7 : തന്നോടു സംസാരിച്ച ദൂതന് പോയപ്പോള് അവന് തന്റെ രണ്ടു ഭൃത്യന്മാരെയും അംഗരക്ഷകന്മാരില്പ്പെട്ട വിശ്വസ്ത നായ ഒരു പടയാളിയെയും വിളിച്ച്,
8 : എല്ലാം വിശദീകരിച്ചുകൊടുത്തതിനു ശേഷം അവരെ യോപ്പായിലേക്ക് അയച്ചു.
9 : അവര്യാത്ര ചെയ്ത് പിറ്റേ ദിവസം നഗരത്തെ സമീപിച്ചപ്പോള് പത്രോസ് പ്രാര് ഥിക്കാന്മട്ടുപ്പാവിലേക്കു പോവുകയായിരുന്നു. ഏകദേശം ആറാം മണിക്കൂറായിരുന്നു.
10 : അവനു വിശുന്ന. എന്തെങ്കിലും ഭക്ഷിക്കണമെന്നു തോന്നി. അവര് ഭക്ഷണം തയ്യാറാക്കിക്കൊിരുപ്പോള് അവന് ഒരു ദിവ്യാനുഭൂതി ഉണ്ടായി.
11 : സ്വര്ഗം തുറന്നിരിക്കുന്നതും വലിയ വിരിപ്പുപോലുള്ള ഒരു പാത്രം നാലുകോണിലും പിടിച്ച് ഭൂമിയിലേക്ക് ഇറക്കപ്പെടുന്നതും അവന് കണ്ടു.
12 : ഭൂമിയിലെ എല്ലാത്തരം നാല്ക്കാലികളും ഇഴജന്തുക്കളും ആകാശപ്പറവകളും അതിലുണ്ടായിരുന്നു.
13 : ഒരു സ്വരവും അവന് കേട്ടു: പത്രോസേ, എഴുന്നേല്ക്കുക; നീ ഇവയെ കൊന്നു ഭക്ഷിക്കുക.
14 : പത്രോസ് പറഞ്ഞു: കര്ത്താവേ, ഒരിക്കലുമില്ല. മലിനമോ അശുദ്ധമോ ആയ ഒന്നും ഞാന് ഒരിക്കലും ഭക്ഷിച്ചിട്ടില്ല.
15 : രണ്ടാമതും അവന് ആ സ്വരം കേട്ടു: ദൈവം വിശുദ്ധീകരിച്ചവ മലിനമെന്നു നീ കണക്കാക്കരുത്.
16 : മൂന്നുപ്രാവശ്യം ഇങ്ങനെ സംഭവിച്ചു. ഉടന്തന്നെ പാത്രം ആകാശത്തേക്ക് എടുക്കപ്പെടുകയും ചെയ്തു.
17 : താന് കണ്ട ദര്ശനത്തിന്റെ അര്ഥമെന്തെന്നു പത്രോസ് സംശയിച്ചുനില്ക്കുമ്പോള്, കൊര്ണേലിയൂസ് അയച്ച ആളുകള് ശിമയോന്റെ വീടന്വേഷിച്ച് പടിവാതില്ക്കല് നില്പുണ്ടായിരുന്നു.
18 : പത്രോസ് എന്നു വിളിക്കപ്പെടുന്ന ശിമയോന് ഇവിടെയാണോ താമസിക്കുന്നത് എന്ന് അവര് വിളിച്ചു ചോദിച്ചു.
19 : പത്രോസ് ദര്ശനത്തെക്കുറിച്ചു ചിന്തിച്ചുകൊണ്ടിരുന്നപ്പോള് ആത്മാവ് അവനോടു പറഞ്ഞു: ഇതാ, മൂന്നുപേര് നിന്നെ അന്വേഷിക്കുന്നു.
20 : എഴുന്നേറ്റ് താഴേക്കു ചെല്ലുക; ഒന്നും സംശയിക്കാതെ അവരോടൊപ്പം പോവുക. എന്തെന്നാല്, ഞാനാണ് അവരെ അയച്ചിരിക്കുന്നത്.
21 : പത്രോസ് താഴെ വന്ന് അവരോടു പറഞ്ഞു: നിങ്ങള് അന്വേഷിക്കുന്ന ആള് ഞാന് തന്നെ. നിങ്ങള് വന്നതിന്റെ ഉദ്ദേശ്യമെന്ത്?
