞങ്ങള് ദൈവത്തിനുവേണ്ടി കപടസാക്ഷ്യം വഹിക്കുന്നവരായിത്തീരുന്നു. എന്തെന്നാല്, ദൈവം ക്രിസ്തുവിനെ ഉയിര്പ്പിച്ചു എന്നു ഞങ്ങള് സാക്ഷ്യ പ്പെടുത്തി. മരിച്ചവര്യഥാര്ഥത്തില് ഉയിര്പ്പിക്കപ്പെടുന്നില്ലെങ്കില് ദൈവം ക്രിസ്തുവിനെയും ഉയിര്പ്പിച്ചിട്ടില്ല.
27 : ദൈവം സമസ്തവും അധീനമാക്കി തന്റെ പാദത്തിന്കീഴാക്കിയിരിക്കുന്നു. എന്നാല്, സമസ്തവും അധീനമാക്കി എന്നു പറയുമ്പോള് അവ അധീനമാക്കിയവന് ഒഴികെ എന്നതു സ്പ ഷ്ടം.
28 : സമസ്തവും അവിടുത്തേക്ക് അധീനമായിക്കഴിയുമ്പോള് സമസ്തവും തനിക്ക് അധീനമാക്കിയവന് പുത്രന്തന്നെയും അധീനനാകും. ഇത് ദൈവം എല്ലാവര്ക്കും എല്ലാമാകേണ്ടതിനുതന്നെ.
34 : നിങ്ങള് നീതിപൂര്വം സമചിത്തതപാലിക്കയും പാപം വര്ജിക്കയും ചെയ്യുവിന്. ചിലര്ക്കുദൈവത്തെപ്പറ്റി ഒരറിവുമില്ല. നിങ്ങളെ ലജ്ജിപ്പിക്കാനാണ് ഞാന് ഇതു പറയുന്നത്.
54 : അങ്ങനെ, നശ്വരമായത് അനശ്വരതയും മര്ത്യമായത് അമര്ത്യതയും പ്രാപിച്ചുകഴിയുമ്പോള്, മരണത്തെ വിജയം ഗ്രസിച്ചു എന്നെഴുതപ്പെട്ടതുയാഥാര്ഥ്യമാകും. മരണമേ, നിന്റെ വിജയം എവിടെ?
55 : മരണമേ, നിന്റെ ദംശനം എവിടെ?
56 : മരണത്തിന്റെ ദംശനം പാപവും പാപത്തിന്റെ ശക്തി നിയമവുമാണ്.
57 : നമ്മുടെ കര്ത്താവായ യേശുക്രിസ്തുവഴി നമുക്കു വിജയം നല്കുന്ന ദൈവത്തിനു നന്ദി.
58 : അതിനാല്, എന്റെ വത്സലസഹോദരരേ, കര്ത്താവില് നിങ്ങളുടെജോലി നിഷ്ഫലമല്ലെന്നു ബോധ്യപ്പെട്ട്, അവിടുത്തെജോലിയില് സദാ അഭിവൃദ്ധി പ്രാപിച്ച് സ്ഥിരചിത്തരും അചഞ്ചലരുമായിരിക്കുവിന്.