22 : അവര് പറഞ്ഞു: നീതിമാനും ദൈവഭയമുള്ളവനും യഹൂദജനത്തിനു മുഴുവന് സമ്മതനുമായകൊര്ണേലിയൂസ് എന്ന ശതാധിപന്, നിന്നെ ആളയച്ച് വീട്ടിലേക്ക് കൊണ്ടുചെല്ലണമെന്നും, നിന്റെ വാക്കുകള്കേള്ക്കണമെന്നും, ദൈവദൂതനില്നിന്നു നിര്ദ്ദേശം ലഭിച്ചിരിക്കുന്നു.
23 : അവന് അവരെ അകത്തേക്കു വിളിച്ച് അവിടെ താമസിപ്പിച്ചു. അടുത്ത ദിവസം അവന് അവരോടൊപ്പം പുറപ്പെട്ടു. യോപ്പായില്നിന്നുള്ള ചില സഹോദരന്മാരും അവനെ അനുയാത്ര ചെയ്തു.
24 : പിറ്റേ ദിവസം അവര് കേസറിയായിലെത്തി. കൊര്ണേലിയൂസ് തന്റെ ബന്ധുക്കളെയും അടുത്ത സുഹൃത്തുക്കളെയും വിളിച്ചുകൂട്ടി, അവരുടെ വരവു പ്രതീക്ഷിച്ചിരിക്കുകയായിരുന്നു.
25 : പത്രോസ് അകത്തുപ്രവേശിച്ചപ്പോള് കൊര്ണേലിയൂസ് അവനെ സ്വീകരിച്ച് കാല്ക്കല് വീണു നമസ്കരിച്ചു.
26 : എഴുന്നേല്ക്കുക, ഞാനും ഒരു മനുഷ്യനാണ് എന്നു പറഞ്ഞുകൊണ്ട് പത്രോസ് അവനെ എഴുന്നേല്പിച്ചു.
27 : അവനോടു സംസാരിച്ചുകൊണ്ട് പത്രോസ് അകത്തു പ്രവേശിച്ചപ്പോള് വളരെപ്പേര് അവിടെ കൂടിയിരിക്കുന്നതു കണ്ടു.
28 : അവന് അവരോടു പറഞ്ഞു: മറ്റൊരു വര്ഗക്കാരനുമായി സമ്പര്ക്കം പുലര്ത്തുന്നതും അവനെ സമീപിക്കുന്നതും ഒരു യഹൂദന് എത്രത്തോളം നിയമവിരുദ്ധമാണെന്നു നിങ്ങള്ക്ക് അറിയാമല്ലോ. എന്നാല്, ഒരു മനുഷ്യനെയും ഹീനജാതിക്കാരനെന്നോ അശുദ്ധനെന്നോ വിളിക്കരുതെന്ന് ദൈവം എനിക്കു കാണിച്ചുതന്നിരിക്കുന്നു.
29 : അതിനാല്, നിങ്ങള് എനിക്ക് ആളയച്ചപ്പോള്യാതൊരു തടസ്സവും പറയാതെ ഞാന് വരുകയാണു ചെയ്തത്. എന്തിനാണ് നിങ്ങള് എനിക്ക് ആളയച്ചതെന്നു പറയുവിന്.
30 : കൊര്ണേലിയൂസ് മറുപടി പറഞ്ഞു: നാലു ദിവസം മുമ്പ് ഈ സമയത്തു വീട്ടില്വച്ച് ഞാന് ഒന്പതാം മണിക്കൂറിലെ പ്രാര്ഥന നടത്തുകയായിരുന്നു. പെട്ടെന്നു തിളങ്ങുന്ന വസ്ത്രങ്ങളണിഞ്ഞഒരാള് എന്റെ മുമ്പില് പ്രത്യക്ഷപ്പെട്ടു.
31 : അവന് പറഞ്ഞു: കൊര്ണേലിയൂസേ, ദൈവസന്നിധിയില് നിന്റെ പ്രാര്ഥനകള് എത്തുകയും ദൈവം നിന്റെ ദാനധര്മങ്ങള് അനുസ്മരിക്കുകയും ചെയ്തിരിക്കുന്നു.
32 : അതുകൊണ്ട്, യോപ്പായിലേക്ക് ആളയച്ച് പത്രോസ് എന്നു വിളിക്കപ്പെടുന്ന ശിമയോനെ വരുത്തുക. കടല്ത്തീരത്തു തുകല്പണിക്കാരനായ ശിമയോന്റെ വീട്ടിലാണ് അവന് താമസിക്കുന്നത്.
33 : അതുകൊണ്ട് നിന്നെ വിളിക്കാന് ഞാന് ഉടനെ ആളയച്ചു. നീ സൗമനസ്യത്തോടെ ഇവിടെ വരുകയും ചെയ്തു. കര്ത്താവ് നിന്നോട് ആജ്ഞാപിച്ചിട്ടുള്ളതെല്ലാം കേള്ക്കാന് ഇതാ, ദൈവ സന്നിധിയില് ഞങ്ങളെല്ലാവരും സന്നിഹിതരായിരിക്കുന്നു.
38 : നസറായനായ യേശുവിനെ പരിശുദ്ധാത്മാവിനാലും ശക്തിയാലും ദൈവം എങ്ങനെ അഭിഷേകം ചെയ്തുവെന്നും അവന് എപ്രകാരം നന്മ പ്രവര്ത്തിച്ചുകൊണ്ടും പിശാചിനാല് പീഡിപ്പിക്കപ്പെട്ടവരെ സുഖപ്പെടുത്തിക്കൊണ്ടും ചുറ്റിസഞ്ചരിച്ചുവെന്നും നിങ്ങള്ക്ക് അറിയാം. ദൈവം അവനോടുകൂടെയുണ്ടായിരുന്നു.
39 : യഹൂദന്മാരുടെ ദേശത്തും ജറുസലെമിലും അവന് ചെയ്ത എല്ലാകാര്യങ്ങള്ക്കും ഞങ്ങള് സാക്ഷികളാണ്. അവര് അവനെ മരത്തില് തൂക്കിക്കൊന്നു.
40 : എന്നാല്, ദൈവം അവനെ മൂന്നാംദിവസം ഉയിര്പ്പിക്കുകയും പ്രത്യക്ഷനാക്കുകയും ചെയ്തു.
41 : എല്ലാവര്ക്കുമല്ല, സാക്ഷികളായി ദൈവം മുന്കൂട്ടി തെരഞ്ഞെടുത്ത ഞങ്ങള്ക്കു മാത്രം. അവന് മരിച്ചവരില്നിന്ന് ഉയിര്ത്തെഴുന്നേറ്റതിനുശേഷം, അവനോടുകൂടെ ഭക്ഷിക്കുകയും പാനംചെയ്യുകയും ചെയ്തവരാണ് ഞങ്ങള്.
42 : ജീവിച്ചിരിക്കുന്നവരുടെയും മരിച്ചവരുടെയും വിധികര്ത്താവായി ദൈവം നിയോഗിച്ചിരിക്കുന്നവന് അവനാണ് എന്ന് ജനങ്ങളോടു പ്രസംഗിക്കാനും സാക്ഷ്യം വഹിക്കാനും ഞങ്ങള്ക്കു കല്പന നല്കി.
43 : അവനില് വിശ്വസിക്കുന്ന എല്ലാവരും അവന്റെ നാമംവഴി പാപമോചനം നേടുമെന്നു പ്രവാചകന്മാര് അവനെക്കുറിച്ചു സാക്ഷ്യപ്പെടുത്തുന്നു.
വിജാതീയര്ക്കു ജ്ഞാനസ്നാനം
44 : പത്രോസ് ഇതു പറഞ്ഞുകൊണ്ടിരിക്കുമ്പോള് തന്നെ, കേട്ടുകൊണ്ടിരുന്ന എല്ലാവരുടെയുംമേല് പരിശുദ്ധാത്മാവ് വന്നു.
45 : വിജാതീയരുടെമേല്പോലും പരിശുദ്ധാത്മാവിന്റെ ദാനം വര്ഷിക്കപ്പെട്ടതിനാല്, പത്രോസിനോടുകൂടെ വന്നിരുന്ന പരിച്ഛേദിതരായ വിശ്വാസികള് വിസ്മയിച്ചു.
46 : അവര് അന്യഭാഷകളില് സംസാരിക്കുന്നതും ദൈവത്തെ സ്തുതിക്കുന്നതും അവര് കേട്ടു. അപ്പോള് പത്രോസ് പറഞ്ഞു:
47 : നമ്മെപ്പോലെതന്നെ പരിശുദ്ധാത്മാവിനെ സ്വീകരിച്ച ഇവര്ക്കു ജ്ഞാനസ്നാനജലം നിഷേധിക്കാന് ആര്ക്കെങ്കിലും സാധിക്കുമോ?